Ekesote 29:21 - Tosi Tapu

²¹ E ke too loa se toto i le toto leia e tuku i aluga o le aletale ti mo se lolo tapu, ti e ke afusi loa ki ai Alone mo ona kofu, ti mo ona vosa mo olatou kofu. E ke fakatapui loa i ai Alone mo ona kofu, ti mo ona vosa mo olatou kofu.

Ekesote 29:21 Iomraidhean Croise

Pesalemo 133:2

E fai a ia pe le lolo mauiga leia na liligi ki le ulu, E ifo ki le kaukava, ki le kaukava o Alone, Leia e na ifo ki le kapakapa o ona kofu.

Ekesote 29:1

Ko leinei le nea leia e ke fai loa ke fakatapui ai latou, o tupu ke lotou gaoi kiate au i le gaoi fakapelepitelo. Too se pipi tagata muli mo ni ovi tagata e lua lee mele.

Ekesote 29:20

E ke tamate loa le ovi tagata ; ti e ke too loa se toto i lona toto, ti e ke takai loa ki ai le potu aluga o le taliga atamai o Alone mo taliga o ona vosa, ti e ke takai loa ki le toto a maikao matua o olatou lima atamai mo le maikao matua o olatou vae atamai, ti e ke liligi loa le toe o le toto ki aluga o le aletale i le tafatafa katoa.

Ekesote 29:22

E ke too loa le gako o le ovi tagata, mo le siku, mo le gako loto leia e kofu ia a tootooga, mo le magai ate lasi, mo ifiifi e lua, mo le gako leia e kofu ai, ti mo le alaga mua atamai, talie ko se ovi tagata a ia o le fakatapu ;

Ekesote 29:7

E ke too loa le lolo tapu, ti e ke liligi loa se lolo ki lona ulu, ti e ke pani loa a ia.

Levitiko 14:29

Ti e liligi loa e ia le lolo leia e toe i lona lima ki le fa ulu o le tagata lena, ti e fai loa e ia le fakatapu ki lona fakamea i mua o le Eteleno.

Levitiko 7:35

Ko le vaega lena o le fakanofo o Alone, mo le fakanofo o ona vosa, i failaulau tutu ki le Eteleno.

Levitiko 8:23

Ti na tamate loa e Moisese le ovi tagata, ti na too loa e ia le toto, o pooi ki ai le taliga atamai o Alone, mo le maikao matua o le lima atamai, mo le maikao matua o le vae atamai.

Levitiko 8:30

Ti na too loa e Moisese le lolo o le fakatapu mo le toto leia na teki i aluga o le aletale, ti na fai loa e ia ki ai le afusi o Alone mo ona kofu tapu, ti mo vosa o Alone mo olatou kofu tapu.

Soane 17:19

Ti e kau fakatapui a au totonu o tupu ko latou, o tupu ke lotou fakatapui latou totonu kiate koe.

Epelo 10:29

Ti e kotou manatu e feaki ake loa le tautea fakaveli o leia e takatakafi ia loa ki ona vae le Alo o le Atua, ti mo fakanoai ia loa le toto o le sai leia na fakamea ia a ia, ti mo lauveli loa ki le Laumalie o le kalasia ?

Epelo 9:22

Ti na teitei a nea fuli ke fakamea ki le toto, o mulimuli ki le lao, talie kapau e leaise liligi se toto, ti e leaise maua se fakamolemole.