Ekesote 28:43 - Tosi Tapu

⁴³ E tui loa e Alone mo ona vosa a vavae loto ana, mo ka lotou ulu loa ki le falela, peka e lotou fakafeofi loa ki le aletale, o fai a gaoi i le sagatualio. Ti e leaise lotou sala loa, ti e leaise lotou mamate loa. Ko se lao lena ke tuu mau kia Alone mo lona sakoga i ona muli.

Ekesote 28:43 Iomraidhean Croise

Ekesote 20:26

E leaise ke pale loa ki loku aletale i ni takakega, talie ke aua na sa lou telefua.

Ekesote 27:21

E teuteui loa le lolo e Alone mo ona vosa i le falela o le fakapapau, i le potu tapu i mua o le lito, leia e tapono ia le aleka o le fakapapau ; e ula loa malama i mua o le Eteleno mei le afiafi o kaku ki le usu. Ko se lao lena ke tuku sosolo ki olatou sakoga ti ke taupau e fanau a Iselaele.

Ekesote 30:21

E lotou fakamea loa olatou lima mo olatou vae, o tupu ke aua na lotou mamate loa. Ko se lao lena ke tuu mau loa kia Alone, mo ona vosa, ti mo olatou sakoga.

Esekiele 44:17

Ka lotou fakalaka loa i matapa o le malae loto, e lotou tui loa ni teu tetea ; e leaise lotou tui loa se teu leia na fai ki se fului manu, mo ka e lotou fai loa le tausi i matapa o le malae loto mo le fale tapu.

Levitiko 16:13

E liligi loa e ia le pauta fakamanogi ki aluga o le malala kaka, o tupu ke uufi e le afu o le kaloni le tapono o le manava alofa leia e teki i le aleka, ti e leaise mate loa Alone.

Levitiko 17:7

E leaise lotou toe momoli loa alatou sakilifisio ki ni temonio (ala e fakatata e ni koti tagata), ala e lotou tono ki ai. E tuku loa le lekula lena kia latou mo olatou sakoga o lee gato.

Levitiko 22:15

Aua na fakakelekele loa e le kau tagata faisakilifisio a nea tapu ala kua momoli e fanau a Iselaele, ti kua lotou momoli ki le siki tapu ki le Eteleno :

Levitiko 22:9

E lotou tausi loa aku fakatotonu, o tupu ke aua na lotou amo ia le tua o lalatou agasala ti ke lotou mamate, talie na lotou fakakelekele a nea tapu. Ko au ko le Eteleno, leia e fakamaokioki ia latou.

Levitiko 3:17

Ko se lao lee gato leinei ki okoutou sakoga, i ganea fuli ala e kotou nonofo ai loa : E leaise kotou kai loa se gako pe ko se toto.

Levitiko 5:1

E soko loa i se aso, e logo loa se tagata ki le afa o latou ala na tio mata ki se nea leia na soko ; ti kapau e leaise ano loa a ia o fakasa le nea leia na tio a ia ki ai pe na logo a ia ki ai, e agasala loa le tagata lena, ti e amo loa e ia lona veli.

Levitiko 5:17

Kapau e fai loa e se tagata, i lona loto noa, se nea leia na tapui e se folafola a le Eteleno, ti e agasala loa a ia, o visia i lana agasala.

Numelo 15:15

Ko se lekula loa e tasi ki le fakatasi katoa, kia koutou mo le matapule leia e nofo ia koutou ; ko se lao loa lena ki okoutou tautupu fuli ki muli. E tatau loa kia koutou mo le matapule, i mua o le Eteleno.

Numelo 18:22

Ke aua na toe fakafeofi loa fanau a Iselaele ki le falela tapu, talie na lotou maua loa i se agasala ti ke lotou mamate loa.

Numelo 18:32

E leaise kotou amo loa i ai se agasala e tasi, mo ka kua kotou too loa i ai le vaega malie tukupau, e leaise kotou fakakelekele loa a moliga tapu o fanau a Iselaele, ti e leaise kotou mamate loa.

Numelo 18:8

Na pati loa le Eteleno kia Alone : Ko leinei, i nea fuli ala e fakatapui mai kiate au e fanau a Iselaele, e kau soli kiate koe a nea ala na momoli mai kiate au ki le siki tapu. E kau soli latou kiate koe mo ou vosa, ofaipe se totogi o le fakanofo, i se lao leia e tuku sosolo.

Numelo 9:13

Kapau e leaise fai loa le Pasikate e leia e mea pe ko leia e leaise fanoga i se fenua mamao, e tuuti loa le tagata lena mei lona kakai, talie na leaise ave e ia le moliga ki le Eteleno i lona aso leia kua fakatuutuu ki ai, ti e amo loa e le tagata lena le tua o lana agasala.