Ekesote 3:1 - Tosi Tapu

¹ Na fagai e Moisese le kau manu o lona tamana, le tagata faisakilifisio o Matiane ; ti na ave loa e ia le kau manu ki muli o le toafa, ti na kaku loa a ia ki le mauga o le Atua, i Olepe.

Ekesote 3:1 Iomraidhean Croise

Uluaki tosi o Sau 19:19

Na mavae loa Elia mei le ana, ti na maua loa e ia Eliseo, vosa o Safate, leia na lolotoga fakamaluu kele. Na i ai ni soa pipi e kau agafulu tupu lua i ona mua, ti na nofo a ia mo le kau agafulu tupu lua soa pipi. Na fakafeofi loa Elia kia Eliseo, o ti lona taupulupulu kiate ia.

Uluaki tosi o Sau 19:8

Na tuu ake loa Elia ki aluga, o kai ti mo inu ; ti na maua loa e ia le makeke i le nea kai lena, ke saele a ia i aso e kau fa mo po e kau fa, o kaku ki le mauga o le Atua i Olepe.

Pesalemo 106:19

Na lotou fai loa se uviki pipi i Olepe, Na lotou punou loa i mua o se fakatata ukamea na saka.

Ekesote 17:6

Ko leinei, e kau tuu loa i ou mua i le utu o Olepe ; ti ke taai loa le utu, ti e tafe loa mei ai se vai, ti e inu loa le kakai. Ti na fai fenaaki loa e Moisese i mua o le kau matua o Iselaele.

Ekesote 18:12

Ti na momoli loa e Setelo, tamana o le avaga o Moisese, se failaulau mo ni sakilifisio fakafetai ki le Atua. Na au loa Alone mo le kau matua fuli o Iselaele o kau i le kaitasi mo le tamana o le avaga o Moisese, i mua o le Atua.

Ekesote 19:11

Ke lotou nofo teuteu ki le tolu o aso, talie i le tolu o aso e ifo ai loa le Eteleno ki le mauga o Sinai, ti e tio mata loa le kakai katoa kiate ia.

Ekesote 19:2

I lalatou mavae i Lefitimi, na lotou ulu loa ki le toafa o Sinai, ti na lotou fakatuu loa lolatou nofolaga i le toafa, o ofi ki le mauga o Sinai.

Ekesote 19:3

Na pale loa Moisese ki le Atua : ti na kalaga loa le Eteleno kia Moisese mei aluga o le mauga, o pati : E ke masau feneeki loa ki le fale o Sakopo, ti e ke pati loa ki fanau a Iselaele :

Ekesote 2:16

Na maua e le tagata faisakilifisio o Matiane ni taineliki e toka fitu. Na lotou au loa o asu vai, ti na lotou fakaapele loa a fakainuaga o manu ke fakainu ai a kau manu o lolatou tamana.

Ekesote 2:18

Na lotou toe liliu loa ki lolatou tamana ko Leuele, ti na vesili loa a ia kia latou : Kolea kua kotou liliu vave mai ai i le aso nei ?

Ekesote 2:21

Na loto loa Moisese ke nofo i le fale o le tagata lena, ti na soli loa e Leuele kiate ia lona taine ko Sefola, ke avaga mo ia.

Ekesote 24:13

Na tuu ake loa Moisese, mo Sosue leia na fakasausau kiate ia, ti na pale loa Moisese ki le mauga o le Atua.

Ekesote 3:12

Na pati loa le Atua : E kau nofo loa mo koe ; ti ko leinei le fakamailoga kiate koe ko au leia e kakau ia a koe : I le oki o lau fakamavae loa le kakai mei Esipito, e kotou atolasio loa kiate au i le mauga leinei.

Ekesote 3:5

Na pati loa le Atua : Aua na ke fakafeofi mai ki leinei, too ou taka mei ou vae, talie ko le ganea leinei e ke tuu ai ko se kele taputapu a ia.

