Ekesote 3:10 - Tosi Tapu

¹⁰ Koia, i le aso nei, e kau kakau loa a koe ke ano kia Falaone, ti e ke fakamavae loa mei Esipito loku kakai, a fanau a Iselaele.

Ekesote 3:10 Iomraidhean Croise

Senesi 15:13

Ti na pati loa le Eteleno kia Apalamo : Ke ke iloa papau e nofo matapule loa lou sakoga i se fenua kese. E lotou nofo popula loa i ai, ti e lotou fakavelivelii loa i ai i fetuu e kau lelau fa.

Senesi 15:14

Kae e kau fakamaaui loa le puleaga lena na lotou popula ki ai, ti e lotou mavae loa mei ai mo ni koloa lasi.

Pesalemo 105:26

Na kakau loa e ia Moisese, lana tagata fakasausau, Ti mo Alone, leia na filifili e ia.

Pesalemo 77:20

Na ke foa ia loa se ala i le tai, Se saeleaga i le takele o vai lalasi, Ti na leaise toe maua loa ou lakaaga.

Ekesote 12:40

Ko le fualoa o le nofo o fanau a Iselaele i Esipito ko fetuu e kau lelau fa kau tolu.

Ekesote 12:41

I le katoa o fetuu ana e kau lelau fa kau tolu, i le aso fakaoki, na mavae loa a kau tau fuli a le Eteleno i le fenua o Esipito.

Ekesote 33:12

Na pati loa Moisese ki le Eteleno : Ko leinei, e ke pati mai kiate au : Taki le kakai leinei ! Ti e leaise ke fakasa mai kiate au pe ko ai leia e ke kakau loa mo au. Kae kua ke pati : E kau iloa a koe i lou igoa totonu, ti kua ke alofa kiate au.

Ekesote 33:13

I le temi nei, kapau kua kau maua lou alofa, fakasa mai kiate au ou ala ; ti e kau iloa maoki loa a koe, ti e kau toe maua loa lou alofa. Ke aua na galo kiate koe ko le kakai leinei ko lou kakai totonu.

Ekesote 6:26

Ko le Alone foki lena mo le Moisese lena, ala na pati ki ai le Eteleno : Kolua fakamavae mei Esipito a fanau a Iselaele, o mulimuli ki alatou kau tau.

Oseo 12:13

Na sola loa Sakopo ki le fenua o Alame, Na fakasausau loa Iselaele ke mau sona avaga, Ti na taupau loa e ia a kau manu ke maua sona avaga.

Mikea 6:4

Talie na kau fakamavae a koe i le fenua o Esipito, Na kau saofaki a koe i le fale o le popula, Ti na kau kakau i ou mua Moisese, mo Alone mo Malia.

Gaoi 7:34

Kua kau tio ki le mamae o loku kakai i Esipito, kua kau logo ki alatou tagi, ti kua kau ifo mai o fakamauli latou. Ano i le lakaga nei, e kau kakau loa a koe ki Esipito.

Gaoi 7:36

Ko ia leia na fakamavae ia loa latou mei Esipito, ti na fai ia loa ni nea fakaofolele mo ni milakulo i le fenua o Esipito, mo le Tai Kula, ti mo le toafa, lolotoga o fetuu e kau fa.

Gaoi 7:6

Kae na folafola le Atua, o pati : E nofo loa lona sakoga i se fenua kese ; ti e fakapopulai loa latou ti mo fakavelivelii loa latou i lolotoga o fetuu e kau lelau fa.

Gaoi 7:7

Ti na pati loa le Atua : ko le puleaga leia ka lotou popula loa ki ai, ko au leia e tautea ia loa a ia. I le oki o le nea lena, e lotou mavae loa mei ai, o atolasio kiate au i le ganea leinei.

Tuifakamaau 6:14

Na tagaki loa le Eteleno kiate ia, o pati : Ano mo le makeke lena e nofo mo koe, ti e ke saofaki loa Iselaele i le lima o Matiane. Pe leaise ko au leia e kakau ia a koe ?

Uluaki tosi a Samuele 12:6

Ti na pati loa Samuele ki le kakai : Ko le Eteleno leia na fakanofo ia Moisese mo Alone, ti na fakamavae ia okoutou tamana mei le fenua o Esipito.

Uluaki tosi a Samuele 12:8

I le oki o le ifo a Sakopo ki Esipito, na tagi loa okoutou tamana ki le Eteleno, ti na kakau loa e le Eteleno a Moisese mo Alone, ala na fakamavae ia loa okoutou tamana mei Esipito, ke fakanofo latou i le ganea leinei.