Ekesote 29:4 - Tosi Tapu

⁴ E ke taki loa Alone mo ona vosa ki le matapa ulu o le falela, ti e ke fakamaanu loa latou ki se vai.

Ekesote 29:4 Iomraidhean Croise

Ekesote 26:36

E ke fau loa ki le uluaga o le falela se lito usi, mo kula fakapouli, mo kula malie, ti mo tea malie ; e tui fakateuteu loa le lito lena.

Ekesote 29:3

E ke fafao loa latou ki se kete, ti e ke ave loa latou ki le sagatualio, mo le pipi tagata muli ti mo ni ovi tagata e lua.

Ekesote 40:12

E ke fakasaele loa Alone mo ona vosa ki le matapa o le falela tapu, ti e ke fakamea loa latou ki se vai.

Ekesote 40:28

Na tau loa e ia le lito i le matapa o le tapenakulo.

Ekesote 40:32

Ka lotou ulu loa ki le falela tapu, peka lotou fakafeofi loa ki le aletale, na lotou fakamea loa, o mulimuli ki le nea leia na fakatotonu e le Eteleno kia Moisese.

Esekiele 36:25

E kau liligi loa kia koutou se vai mea, ti e kotou mea loa ; e kau fakamea loa koutou i akoutou aga fakalialia fuli mo okoutou taulaatua fuli.

Esekiele 42:14

Ka ulu loa a tagata faisakilifisio ki loto, e leaise mafai loa ke lotou mavae i le fale tapu o ulu ki le malae tafa. E tonu ke lotou tuku a teu ala na lotou tui ke fai ai le tausi i kogafale ana, talie e maokioki a teu ana ; e lotou tui loa ni iki ake a teu i ai i mua o lalatou ano ki le kakai.

Levitiko 14:8

E fo loa e le tagata lena ona kofu, ti e tele loa e ia ona fulufulu fuli, ti e maanu loa a ia ke mea. Ti o feala loa ke ulu a ia ki le nofolaga, kae e nofo loa a ia i fafo o lona falela i ni aso e fitu.

Numelo 8:9

E ke fakafeofi ake loa le kau Levi ki mua o le falela tapu, ti e ke fakatasii ake loa le kakai katoa o Iselaele.

Efeso 5:26

o tupu ke fakatapui a ia, mo fakamea a ia, ti mo fufulu a ia ki le vai o le folafola,

Tetelonome 23:11

I le afiafi e fakamea loa a ia i le vai, ti e i le vilo o le laa e feala loa ke toe ulu a ia ki loto o le nofolaga solia.

Tito 3:5

kua saofaki e ia tatou, o leaise tupu ko gaoi o le faitotonu ala na tou fai, kae o mulimuli ki lona manavaalofa, ki le maanu o le tupu foou mo le fakafoou a le Laumalie Maokioki.

Epelo 10:22

Koia ke tou fakafeofi ai i se loto maoki, mo se amanaki makeke o le tui, ti mo ni loto kua fakamea mei se atamai veli, ti mo le tino kua fufulu ki se vai mea.

Uluaki tosi a Petelo 3:21

Ko le vai lena ko le fakatata o le papitema, leia e leaise ko le fakamea o kelekele o le tino, kae ko le fakapapau a se atamai mea ki le Atua, leia foki e saofaki ia koutou i le temi nei ki le toe tuuake o Sesu-Kilisito ;