Ekesote 3:20 - Tosi Tapu

²⁰ E kau falo loa loku lima, ti e kau tautea loa Esipito ki nea fakamanamana kesekese ala e kau fakasoko ia loa i le fenua. I le oki loa o nea ana, e tuku loa e ia ke kotou ano.

Ekesote 3:20 Iomraidhean Croise

Senesi 15:14

Kae e kau fakamaaui loa le puleaga lena na lotou popula ki ai, ti e lotou mavae loa mei ai mo ni koloa lasi.

Neemia 9:10

Na ke fai loa ni milakulo mo ni nea fakamanamana kia Falaone, mo ana tagata fakasausau ti mo le kakai katoa o lona fenua, talie na ke iloa lalatou fakavelivelii omatou tamana, ti na ke fakasa loa lou kololia ofaipe lau fakasa i le aso nei.

Pesalemo 105:27

Na la fai loa ni nea fakatalatupua i lona makeke i loto malie o olatou fili, Io, na la fai loa ni milakulo i le fenua o Kami.

Pesalemo 105:38

Na fiafia loa le kau Esipito i lolatou mavae, Talie na lotou i ai kia latou.

Pesalemo 106:22

Mo ni milakulo i le fenua o Kami, Mo ni nea fakatalatupua i le Tai Kula.

Ekesote 11:1

Na pati loa le Eteleno kia Moisese : E kau toe tuku loa se tautea fakaoki kia Falaone mo Esipito. Ka oki loa le nea lena, e tuku loa koutou e Falaone ke mavae i leinei. Ka tuku loa e ia koutou ke ano, e kapu loa e ia koutou ke mavae oki i leinei.

Ekesote 12:39

Na lotou fakamoso loa ni kato sala fakatupu ki le falina leia kua lusi, leia na aumai mei Esipito kae na leikiaise tupu, talie na kapu latou mei Esipito, o lotou mavae fakatavili kae na leaise lotou too ia ni nea kai ke ano mo latou.

Ekesote 13:3

Na pati loa Moisese ki le kakai : Kotou manatui le aso leinei, le aso leia na kotou mavae ai i Esipito, i le fale o le popula ; talie ko le lima makeke o le Eteleno leia na fakamavae ia koutou. E leaise kai loa se pane fakatupu.

Ekesote 13:9

E tuu loa le nea lena kiate koe ofaipe se fakamailoga i lou lima, ofaipe se tausi alofa i ou vasa mata, o tupu ke maua le lao a le Eteleno i lou gutu ; talie ko le Eteleno leia na fakamavae ia a koe i Esipito, ki lona lima makeke.

Ekesote 15:11

Eteleno, ko ai le atua e tatau mo koe ? Ko ai e tatau mo koe leia e gigila i le maokioki, Leia e gali mo fakavikiviki, Leia e fai ia a nea fakamanamana ?

Ekesote 15:6

Kua fakasa e lou lima atamai, ei Eteleno ! lona makeke ; Kua laliki e lou lima atamai, ei Eteleno ! le fili.

Ekesote 4:21

Na pati loa le Eteleno kia Moisese : E ke toe liliu loa ki Esipito, tio, kua kau tuku a nea fakamanamana kesekese ki lou lima : e ke fai loa latou i mua o Falaone. Ti ko au, e kau fakafefeka ia loa lona loto, ti e leaise tuku loa e ia le kakai ke ano.

Ekesote 6:1

Na pati loa le Eteleno kia Moisese : I le aso nei e ke tio loa ki le nea leia ka kau fai loa kia Falaone ; e fakamakeke loa a ia e se lima makeke ke tuku latou ke ano, ti e fakamakeke loa a ia e se lima makeke ke kapu latou mei lona fenua.

Ekesote 6:6

Koia ke ke pati ki fanau a Iselaele : Ko au ko le Eteleno, e kau fakalauatea loa koutou mei gaoi ala e kotou taomia ai i le kau Esipito, ti e kau saofaki loa koutou mei lalatou popula, ti e kau saofaki loa koutou ki se lima makeke, mo ni tautea lalasi.

Ekesote 9:15

Kanapau na kau folasi loku lima, o kau tautea a koe ki le mate, a koe mo lou kakai, kua ke puli nei i aluga o le malama nei.

Esaia 19:22

Koia e taai ai loa e le Eteleno le kau Esipito ; E taai loa e ia latou, kae e toe fakamauli loa e ia latou ; Ti e lotou tafoki loa ki le Eteleno, Leia e tali ia loa alatou kole ti e fakamauli ia loa latou.

Esaia 26:11

Eteleno, e mafimafi lou lima : Kae e leaise lotou tio ki ai. E lotou tio loa ki lou alofa ki le kakai, ti e lotou luma loa ; E tutu loa e le afi ou fili.

Esekiele 20:33

E kau mauli ! E pati le Aliki, le Eteleno, e kau pule loa kia koutou, ki loku lima makeke mo loku lima falo, ti mo le liligi o loku sausau.

Mikea 7:15

Ofaipe le aso leia na ke mavae ai i le fenua o Esipito, E kau fakatio loa a koe ki ni nea fakamanamana !

Gaoi 7:36

Ko ia leia na fakamavae ia loa latou mei Esipito, ti na fai ia loa ni nea fakaofolele mo ni milakulo i le fenua o Esipito, mo le Tai Kula, ti mo le toafa, lolotoga o fetuu e kau fa.

Tetelonome 4:34

Pe ku i ai se Atua leia kua au o too kiate ia se puleaga i loto malie o se tasi puleaga, ki ni asiasi, mo ni fakamailoga, mo ni milakulo, mo ni tau, ki le lima makeke mo le lima falo, ki ni nea fakaii, ofaipe nea fuli ala na fai kia koutou e le Eteleno, lokoutou Atua, i Esipito i okoutou mata ?

Tetelonome 6:22

Na fai loa e le Eteleno, i omatou mata, ni milakulo, mo ni nea fakaofolele lalasi mo fakaii, ki Esipito, mo Falaone, mo lona fale katoa.

Tuifakamaau 6:8

Na tuku loa e le Eteleno se polofeta ki fanau a Iselaele. Na pati loa a ia kia latou : Ko leinei le folafola a le Eteleno, Atua o Iselaele : Na kau fakamavae koutou mei Esipito ti na kau fakamavae koutou mei le fale o le popula.

Tuifakamaau 8:16

Ti na too loa e ia ni laakau sukisuki mo ni laakau talatala o le toafa, ti na tautea loa e ia a tagata fakamatuatua o Sukoti.