Ekesote 3:11 - Tosi Tapu

¹¹ Na pati loa Moisese ki le Atua : Ko ai au, ke kau ano kia Falaone, ti ke kau fakamavae mei Esipito a fanau a Iselaele ?

Ekesote 3:11 Iomraidhean Croise

Lua tosi a Samuele 7:18

Ti na ano loa le sau ko Tavite o nofo i mua o le Eteleno, o pati : Ko ai au, ei Aliki Eteleno ? ti kolea loku fale, kua ke fakakaku mai ai au ki le tuulaga e kau nofo ai nei ?

Uluaki tosi o Sau 3:7

I le lakaga nei, ei Eteleno, loku Atua, kua ke tuku ke pule lau tagata fakasausau, o fetogi Tavite, loku tamana ; ti ko se toe au, e leaise kau iloa pe feaki le pule.

Uluaki tosi o Sau 3:9

Koia ke ke soli ki lau tagata fakasausau se loto poto ke fakamaaui ai lou kakai, ke tio ai ki le nea leia e malie mo le nea leia e veli ! Talie ko ai e mafai ia loa ke fakamaaui ia lou kakai, le kakai api leinei ?

Uluaki tosi o Koloniko 29:14

Talie ko ai au ti ko ai loku kakai, ke mafai ai lamatou momoli atu kiate koe a nea alofa anei ? E au nea fuli meiate koe, ti e motou tali mei lou lima a nea fuli ala e motou momoli atu kiate koe.

Ekesote 6:12

Na tali loa Moisese ki le Eteleno : Ko leinei foki, na leaise fakalogo fua fanau totonu o Iselaele kiate au : Pe feaki loa ke fakalogo Falaone kiate au, leia e leaise masau malie ?

Selemia 1:6

Na kau tali loa : Ei Aliki Eteleno ! Ko leinei, e leaise kau poto fua i le masau, talie ko se ga toe au.

Lua tosi ki le kau Kolinto 2:16

Ki ni iki, ko se sauga o le mate, leia e soli ia le mate ; ki ni iki ake, ko se sauga o le mauli leia e soli ia le mauli. Ti ko ai e feauga ki le gaoi lasi lena ?

Lua tosi ki le kau Kolinto 3:5

Talie ke aua na pati e ma mafai ia e maua totonu ke ma fakatupu ia se nea o sakinake e au meia maua totonu ; kae e au mei le Atua loma mafai.

Tuifakamaau 6:15

Na tali loa Seteone kiate ia : Ei loku Aliki, e kau saofaki loa aia kilea ? Ko leinei e mativa toka tasi loa loku famili i le faasiga o Manase, ti ko au ko le mulimuli o le famili o loku tamana.

Uluaki tosi a Samuele 18:18

Na tali loa Tavite kia Saulo : Ko ai au, ti kolea le uiga o loku mauli ? Kolea le famili o loku tamana i Iselaele ke kau liliu ai ko le fugao o le sau ?