Ekesote 3:12 - Tosi Tapu

¹² Na pati loa le Atua : E kau nofo loa mo koe ; ti ko leinei le fakamailoga kiate koe ko au leia e kakau ia a koe : I le oki o lau fakamavae loa le kakai mei Esipito, e kotou atolasio loa kiate au i le mauga leinei.

Ekesote 3:12 Iomraidhean Croise

Senesi 15:1

I le oki o nea ana, na tuku loa le folafola a le Eteleno kia Apalamo i se tio kiate ia, o pati : Apalamo, aua na ke i ! Ko au ko lou paletau, ti e lasi loa lou fakapale.

Senesi 15:8

Na tali loa Apalamo : Aliki Eteleno, e kau iloa feaki loa e kau maua loa a ia ?

Senesi 26:3

Nofo mau i le fenua leinei : E kau nofo loa mo koe, ti e kau tapuaki loa kiate koe, talie e kau soli loa a fenua fuli anei kiate koe mo lou sakoga, ti e kau fakasoko loa le fakapapau leia na kau fai kia Apalaamo, lou tamana.

Senesi 31:3

Koia na pati ai loa le Eteleno kia Sakopo : Toe liliu ki le fenua o ou tamana, ti mo le ganea leia na ke tupu ai, ti e kau nofo loa mo koe.

Lua tosi o Sau 19:29

Ke liliu le nea leinei ko se fakamailoga kiate koe, Esekiasi : E kotou kai loa i le fetuu e tasi le fua o le fulumeto leia na to, i le lua o fetuu e kotou kai loa le fulumeto leia na sosomo noa ; kae i le tolu o fetuu, e kotou muluki loa, ti e kotou tuuti loa le fulumeto, e kotou to loa ni vite, ti e kotou kai loa ona fua.

Uluaki tosi o Koloniko 9:20

Mo Finesi, vosa o Eleasale, leia na pule kia latou i le temi mua, ti na nofo le Eteleno mo ia.

Pesalemo 86:17

Fai se fakamailoga kiate au, Ke tio ki ai oku fili ti ke lotou laulaunoa ! Talie e ke tokoi kiate au, ti e ke fakapelepele au, ei Eteleno !

Ekesote 18:5

Ti na ano loa Setelo, tamana o Moisese, mo vosa ti mo le avaga o Moisese ki le toafa, leia na nofo ai Moisese i le mauga o le Atua.

Ekesote 3:1

Na fagai e Moisese le kau manu o lona tamana, le tagata faisakilifisio o Matiane ; ti na ave loa e ia le kau manu ki muli o le toafa, ti na kaku loa a ia ki le mauga o le Atua, i Olepe.

Ekesote 3:13

Na pati loa Moisese ki le Atua : E kau ano loa ki fanau a Iselaele, ti e kau pati loa kia latou : Ko le Atua o okoutou tamana e kakau ia mai au kia koutou. Kae, kapau e lotou vesili mai loa kiate au pe ko ai lona igoa, kolea loa laku tali kia latou ?

Ekesote 33:14

Na tali loa le Eteleno : E kau ano loa mo koe, ti e kau soli loa kiate koe se maloloaga.

Ekesote 4:12

Ke ke ano, e kau nofo loa mo lou gutu, ti e kau ako loa kiate koe le nea leia e tonu ke ke fakasa.

Ekesote 4:15

E ke masau loa kiate ia, ti e ke tuku loa au masau ki lona gutu, ti ko au e kau nofo loa mo lou gutu ti mo lona gutu, ti e kau ako loa kia koulua le nea leia e tonu ke kolua fai.

Ekesote 8:27

Na fai loa e le Eteleno le nea leia na kole e Moisese ; ti na fakamamao loa e ia a lago meia Falaone, mo ana tagata fakasausau, ti mo lona kakai. Na leaise toe maua loa se fa lago fua e tasi.

Esaia 37:30

Ke fai le nea leinei pe se fakamailoga kiate koe : Na kai i se fetuu katoa le fua o le fulumeto leia na maluluku, ti i le lua o fetuu le nea leia na somo toka tasi ; kae i le tolu o fetuu, e kotou muluki loa le fakaili, ti e kotou tuuti loa le fulumeto, ti e kotou to loa ni vite, ti e kotou kai loa ona fua.

Esaia 41:10

Aua na ke i ki se nea, talie e kau nofo mo koe ; Aua na ke takamilo ni mata tuania, talie ko au ko lou Atua ; E kau fakamakeke a koe, e kau au o tokoi kiate koe, E kau taofi a koe ki loku lima atamai malo.

