Ekesote 3:18 - Tosi Tapu

¹⁸ E lotou fakalogo loa ki lou leo ; ti e ke ano loa, a koe mo le kau matua o Iselaele ki le sau o Esipito, ti e kotou pati loa kiate ia : Ko le Eteleno, le Atua o le kau Epeleo, na sa mai kia matou. Fakataga mai ke motou ano o saele i ni aso e tolu i le toafa, o momoli ai ni sakilifisio ki le Eteleno, lomatou Atua.

Ekesote 3:18 Iomraidhean Croise

Senesi 12:1

Na pati loa le Eteleno kia Apalamo : Ano a koe i lou fenua, mo lou puleaga, mo le fale o lou tamana, ki le fenua leia e kau fakasa loa kiate koe.

Senesi 14:13

Na au loa se tagata na sola o fakasa le nea lena kia Apalamo, le tagata Epeleo ; kae na nofo Apalamo i le ulu sene o Mamele, le tagata Amole, ko le taina o Esekoli mo Anele, ala na kau mo Apalamo.

Senesi 15:1

I le oki o nea ana, na tuku loa le folafola a le Eteleno kia Apalamo i se tio kiate ia, o pati : Apalamo, aua na ke i ! Ko au ko lou paletau, ti e lasi loa lou fakapale.

Senesi 17:1

I le fetuu kau iva tupu iva o Apalamo, na sa loa le Eteleno kia Apalamo, o pati kiate ia : Ko Au ko le Atua Mafimafi. Ke ke saele i oku mua, ti ke agatonu !

Senesi 48:3

Ti na pati loa Sakopo kia Sosefo : Na sa mai kiate au le Atua mafimafi i Luse, i le fenua o Kanaane, ti na tapuaki mai a ia kiate au.

Lua tosi o Koloniko 30:12

I Suta foki na gaoi le lima o le Atua o soli kia latou se loto tasi, ke lotou fai le fakatotonu a le sau mo le kau pule, o mulimuli ki le folafola a le Eteleno.

Pesalemo 110:3

E apele lou kakai i le makeke, Mo ka ke fakatasi lau kau tau ; Mo ni kofu tapu, mei le manava o le mafoata E au kiate koe lau kau tupulaga ofaipe se sasau.

Ekesote 10:3

Na ano loa Moisese mo Alone kia Falaone, o pati kiate ia : Ko leinei le folafola a le Eteleno, ko le Atua o le kau Epeleo : E kaku loa kiafea lau fakafiti ke ke fakataulalo i oku mua ? Tuku loku kakai ke ano, o tupu ke tausi a ia kiate au.

Ekesote 17:5

Na pati loa le Eteleno kia Moisese : Ano i mua o le kakai, ti ke ano mo koe le kau matua o Iselaele ; too foki i lou lima le tokotoko leia na ke taai ai le vaitafe, ti ke ano !

Ekesote 19:1

I le tolu o masina ki lolatou mavae mei le fenua o Esipito, na kaku loa fanau a Iselaele i le aso lena ki le toafa o Sinai.

Ekesote 25:22

Ko lena le ganea leia e kau felavei ai loa mo koe ; i aluga o le nofolaga o le manava alofa, i le vasa o selupino e lua ala e tuu i aluga o le aleka, e kau tuku atu loa kiate koe aku fakatotonu fuli ki fanau a Iselaele.

Ekesote 3:12

Na pati loa le Atua : E kau nofo loa mo koe ; ti ko leinei le fakamailoga kiate koe ko au leia e kakau ia a koe : I le oki o lau fakamavae loa le kakai mei Esipito, e kotou atolasio loa kiate au i le mauga leinei.

Ekesote 3:16

Ke ke ano, ti ke fakatasi le kau matua o Iselaele, ti ke pati loa kia latou : Ko le Eteleno, le Atua o okoutou tamana, le Atua o Apalaamo, mo Isaake, mo Sakopo na sa mai kiate au. Ti na pati mai a ia : Kua kau tio kia koutou, ti kua kau tio ki le nea leia e fai kia koutou i Esipito,

Ekesote 30:36

E ke tuki loa a ia ke fai pe se pauta, ti e ke tuku loa a ia ki mua o le aleka o le fakamaoki, i loto o le falela tapu leia e kau felavei ai loa mo koe. Ko se nea maokioki loa lena kia koutou.

Ekesote 30:6

E ke fakatuu loa le aletale i le tua lito, leia e tau i mua o le aleka o le fakamaoki, i mua o le nofoaga o le manava alofa leia e teki i aluga o le aleka o le fakamaoki, le ganea leia e kau felavei ai loa mo koe.

Ekesote 4:1

Ti na tali loa Moisese : Ko leinei, e leaise lotou tui loa kiate au, ti e leaise lotou fakalogo loa ki loku leo. Kae e lotou pati loa : Na leaise sa le Eteleno kiate koe.

