Ekesote 28:4 - Tosi Tapu

⁴ Ti ko nei loa a kofu ala e lotou fai loa : ko se peketolale, mo se efote, mo se taupulupulu, mo se kofu fakateuteu, mo se pala, ti mo se kie nonoa. E lotou fai loa ni kofu tapu ki lou taokete ko Alone, mo ona vosa, o tupu ke lotou fai kiate au le gaoi fakapelepitelo.

Ekesote 28:4 Iomraidhean Croise

Lua tosi a Samuele 6:14

Na mako loa Tavite i mua o le Eteleno i lona makeke katoa, ti na kofu e ia le efote tea.

Ekesote 25:7

mo le onise ti mo ni iki ake a fatu mauiga ke teuteui ai le efote mo le peketolale.

Ekesote 29:6

E ke teki loa le puloga ki lona ulu, ti e ke sai loa le pala o le maokioki ki le puloga.

Ekesote 39:28

na fai loa le tiale ki le kie tea, ti na fai foki le puloga mo vavae ki le kie tea makeke ;

Esaia 11:5

E liliu loa le faitotonu ko le kilipipi o ona vakavaka, Ti mo le agatonu ko le kilipipi o ona ifiifi.

Esaia 59:17

Na kofu e ia le faitotonu ofaipe se kofu tau, Ti na teki e ia ki lona ulu le puloga o le fakamauli ; Na too e ia le sausau o kofu, Ti na pulupulu a ia ki le finenonofo.

Oseo 3:4

Talie e nonofo loa a fanau o Iselaele o fualoa sala sau, mo sala pule, mo sala sakilifisio, mo sala fatu mauiga, mo sala efote, ti mo sala telafimi.

Efeso 6:14

Koia, kotou tuu makeke : kotou toi i okoutou vakavaka le kilipipi o le maoki, ti kotou tui ki le fatafata le kofu tau o le maokioki,

Uluaki tosi ki le kau Tesalonika 5:8

Kae ko tatou ala e kau i le ao, tou fakapotopoto, tou kofu le kofu tau o le tui mo le alofa, ti tou too le puloga tau o le amanaki malie o le fakamauli.

Apokalipisi 9:17

Ti ko leinei le nea leia na kau tio loa ki ai i laku moe miti o uiga mo le kau osi ti mo latou ala na eke i ai : na lotou teu ki ni kofu tau kula ofaipe le afi, mo usi ofaipe le safile, ti mo fefelo ofaipe le sulifa. Ko ulu o osi na faipe ulu o laione ; ti na mapusi mei olatou gutu se afi, mo se afu, ti mo se sulifa.

Uluaki tosi a Samuele 2:18

Na tausi Samuele i mua o le Eteleno, ti na tui e le fanau lena se efote tea.

Uluaki tosi a Samuele 22:18

Ti na pati loa le sau kia Toeke : Mafuli, o tamate a tagata faisakilifisio. Ti na mafuli loa Toeke, le Etome, o tamate a tagata faisakilifisio ; na tamate e ia i le aso lena a tagata e tino valu tupu lima ala na tui ia le efote tea.

Uluaki tosi a Samuele 23:6

I le sola a Apiatale, vosa o Asimeleke, kia Tavite i Keila, na ifo a ia mo le efote i lona lima.

Uluaki tosi a Samuele 30:7

Na pati loa a ia ki le tagata faisakilifisio ko Apiatale, vosa o Asimeleke : Aumai le efote kiate au ! Na aumai loa e Apiatale le efote kia Tavite.