Ekesote 33:6

Na tatala loa e fanau a Iselaele olatou nea fakateuteu, ti na lotou fakamamao loa mei le mauga o Olepe.

Ekesote 4:18

Na ano loa Moisese ; ti na toe liliu loa a ia kia Setelo, lona tamana, ti na pati loa a ia kiate ia : E kau kole atu kiate koe, ke ke tuku mai au ke kau ano o fakafelavei ki oku fetaina ala e nonofo i Esipito, o tio pe koi lotou mauuli. Na pati loa Setelo kia Moisese : Ano i le tokamalie.

Ekesote 4:27

Na pati loa le Eteleno kia Alone : Ano i le toafa ki mua o Moisese. Ti na ano loa Alone ; ti na felavei loa a ia mo Moisese i le mauga o le Atua ; na sogi loa a ia kia Moisese.

Amosi 1:1

Masau a Amosi, ko se tasi o le kau tausi manu o Tekoa, tio na maua loa e ia ki Iselaele, i le temi o Osiasi, sau o Suta, ti mo le temi o Selopoamo, vosa o Soasi, sau o Iselaele, fetuu e lua i mua o le mafuike.

Malakia 4:4

Ke kotou manatui le lao a Moisese, laku tagata fakasausau, Leia na kau tuku kiate ia i Olepe, Ke ako ki Iselaele katoa, Kotou tausi a pelesepeto mo fakatotonu.

Numelo 10:29

Na pati loa Moisese kia Opapi, vosa o Leuele, tagata o Matiane, tamana o le avaga o Moisese : E motou ano ki le fenua leia na pati ki ai le Eteleno : e kau soli loa a ia kia koutou. Au ke tou ano, ti e motou fai loa kiate koe se nea malie, talie kua fakapapau le Eteleno ke fai se nea malie ki Iselaele.

Numelo 10:33

Na lotou mavae loa mei le mauga o le Eteleno, ti na lotou saele loa i aso e tolu : na muamua loa ia latou le aleka o le fakamaoki o le Eteleno, ti na fai loa e ia se saele i aso e tolu, o afa se ganea malolo kia latou.

Luka 2:8

Na i ai, i le potu fenua lena, ni kau tagata tausi manu ala na nonofo i faisaga i le pouli o taupau alatou kau manu.

Gaoi 7:30

I le sili o fetuu e kau fa, na sa loa se aselo kiate ia i le toafa, i le mauga ko Sinai i le ula o se ulu vao kaka.

Tetelonome 1:2

Na aso kau agafulu tupu tasi le fanoga mei Olepe ki Katesi-Palenea, i le ala o le mauga ko Seili.

Tetelonome 1:6

Na masau mai le Eteleno, lotatou Atua, kia tatou i Olepe, o pati : Kua feauga lakotou nofo i le mauga leinei.

Tetelonome 4:10

Ke ke manatui le aso leia na ke tuu ai i mua o le Eteleno, lou Atua, i Olepe, i le temi leia na pati mai ai le Atua kiate au : Fakatasii mai le kakai ki oku tafa ! E kau loto ke lotou logo ki aku folafola, o tupu ke lotou iloa le i kiate au i le temi katoa o lolatou mauli i le malama nei, o tupu ke lotou ako latou ki alatou fanau !

Tuifakamaau 4:11

I tafa o Ketesi na nofo ai Epeli, le tagata Kenia. Na mavae loa a ia mei fanau o Kenia, vosa o Opapi, tamana o le avaga o Moisese, ti na fakatuu loa e ia lona falela i tafa o le sene o Saananimi

Uluaki tosi a Samuele 16:11

Ti na pati loa Samuele kia Isaia : Pe ko le gatoaga leinei o ou vosa ? Ti na tali loa Isaia : Koi toe le mulimuli, kae e taupau e ia a ovi. Ti na pati loa Samuele kia Isaia : Kakau se tasi ke ano o afa mai a ia, talie e leaise tou kamata loa le sakilifisio kae e leikiaise tau mai a ia ki leinei.