Ekesote 3:22 - Tosi Tapu

²² E kole loa e le fafine taki toka tasi o Iselaele ki le fafine o Esipito leia e nofo i lona fale pe i ona tafatafa ni ipu siliva, mo ni ipu aulo, ti mo ni kofu ; ti kotou fakaamo loa latou ki okoutou vosa mo okoutou taineliki. Ti e kotou fakamativa loa le kau Esipito.

Ekesote 3:22 Iomraidhean Croise

Senesi 15:14

Kae e kau fakamaaui loa le puleaga lena na lotou popula ki ai, ti e lotou mavae loa mei ai mo ni koloa lasi.

Senesi 24:53

Ti na too loa e le tagata fakasausau ni nea fakateuteu siliva, mo ni nea fakateuteu aulo, ti mo ni kofu, o soli kia Lepeka ; ti na toe fai foki e ia ni nea alofa mauiga ki lona tuagaane mo lona tinana.

Pesalemo 105:37

Na fakamavae loa e ia lona kakai mo se paaga mo se aulo, Ti na leaise siga loa se tasi i ona faasiga.

Ekesote 11:2

Ke ke masau ki le kakai, ke tasi kole e le tagata mo le fafine ki leia i ona tafa, ni ipu siliva mo ni ipu aulo.

Taagapati 13:22

E tuku e le tagata agamalie se tofiga ki fanau o ana fanau, Kae na tanaki a koloa o le tagata agasala ki le tagata agatonu.

Esaia 33:1

Malaia kiate koe leia e maumaui ia a nea fuli, Kae na leaise maumaui ! Leia e kaia, kae na leikiaise kaia iate ia ! Io, ka oki loa lau maumaui, e maumaui loa a koe ; Ti ka oki loa lau kaia, e kaia loa iate koe.

Esekiele 39:10

E leaise lotou too loa ni fafie i faisaga, Ti e leaise lotou tuuti loa ni fafie i vaomatua, Talie e lotou tafu loa a afi ki masafu. E lotou fakamativa loa latou ala na fakamativa ia latou, E lotou kaia loa latou ala na kaia ia latou ; E pati le Aliki, le Eteleno.