Ekesote 29:41 - Tosi Tapu

⁴¹ E ke momoli loa le lua o akeno i le afiafi, mo se moliga magiti ti mo se vino ofaipe leia i le usu ; ko se sakilifisio tutu a ia e le afi, ti e manogi malie a ia ki le Eteleno.

Ekesote 29:41 Iomraidhean Croise

Uluaki tosi o Sau 18:29

I le sili loa o le lalatea, na lotou folafola fakakikite loa o kaku ki le lakaga leia e momoli ai le failaulau. Kae na leaise logo fua ki se leo, mo se tali, ti mo se fakamailoga.

Uluaki tosi o Sau 18:36

I le temi leia na momoli ai loa le failaulau, na tuu loa Elia, le polofeta, i mua, o pati : Eteleno, le Atua o Apalaamo, mo Isaake, mo Iselaele ! ke iloa i le aso nei ko koe e Atua i Iselaele, ti ko au ko lau tagata fakasausau, ti na kau fai a nea fuli anei o mulimuli ki lau folafola !

Lua tosi o Sau 16:15

Ti na tuku loa e le sau ko Akase le fakatotonu leinei ki le tagata faisakilifisio ko Uli : Tutu i le aletale lasi le failaulau o le usu mo le failaulau o le afiafi, le failaulau a le sau mo lana moliga, mo failaulau a le kakai katoa o le fenua ti mo alatou moliga, liligi ki ai alatou moliga vino, ti liligi foki ki ai le toto o failaulau fuli mo le toto o sakilifisio fuli ; kae ki le aletale sila, e kau tokaga loa ki ai.

Lua tosi o Koloniko 2:3

Na kakau loa e Salomone ke pati kia Ilame, le sau o Tile : Ke ke fai mai kiate au ofaipe lau fai kia Tavite, loku tamana, leia na ke aumai ki ai ni sete ke fau ai lona fale nofo.

Pesalemo 141:2

Ke fai laku kole i ou mua pe le iseso, Ti ke fai oku lima ala e falo atu kiate koe pe le moliga o le afiafi !

Ekesote 12:6

E kotou taupau loa le manu o kaku ki le aso kau agafulu tupu fa o le masina leinei ; ti e tamate loa a ia e le fakatasiga katoa o Iselaele i le afiafi pouli o le aso lena.

Ekesote 29:40

E ke momoli fakatasi loa mo le uluaki akeno se falina mea, ko le vaega kau agafulu e tasi o le efa, leia kua lusi ki se liti lolo olive tuki e tasi vaelua, ti mo se vino, ko le liti e tasi vaelua.

Ekesote 29:42

Ko lena loa le failaulau leia e tonu ke fai tuumau e okoutou sakoga i mua o le uluaga o le falela tapu, i mua o le Eteleno : ko le ganea lena e kau felavei ai loa mo koutou ti e kau masau ai loa kiate koe.

Taniela 9:21

koi kau masau i laku faikole, kae ko leinei, ko le tagata leia na igoa ko Kapeliele, leia na kau tio ki ai i mua atu i se tio, na fakafeofi mai loa kiate au i se lele mauvave, i le lakaga o failaulau o le afiafi.