Ekesote 4:23

E kau pati atu kiate koe : Tuku loku vosa ke ano, o tupu ke tausi a ia kiate au ; kapau e ke fakafiti ke tuku a ia ke ano, ti e kau tamate loa lou vosa uluaki.

Ekesote 4:24

I le lolotoga o lana fanoga, i se ganea leia na moe ai loa Moisese i le pouli, na osoi loa a ia e le Eteleno, ti na loto loa a ia ke tamate Moisese.

Ekesote 4:31

Ti na tui loa le kakai. Na lotou iloa loa kua asiasi le Eteleno ki fanau a Iselaele, ti kua tio a ia ki lolatou mamae ; ti na lotou tulolo loa ki le kele, o fakafetai.

Ekesote 5:1

Na ano loa Moisese mo Alone kia Falaone, o pati kiate ia : Ko leinei le folafola a le Eteleno, ko le Atua o Iselaele : Tuku ke ano loku kakai, ke fai e ia se aso fakafiafia kiate au.

Ekesote 5:3

Na la pati loa : Kua sa mai le Atua o le kau Epeleo kia maua. Fakataga mai ke motou fai ni aso saele e tolu i le toafa, ti ke motou momoli ni sakilifisio ki le Eteleno, o tupu ke aua na tautea e ia matou ki le taumasaki mo le seleta.

Ekesote 7:16

E ke pati loa kia Falaone : Ko le Eteleno, le Atua o le kau Epeleo, na kakau ia mai au kiate koe, ke pati atu kiate koe : tuku loku kakai ke ano, o tupu ke lotou tausi kiate au i le toafa. Ti ko leinei, o kaku mai ki le aso nei, na leaise ke fakalogo fua.

Ekesote 8:1

Na pati loa le Eteleno kia Moisese : Pati kia Alone : Siki lou lima mo lou tokotoko ki liua lalasi, mo liua liliki, mo vaivailiua, mo vai tanaki, ti ke fakapale mei ai a kelenui ki le fenua o Esipito.

Ekesote 8:20

Na fai fenaaki loa e le Eteleno. Na ulu loa se kau lago utiuti ki le fale o Falaone mo ana tagata fakasausau, ti na maumaui loa e lago le fenua katoa o Esipito.

Ekesote 8:23

Koia e motou fai ai loa ni aso saele e tolu i le toafa, ti e motou momoli loa ni sakilifisio ki le Eteleno ko lomatou Atua, o mulimuli ki le nea leia e pati loa a ia ki ai.

Ekesote 9:1

Na pati loa le Eteleno kia Moisese : Ano kia Falaone, ti ke pati loa kiate ia : Ko leinei le folafola a le Eteleno, le Atua o le kau Epeleo : tuku loku kakai ke ano, ke lotou tausi kiate au.

Ekesote 9:13

Na pati loa le Eteleno kia Moisese : Tuu koi usu, ti ke ano ki mua o Falaone. E ke pati loa kiate ia : Ko leinei le folafola a le Eteleno, ko le Atua o le kau Epeleo : tuku loku kakai ke ano, o tupu ke tausi a ia kiate au.

Esaia 64:5

E motou fai fuli pe ni nea kelekele, Ti e fai lomatou faitotonu katoa pe se kofu kelekele ; E motou fefe fuli ofaipe se lau laakau, Ti e ave matou e amatou agaveli ofaipe le matagi.

Selemia 2:2

Ano o kalaga ki taliga o Selusalemi : E folafola le Eteleno, o pati : E kau manatui lou alofa i le temi na ke ikiiki ai, Lou mamana i le temi na ke feauaki ai mo au, Leia na ke mulimuli ai iate au i le toafa, I se kele leia na leaise mauli ai se nea.

Selemia 2:6

Na leaise lotou pati : Kofea le Eteleno, Leia na fakamavae ia matou i le fenua o Esipito, Leia na taki ia matou i le toafa, I se kele malo mo apele i popoko, I se kele leia e pule ai le taulaa mo le malu o le mate, I se kele leia e leaise ano ai fua se tasi, Ti e leaise nofo ai fua se tasi ?

Selemia 26:5

Ke fakalogo ki folafola a aku tagata fakasausau, le kau polofeta, ala na kau kakau atu kia koutou, ala na kau kakau atu kia koutou koi usu ti na leaise kotou fakalogo kia latou,

Numelo 17:4

E ke tuku loa a tokotoko ana ki le falela tapu, i mua o le aleka o le fakamaoki, leia e kau felavei ai mo koutou.

Sosue 1:17

E motou fakalogo atu loa kiate koe i nea fuli, ofaipe lamatou fakalogo kia Moisese. Ko leia fua ke nofo mo koe le Eteleno, lou Atua, ofaipe lana nofo mo Moisese !