Ekesote 3:15 - Tosi Tapu

¹⁵ Na toe pati foki le Atua kia Moisese : E ke masau loa ki fanau a Iselaele, o pati : Ko le Eteleno, le Atua o okoutou tamana, le Atua o Apalaamo, le Atua o Isaake, ti mo le Atua o Sakopo, e kakau ia mai au kia koutou. Ko lena loku suafa ki le lee gato, ko lena loku suafa ki tautupu mo tautupu.

Ekesote 3:15 Iomraidhean Croise

Senesi 24:12

Ti na pati loa a ia : Eteleno, Atua o loku aliki ko Apalaamo, e kau kole atu kiate koe ke ke alofa o fakafelavei au i le aso nei mo leia e kau loto ki ai. Ti e ke fakasa loa i ai lou alofa ki lau tagata fakasausau ko Apalaamo !

Uluaki tosi o Koloniko 16:16

Mo le sai leia na fai e ia mo Apalaamo, Ti mo le fakapapau leia na fai e ia kia Isaake ;

Uluaki tosi o Koloniko 29:18

Eteleno, Atua o Apalaamo, mo Isaake, mo Iselaele, omatou tamana, ke ke taupau o tuumau a manatu malilie anei i loto o lou kakai, ti ke fakamakeke lona loto ke tuu mau kiate koe.

Lua tosi o Koloniko 28:9

Na nofo i ai se polofeta a le Eteleno, na igoa ko Oteto. Na ano loa a ia o fakafetaulaki ki le solia leia na toe liliu mai ki Samalia, ti na pati loa a ia kia latou : Ko le sausau o le Eteleno, le Atua o okoutou tamana, ki Suta, leia na tuku atu ai e ia latou ki okoutou lima, ti kua kotou tamate fakaveliveli latou i le lasi o lokoutou ita leia kua pale o kaku ki le lagi.

Pesalemo 102:12

Kua tatau oku aso mo le malu o le afiafi, Ti e kau malo ofaipe le mutie.

Pesalemo 102:13

Kae ko koe, Eteleno, e ke sau o lee gato, Ti e fakamanatu lou suafa i tautupu mo tautupu.

Pesalemo 135:13

Eteleno ! e tuu lou suafa o lee gato ! Eteleno ! e tuu lou suafa i tautupu mo tautupu !

Pesalemo 30:4

Eteleno ! Na ke fakatuu ake loku laumalie i le nofoaga o le kau mate, Ti na ke toe tuku ke kau toe mauli o mamao ia latou ala e ifo ki le popoko.

Pesalemo 30:5

Ke kotou sua ki le Eteleno, koutou ala e alofa kiate ia ! Ke kotou fakafetai kiate ia, o fakasa lona maokioki !

Pesalemo 68:5

Kotou sua ki le Atua ! kotou fakafetai ki lona suafa ! Kotou tofa le ala ki leia e saele mai i le toafa ! Ko le Eteleno lona suafa : Kotou fiafia i ona mua !

Pesalemo 72:17

E tuu loa lona suafa o lee gato, O fualoa pe le laa e sosolo loa lona suafa ; Iate ia e fetapuaki loa leia ki leia, Ti pati loa a atu puleaga fuli kiate ia Manuia.

Pesalemo 72:19

Ke fakafetai ki lona suafa fakakololia o lee gato ! Ke apele le malama nei katoa i lona kololia ! Amene ! Amene !

Ekesote 15:2

Ko le Eteleno ko loku makeke ti ko le tupuaga a ia o aku fakavikiviki ; Ko ia leia na saofaki ia au. Ko ia ko loku Atua : e kau fakavikiviki loa kiate ia ; Ko ia ko le Atua o loku tamana : e kau fakasa loa lona mauiga.

Ekesote 15:3

Ko le Eteleno ko se tagata tau toa a ia ; Ko Eteleno ko lona igoa a ia.

Ekesote 3:13

Na pati loa Moisese ki le Atua : E kau ano loa ki fanau a Iselaele, ti e kau pati loa kia latou : Ko le Atua o okoutou tamana e kakau ia mai au kia koutou. Kae, kapau e lotou vesili mai loa kiate au pe ko ai lona igoa, kolea loa laku tali kia latou ?

Ekesote 3:6

Ti na toe soko atu loa a ia : Ko le Atua au o lou tamana, ko le Atua o Apalaamo, ko le Atua o Isaake, ti ko le Atua o Sakopo. Ti na uufi loa e Moisese ona mata, talie na i loa a ia i le tio ki le Atua.

Ekesote 4:1

Ti na tali loa Moisese : Ko leinei, e leaise lotou tui loa kiate au, ti e leaise lotou fakalogo loa ki loku leo. Kae e lotou pati loa : Na leaise sa le Eteleno kiate koe.

Ekesote 4:5

Na pati loa le Eteleno : Ko lena le nea leia e tonu ke ke fai, ke lotou tui loa na sa kiate koe le Eteleno, le Atua o olatou tamana, le Atua o Apalaamo, le Atua o Isaake, le Atua o Sakopo.

