Ekesote 29:7 - Tosi Tapu

⁷ E ke too loa le lolo tapu, ti e ke liligi loa se lolo ki lona ulu, ti e ke pani loa a ia.

Ekesote 29:7 Iomraidhean Croise

Pesalemo 133:2

E fai a ia pe le lolo mauiga leia na liligi ki le ulu, E ifo ki le kaukava, ki le kaukava o Alone, Leia e na ifo ki le kapakapa o ona kofu.

Pesalemo 89:20

Koia na ke folafola ai loa ki lou alofaaga i se tio, Ti na ke pati loa : Na kau tuku loku tokoi ki se tagata toa, Na kau siki ki aluga i loto malie o le kakai se tama tupulaga ;

Ekesote 28:41

E ke tui loa a teu ana ki lou taokete ko Alone, ti mo ona vosa. E ke liligi loa le lolo tapu ki olatou ulu, ti e ke fakatapui loa latou, ti e ke vaei kese loa latou, ti e lotou nofo loa o gaoi kiate au i le gaoi fakapelepitelo.

Ekesote 40:13

E ke fakatui loa kia Alone a kofu tapu, ti e ke pani loa a ia ki le lolo, ti e ke fakatapui loa a ia ke tausi kiate au i le gaoi fakapelepitelo.

Esaia 61:1

E iate au le Laumalie o le Aliki, le Eteleno, Talie na fakanofo au e le Eteleno ke ave ia ni logo malilie kia latou e mativa ; Na kakau e ia au ke fakamauli latou e loto fatifati, Ke fakasa ki le kau popula le lauatea, Ki le kau pilisoni le saofaki ;

Levitiko 10:7

Kae ko koutou, ke aua na kotou mavae loa i le falela tapu, mo ka e leaise kotou loto ke kotou mamate ; talie e nofo ia koutou le lolo tapu o le Eteleno. Ti na lotou fai loa le nea leia na fakasa e Moisese.

Levitiko 21:10

Ko le tagata faisakilifisio lasi, leia kua fakanofo ko le pule o ona fetaina, leia kua fakatapui e le lolo tapu i le aso leia na kamata ai lana gaoi, ti kua tui ia a kofu tapu, e leaise veuki loa e ia lona lau ulu, ti e leaise sae loa e ia ona kofu.

Levitiko 21:12

E leaise mavae loa a ia i le sagatualio, ti e leaise fakakelekele loa e ia le sagatualio o lona Atua ; talie kua fakatapui a ia e le lolo tapu o lona Atua. Ko au ko le Eteleno.

Levitiko 7:35

Ko le vaega lena o le fakanofo o Alone, mo le fakanofo o ona vosa, i failaulau tutu ki le Eteleno.

Sakalia 4:14

Ti na pati mai loa a ia : Ko sa tagata ana e toka lua ala kua fakatapui ke tuu i mua o le Aliki o le malama nei katoa.

Numelo 35:25

E fakamauli loa e le kakai le tagata tukipo mei le lima o le tagata totogi toto. E toe fakaliliu loa e le kakai le tagata lena ki le kolo ulufaga leia na sola ki ai. E nofo loa a ia i ai o kaku ki le mate o le tagata faisakilifisio lasi leia kua pani ki le lolo tapu.

Soane 3:34

talie ko leia na kakau mai e le Atua e fakasa ia a folafola a le Atua, talie e leaise tuku e le Atua kiate ia le Laumalie Maokioki, o fakafuafua.

Uluaki tosi a Soane 2:27

Kia koutou, ko le pani lolo leia na kotou tali meiate ia e nofo tuumau ia koutou, ti e leaise aoga ke akonaki atu se tasi kia koutou. Kae tupu na ako koutou i nea fuli e le pani lolo lena, leia e maoki, ti e leaise ko se loi a ia, ke kotou nonofo tuumau iate ia o mulimuli ki akonaki ala na tuku atu e ia kia koutou.