Ekesote 3:13 - Tosi Tapu

¹³ Na pati loa Moisese ki le Atua : E kau ano loa ki fanau a Iselaele, ti e kau pati loa kia latou : Ko le Atua o okoutou tamana e kakau ia mai au kia koutou. Kae, kapau e lotou vesili mai loa kiate au pe ko ai lona igoa, kolea loa laku tali kia latou ?

Ekesote 3:13 Iomraidhean Croise

Senesi 32:29

Ti na vesili loa Sakopo kiate ia : E kau kole atu kiate koe, fakasa mai kiate au lou igoa. Na tali loa le tagata : Kolea e ke afa mai ai loku igoa ? Ti na tapuaki loa a ia kia Sakopo i le ganea lena.

Ekesote 15:3

Ko le Eteleno ko se tagata tau toa a ia ; Ko Eteleno ko lona igoa a ia.

Ekesote 3:12

Na pati loa le Atua : E kau nofo loa mo koe ; ti ko leinei le fakamailoga kiate koe ko au leia e kakau ia a koe : I le oki o lau fakamavae loa le kakai mei Esipito, e kotou atolasio loa kiate au i le mauga leinei.

Ekesote 3:14

Na pati loa le Atua kia Moisese : Ko au ko leia e agai. Ti na toe soko atu a ia : E feneeki loa lau tali ki fanau a Iselaele : Ko leia e igoa " Ko au " na kakau ia mai au kia koutou.

Ekesote 3:15

Na toe pati foki le Atua kia Moisese : E ke masau loa ki fanau a Iselaele, o pati : Ko le Eteleno, le Atua o okoutou tamana, le Atua o Apalaamo, le Atua o Isaake, ti mo le Atua o Sakopo, e kakau ia mai au kia koutou. Ko lena loku suafa ki le lee gato, ko lena loku suafa ki tautupu mo tautupu.

Ekesote 7:16

E ke pati loa kia Falaone : Ko le Eteleno, le Atua o le kau Epeleo, na kakau ia mai au kiate koe, ke pati atu kiate koe : tuku loku kakai ke ano, o tupu ke lotou tausi kiate au i le toafa. Ti ko leinei, o kaku mai ki le aso nei, na leaise ke fakalogo fua.

Taagapati 30:4

Ko ai na pale ki le atu lagi, ti ko ai na ifo mei ai ? Ko ai na tanaki ia le matagi i lona lima ? Ko ai na fakamaopoopo ia a atu vai i lona kofu ? Ko ai na fakatuu ia a potupotu o le malama nei ? Ko ai lona igoa, ti ko ai le igoa o lona vosa ? Pe ke iloa a ia ?

Esaia 52:6

Koia e iloa loa e loku kakai loku suafa i se aso ; Koia e iloa loa e ia, i le aso lena, Ko au leia na folafola : Ko leinei au !

Esaia 7:14

Koia e tuku atu loa e le Aliki totonu kia koutou se fakamailoga ; Ko leinei, e tinae loa le taupoou, ti e fanaui loa e ia se tama, Ti e soli loa e ia kiate ia le igoa ko Emanuele.

Esaia 9:6

E fakamafola loa e ia lana pule ki atu puleaga, E tuku loa e ia le tokamalie lee gato ki le ekeekeaga fakasau o Tavite, mo lona puleaga, Ti e fakamakeke loa e ia a ia ti mo poupou a ia ki le lao mo le faitotonu, I le temi nei o lee gato : Ko lena le nea e fai loa e le Eteleno o kau tau i lona alofa lasi.

Selemia 23:6

I lona temi, e fakamauli loa a Suta, E maua loa e Iselaele le fimalie i lona nofoaga ; Ti ko leinei le igoa leia e fakaigoa loa a ia ki ai : Le Eteleno lomatou faitotonu.

Mateo 1:21

E fanaui loa e ia se tama, e ke soli loa kiate ia le igoa ko Sesu, talie ko ia loa leia ka saofaki ia loa lona kakai mei alatou agasala.

Mateo 1:23

Ko leinei, e tinae loa le taupoou, e fanaui loa e ia se vosa, ti e soli loa kiate ia le igoa ko Emanuele, ko lona uiga ko le Atua mo tatou.

Gaoi 3:13

Ko le Atua o Apalaamo, mo Isaake, mo Sakopo, ko le Atua o otatou tamana, kua fakakololia ia lana tagata fakasausau ko Sesu, leia na kotou fakatau mo fakafiti ki ai i mua o Pilato, i le lakaga leia na fakatotonu ai e ia ke fakamauli Sesu.

Tuifakamaau 13:17

Ti na pati loa Manoa ki le aselo o le Eteleno : Ko ai lou igoa, ke ma fakakololia kiate koe i le aso leia e soko ai loa lau pati ?

Tuifakamaau 13:6

Na ano loa le fafine o fakasa le nea lena ki lona avaga : Na au loa kiate au se tagata a le Atua, ti na fai a ia pe se aselo o le Atua, na fakaii a ia. Na leaise kau vesili loa kiate ia pe na au a ia meifea, ti na leaise fakasa mai loa e ia kiate au lona igoa.