Ekesote 6:2

Ti na toe masau loa le Atua kia Moisese : Ko au ko le Eteleno.

Taagapati 18:10

Ko le suafa o le Eteleno ko se tule makeke ; E sola ki ai le tagata agatonu, ti e maua e ia se fimalie.

Esaia 26:8

Koia kua motou talitali ai kiate koe, ei Eteleno ! i le ala o au fakamaauaga ; E oli lomatou laumalie ki lou suafa, ti mo lou tukualofa.

Esaia 42:8

Ko au ko le Eteleno, ko loku igoa a ia ; Ti e leaise kau soli loa loku kololia ki se tasi, Pe ko loku mauiga ki taulaatua.

Esaia 63:12

Leia na taki ia le lima atamai o Moisese, Ki lona lima fakakololia ; Leia na vaelua ia a vai i olatou mua, Ke logologona ai lona suafa o lee gato ;

Esaia 9:6

E fakamafola loa e ia lana pule ki atu puleaga, E tuku loa e ia le tokamalie lee gato ki le ekeekeaga fakasau o Tavite, mo lona puleaga, Ti e fakamakeke loa e ia a ia ti mo poupou a ia ki le lao mo le faitotonu, I le temi nei o lee gato : Ko lena le nea e fai loa e le Eteleno o kau tau i lona alofa lasi.

Selemia 33:2

E folafola le Eteleno, leia e fai ia a nea ana, Le Eteleno, leia e fakakaukau ia latou ti e fakasoko ia latou, Leia e igoa ko le Eteleno :

Taniela 2:23

Atua o oku tamana, e kau fakakololia kiate koe, ti e kau fakavikiviki kiate koe i lau soli mai kiate au le poto mo le makeke, ti mo lau fakasa mai kiate au le nea leia na motou kole atu kiate koe, ti mo lau fakasa mai kia matou le nea fakapulipuli a le sau.

Oseo 12:5

Na poko loa a ia mo se aselo, ti na malo loa a ia, Na tagi loa a ia, ti na fai loa e ia kiate ia ni kole. I Petele na maua loa e Sakopo le Eteleno, Ti ko lena le ganea na folafola ai a ia kia tatou.

Oseo 12:6

Ko le Eteleno ko le Atua o kau tau ; Ko lona suafa ko le Eteleno.

Levitiko 24:11

Na lauveli loa le vosa o le fafine Iselaele, o takua noa ki le suafa o le Atua. Ti na ave loa a ia kia Moisese. Ko le igoa o lona tinana ko Selomite, le taine o Tipeli, mei le faasiga o Tane.

Mikea 4:5

Talie e saele loa a kakai fuli, taki tasi i le suafa o lona atua, Ko matou, e motou saele loa i le suafa o le Eteleno, lomatou Atua, I tautupu mo tautupu, o lee gato.

Malakia 3:6

Talie ko au ko le Eteleno, e leaise kau fetogi. Ti ko koutou, fanau a Sakopo, na leaise kotou fetogi foki.

Mateo 22:32

Ko le Atua au o Apalaamo, le Atua o Isaake, le Atua o Sakopo ? Ko le Atua e leaise ko le Atua a ia o le kau mate, kae ko le Atua a ia o le kau mauli.

Gaoi 3:13

Ko le Atua o Apalaamo, mo Isaake, mo Sakopo, ko le Atua o otatou tamana, kua fakakololia ia lana tagata fakasausau ko Sesu, leia na kotou fakatau mo fakafiti ki ai i mua o Pilato, i le lakaga leia na fakatotonu ai e ia ke fakamauli Sesu.

Gaoi 7:32

Ko le Atua au o ou tamana, ko le Atua o Apalaamo, mo Isaake, ti mo Sakopo. Ti na lulu katoa Moisese, ti na leaise mafai ke tio a ia.

Tetelonome 1:11

Ke alofa le Eteleno, le Atua o okoutou tamana, o fakaapi koutou ke liuga tua afe ti mo tapuakii koutou o mulimuli ki lana fakapapau !

Tetelonome 1:35

e leaise tio loa se tagata e toka tasi o le tautupu agaveli leinei ki le fenua malie leia na kau fakapapau ke soli ki okoutou tamana,

Tetelonome 4:1

I le aso nei, ei Iselaele, fakalogo ki lao mo fakatotonu e kau ako kia koutou. Kotou tausi latou, o tupu ke kotou mauli loa ti ke kotou ulu loa o maua le fenua leia e soli kia koutou e le Eteleno, ko le Atua o okoutou tamana.

Epelo 11:16

Kae ko leinei e lotou oli ki se fenua malie tukupau ake, leia i le lagi. Koia na leaise luma ai le Atua i lona fakaigoa a ia ko lolatou Atua, talie na teuteui e ia se kolo mo latou.

Epelo 13:8

E tatau Sesu-Kilisito nanafi, mo ailanei, ti mo lee gato.