Esaia 43:2

Kapau e ke ano i atu vai, e kau nofo loa mo koe ; Ti kapau e ke ano i ni vaitafe lalasi, e leaise ke ogo loa ; Kapau e ke saele i le afi, e leaise ke vela loa, Ti e leaise tutu loa a koe e le ula.

Esaia 7:14

Koia e tuku atu loa e le Aliki totonu kia koutou se fakamailoga ; Ko leinei, e tinae loa le taupoou, ti e fanaui loa e ia se tama, Ti e soli loa e ia kiate ia le igoa ko Emanuele.

Selemia 1:8

Aua na ke i kia latou, talie e kau nofo mo koe o saofaki a koe, e pati le Eteleno.

Numelo 16:28

Na pati loa Moisese : I le nea leinei e kotou iloa ai loa ko le Eteleno totonu leia na kakau ia mai au o fai a nea fuli anei, ti na leaise kau fai ia fua se nea e tasi i loku loto toka tasi.

Numelo 23:21

E leaise tio fua a ia ki se agasala ia Sakopo, E leaise tio fua a ia ki se agatuu ia Iselaele. E nofo le Eteleno, lolatou Atua, mo ia, Ko ia ko lona sau, ko le tupuaga o lona fiafia.

Mateo 28:20

ti kotou ako latou ke lotou fai a nea fuli ala na kau fakatotonu atu kia koutou. Ti ko leinei, e kau nofo mo koutou i aso fuli, o kaku ki le fakaoki o le malama nei.

Maleko 16:20

Ti na ano loa ana tisipulo o akonaki i potu fuli. Na gaoi le Aliki mo latou, ti na fakamaoki e ia le folafola ki ni milakulo na soko.

Gaoi 11:21

Ti na nofo ia latou le lima o le Aliki, ti na tui loa se toka api, o tafoki ki le Aliki.

Gaoi 7:7

Ti na pati loa le Atua : ko le puleaga leia ka lotou popula loa ki ai, ko au leia e tautea ia loa a ia. I le oki o le nea lena, e lotou mavae loa mei ai, o atolasio kiate au i le ganea leinei.

Loma 8:31

Kolea loa ke tou pati ki nea ana ? Kapau e kau le Atua mo tatou, ko ai loa ka fakafesagai mai kia tatou ?

Tetelonome 31:23

Na tuku loa e le Eteleno ana fakatotonu kia Sosue, vosa o Nune. Na pati loa a ia : Ke ke fakamakeke mo ke loto makeke, talie ko koe leia e fakaulu ia loa fanau a Iselaele ki le fenua leia na kau fakapapau ke soli kia latou ; ti e kau nofo totonu loa mo koe.

Epelo 13:5

Ke aua na manumanu ki le paaga ; kae ke kotou fiafia i le nea leia e kotou maua, talie kua pati le Atua totonu : E leaise kau tuku loa a koe, ti e leaise kau tiaki loa a koe

Sosue 1:5

E leaise tuu loa se tasi i ou mua, i le temi o lou mauli. E kau nofo loa mo koe, ofaipe laku nofo mo Moisese : E leaise kau tukunoa loa a koe, e leaise kau tiaki loa a koe.

Tuifakamaau 6:12

Na sa loa le aselo o le Eteleno kiate ia, o pati kiate ia : E nofo le Eteleno mo koe, tagata loto makeke mo toa !

Tuifakamaau 6:16

Na pati loa le Eteleno kiate ia : Kae e kau nofo loa mo koe ti e ke tamate loa Matiane ofaipe se tagata e tasi.

Tuifakamaau 6:17

Na tali loa Seteone kiate ia : Ko leinei, kapau kua kau maua se kalasia i ou mua, ke ke tuku mai loa kiate au se fakamailoga ke fakamaoki ai ko koe leia e masau mai kiate au.

Tuifakamaau 6:21

Na falo loa e le aselo o le Eteleno le tokotoko leia na too e ia i lona lima o fakalave lona tumutumu ki le kanoi manu mo pane sala fakatupu. Ti na mafuta loa le afi i le fatu, o tutu le kanoi manu mo pane sala fakatupu. Ti na puli loa le aselo o le Eteleno i ona mata.

Tuifakamaau 7:11

E ke fakalogo loa ki le nea leia e lotou lau loa, ti ka oki loa a ia, e makeke loa ou lima : Koia ke ke ifo nei ki le nofolaga tau ! Na ifo loa a Seteone mo lana tagata fakasausau ko Pula, o kaku ki le uluaki kau leo o le nofolaga.

Uluaki tosi a Samuele 14:10

Kae kapau e lotou pati mai : Kolua pale mai ! e ta pale loa, talie kua tuku mai latou e le Eteleno ki ota lima. Ko le fakamailoga loa a ia kia taua.