Ekesote 28:6 - Tosi Tapu

⁶ E lotou fai loa le efote ki le filo aulo, mo le filo usi, mo le filo kula fakapouli, mo le filo kula malie, ti mo le filo tea makeke.

Ekesote 28:6 Iomraidhean Croise

Ekesote 25:4

mo ni kie usi, mo ni kie kula fakapouli, mo ni kie kula malama, mo ni kie silika, ti mo se fului koti ;

Ekesote 25:7

mo le onise ti mo ni iki ake a fatu mauiga ke teuteui ai le efote mo le peketolale.

Ekesote 26:1

E ke fai loa le tapenakulo ki ni tapi tetea makeke e kau agafulu, mo ni kie usi, mo ni kie kula fakapouli, ti mo ni kie kula malama ; e ke tui fakateuteu loa ki ai ni selupino.

Ekesote 28:7

E ke fai loa i ai ni fakamailoga fakateuteu e lua i tuauma, ti ke fakapipiki loa laua ki kapa o le efote ; e lotou sosoko loa o fakatasi.

Ekesote 29:5

E ke too loa a kofu tapu, o ke fakatui loa kia Alone le kofu loloa, mo le kofu o le efote mo le peketolale, ti e ke nonoa loa kiate ia le nonoa fakateuteu ke taofi ai le efote.

Oseo 3:4

Talie e nonofo loa a fanau o Iselaele o fualoa sala sau, mo sala pule, mo sala sakilifisio, mo sala fatu mauiga, mo sala efote, ti mo sala telafimi.

Levitiko 8:7

Ti na fakatui loa e ia kia Alone le kofu loto tea, ti na nonoa loa e ia a ia ki le kie nonoa, ti na tui loa e ia le kofu usi mo le efote i aluga, ti na nonoa loa e ia i le tua a va o le efoti.

Tuifakamaau 8:27

Na fai loa e Seteone ki le aulo lena se fakatata o fakatuu i lona kolo ko Ofala : Na ano loa fanau a Iselaele o faiaga ki le taula atua lena ; ti na liliu loa le nea lena ko se masele kia Seteone mo lona famili.

Uluaki tosi a Samuele 23:6

I le sola a Apiatale, vosa o Asimeleke, kia Tavite i Keila, na ifo a ia mo le efote i lona lima.

Uluaki tosi a Samuele 30:7

Na pati loa a ia ki le tagata faisakilifisio ko Apiatale, vosa o Asimeleke : Aumai le efote kiate au ! Na aumai loa e Apiatale le efote kia Tavite.