Ekesote 3:5 - Tosi Tapu

⁵ Na pati loa le Atua : Aua na ke fakafeofi mai ki leinei, too ou taka mei ou vae, talie ko le ganea leinei e ke tuu ai ko se kele taputapu a ia.

Ekesote 3:5 Iomraidhean Croise

Ekesote 19:12

E ke fakatuu loa ki le kakai se koiga ke takatakai ia le mauga katoa, ti ke fakasa loa : ke aua na kotou pale loa ki le mauga, pe kotou fafa fua ki ai. Ko leia e lave loa ki le mauga, e tautea loa a ia ki le mate.

Ekesote 19:21

Na pati loa le Eteleno kia Moisese : Ifo o toe fakamanatu ki le kakai e tapu mamafa le oso ke tio ki le Eteleno, talie na mate loa se toka api o latou.

Ekesote 4:28

Ti na fakasa loa e Moisese kia Alone a folafola fuli a le Eteleno, leia na kakau ia a ia, mo fakamailoga fuli ala na fakatotonu e ia ke fai.

Ekelesiasi 5:1

Aua na ke fakatavili o fakamavaa lou gutu, ti aua na fai vave e lou loto se masau i mua o le Atua ; talie e nofo le Atua i lagi kae ko koe, e ke nofo i le kele : fakateiki au masau.

Selemia 30:21

E au loa lona pule mei lona manava, E ulu loa meiate ia leia e takitaki ia loa a ia. E kau fakafeofi mai loa a ia kiate au, ti e au loa a ia kiate au ; Talie ko ai e toa loa i le fakafeofi toka tasi mai kiate au ? E pati le Eteleno.

Levitiko 10:3

Ti na pati loa Moisese kia Alone : ko le nea a ia leia na fakasa e le Eteleno i lana pati : E kau loto ke fakaapaapa ki loku maokioki latou ala e fakafeofi mai kiate au, ti ke lotou fakasa loku kololia i mua o le kakai katoa. Na fakalologo loa Alone.

Gaoi 7:33

Na pati loa le Aliki kiate ia : Too ou taka i ou vae, talie ko le ganea leia e ke tuu ai ko se kele maokioki.

Tetelonome 23:14

Talie e saele le Eteleno, lou Atua, i loto malie o lou nofolaga solia, o puipui a koe mo saofaki a koe mei ou fili. Koia e tonu ai ke mea lou nofolaga solia, ke aua na tio loa le Eteleno ki se nea fakalialia i lou nofolaga ti ke maliu kese loa a ia meiate koe.

Epelo 12:20

talie na leaise mafai ke lotou tali le fakatotonu leinei : Ke tuki loa ki fatu a manu fuli ala e lave loa ki le mauga.

Sosue 5:15

Na pati loa le pule o le kau tau a le Eteleno kia Sosue : Tatala ou taka i ou vae, talie e maokioki le ganea leia e ke tuu ai. Ti na fai loa a Sosue ki ai.

Lua tosi a Petelo 1:18

Ti na motou logo ki le leo lena mei le lagi, i lamotou nonofo mo ia i le mauga maokioki.