Ekesote 28:41 - Tosi Tapu

⁴¹ E ke tui loa a teu ana ki lou taokete ko Alone, ti mo ona vosa. E ke liligi loa le lolo tapu ki olatou ulu, ti e ke fakatapui loa latou, ti e ke vaei kese loa latou, ti e lotou nofo loa o gaoi kiate au i le gaoi fakapelepitelo.

Ekesote 28:41 Iomraidhean Croise

Ekesote 28:1

Fakafeofi mai kiate koe lou taokete ko Alone, mo ona vosa, ti ke vaei kese latou mei fanau a Iselaele, o ke fakanofo latou ke gaoi kiate au i le gaoi fakapelepitelo : Ko Alone mo ona vosa ko Natape, mo Apiu, mo Eleasale, mo Itamale.

Ekesote 28:4

Ti ko nei loa a kofu ala e lotou fai loa : ko se peketolale, mo se efote, mo se taupulupulu, mo se kofu fakateuteu, mo se pala, ti mo se kie nonoa. E lotou fai loa ni kofu tapu ki lou taokete ko Alone, mo ona vosa, o tupu ke lotou fai kiate au le gaoi fakapelepitelo.

Ekesote 29:24

E ke teki loa a nea fuli ana ki lima o Alone mo lima o ona vosa, ti e ke liliaki loa latou ki leia fetuu mo leia fetuu i mua o le Eteleno.

Ekesote 29:35

E ke fai loa kia Alone mo ona vosa o mulimuli ki fakatotonu fuli ala na kau tuku atu kiate koe. E ke fai loa i aso e fitu lolatou fakatapu.

Ekesote 29:7

E ke too loa le lolo tapu, ti e ke liligi loa se lolo ki lona ulu, ti e ke pani loa a ia.

Ekesote 29:9

E ke toi loa se kilii pipi kia Alone mo ona vosa, ti e ke fakapiki loa a puloga tea ki ulu o vosa o Alone. E lotou maua loa le gaoi fakapelepitelo, ti ko se lao lena ke tuu mau ki tautupu mo tautupu. Ti e ke fakanofo loa Alone mo ona vosa ke tagata faisakilifisio.

Ekesote 30:35

E ke fai loa ki nea ana se kaloni o mulimuli ki le poto o le tagata fai kaloni ; e konakona loa a ia, mo mea, mo maokioki.

Ekesote 40:13

E ke fakatui loa kia Alone a kofu tapu, ti e ke pani loa a ia ki le lolo, ti e ke fakatapui loa a ia ke tausi kiate au i le gaoi fakapelepitelo.

Ekesote 40:15

ti e ke pani loa latou ki le lolo ofaipe lau pani lolatou tamana, o tupu ke lotou gaoi kiate au i le gaoi fakapelepitelo. Ko lolatou pani lena ki le lolo e fakamaoki ai loa latou o tuumau ki le gaoi fakapelepitelo i olatou sakoga.

Esaia 10:27

I le aso lena, e too loa e ia lana amoga i lou tuauma, Ti mo lana laakau taki i lou ua Ti e maumaui loa e ia le laakau taki i lou ua.

Esaia 61:1

E iate au le Laumalie o le Aliki, le Eteleno, Talie na fakanofo au e le Eteleno ke ave ia ni logo malilie kia latou e mativa ; Na kakau e ia au ke fakamauli latou e loto fatifati, Ke fakasa ki le kau popula le lauatea, Ki le kau pilisoni le saofaki ;

Esekiele 43:26

I le lolotoga o ni aso e fitu, e fai loa le sakilifisio o le fakamolemole o agasala mo le fakamea o le aletale, ti e fakatapui loa i ai le aletale.

Levitiko 10:7

Kae ko koutou, ke aua na kotou mavae loa i le falela tapu, mo ka e leaise kotou loto ke kotou mamate ; talie e nofo ia koutou le lolo tapu o le Eteleno. Ti na lotou fai loa le nea leia na fakasa e Moisese.

Levitiko 16:24

E fufulu loa e ia lona tino ki se vai i se ganea tapu, ti e toe tui loa e ia ona kofu. Ti e ulu loa a ia ki fafo, o momoli loa lana failaulau, mo le failaulau a le kakai, ti e fai loa e ia le fakamalie kiate ia totonu mo le kakai.

Numelo 16:5

Na masau loa a ia kia Kole mo lana kakai katoa, o pati : I le usu apogipogi, e fakasa loa e le Eteleno pe ko ai leia kua filifili e ia, pe ko ai leia kua fakanofo e ia ke fakafeofi kiate ia. E fakafeofi ake loa e ia kiate ia leia ka filifili loa e ia.

Numelo 3:3

Ko igoa ana o vosa o Alone ala na fakanofo ke faisakilifisio ti na ulu loa ki le gaoi o tagata faisakilifisio.

Soane 3:34

talie ko leia na kakau mai e le Atua e fakasa ia a folafola a le Atua, talie e leaise tuku e le Atua kiate ia le Laumalie Maokioki, o fakafuafua.

Epelo 5:4

E leaise mafai ke too e se tasi le tulaga mauiga lena kiate ia ; kae na leaise kalagai a ia e le Atua, ofaipe Alone.

Epelo 7:28

Talie e fakanofo e le lao ke pule fai sakilifisio ni tagata gaegaeia ; kae ko le folafola o le sai, leia na fai i muli o le lao, na fakanofo ia le Alo leia e malie tukupau o lee gato.

Uluaki tosi a Soane 2:20

Kia koutou, kua kotou maua le Laumalie Maokioki mei leia e maokioki, ti kua kotou iloa fuli le maoki.

Uluaki tosi a Soane 2:27

Kia koutou, ko le pani lolo leia na kotou tali meiate ia e nofo tuumau ia koutou, ti e leaise aoga ke akonaki atu se tasi kia koutou. Kae tupu na ako koutou i nea fuli e le pani lolo lena, leia e maoki, ti e leaise ko se loi a ia, ke kotou nonofo tuumau iate ia o mulimuli ki akonaki ala na tuku atu e ia kia koutou.