Ekesote 28:3 - Tosi Tapu

³ E ke masau loa kia latou fuli ala e poto, latou ala kua kau soli ki ai se laumalie leia kua apele i le poto ; ti e lotou fai loa a kofu o Alone ki lona fakanofo mo le fai o lana gaoi fakapelepitelo.

Ekesote 28:3 Iomraidhean Croise

Uluaki tosi o Sau 7:14

vosa o se fafine lokonui mei le faasiga o Nefetali, ti mo se tagata Tile, leia na gaoi ki le sila. Na apele Ilame i le poto, mo le atamai, ti mo le iloa ke fai ia gaoi kesekese ki le sila. Na kaku mai loa a ia ki le sau ko Salomone, ti na fai loa e ia gaoi fuli ana.

Ekesote 35:10

Ko latou fuli ala e poto tufuga ia koutou, ke lotou au o fai a nea fuli ala na fakatotonu e le Eteleno :

Ekesote 35:25

Ko fafine fuli ala na poto tuitui ki olatou lima, na ave ia loa le fua o alatou gaoi, ko ni filo usi, mo kula malie, mo kula fakapouli, mo tea.

Ekesote 35:30

Na pati loa Moisese ki fanau a Iselaele : Ke kotou iloa kua filifili e le Eteleno a Petesaleele, vosa o Uli, vosa o Ulu, mei le faasiga o Suta.

Ekesote 35:31

Ti kua fakaapele e ia Petesaleele ki le Laumalie o le Atua, mo le poto, mo le atamai, ti mo le poto i le fai o faasiga gaoi fuli.

Ekesote 35:35

Kua fakaapele e ia laua ki le atamai, ke la fai gaoi tuki mo gaoi fakatufuga fuli, ti ke la tui a nea fakateuteu mo nea lalaga ki kie usi, mo kula malie, mo kula fakapouli, mo tea, ti ke la fai a gaoi fuli mo nea foou fuli.

Ekesote 36:1

Ko Petesaleele, mo Ooliape, ti mo tagata poto tufuga fuli ala na tuku ki ai e le Eteleno le poto mo le atamai ki le fai o gaoi, na fai ia loa a gaoi ki le sagatualio, o mulimuli ki nea fuli ala na fakatotonu e le Eteleno.

Ekesote 36:2

Na kalagai loa e Moisese a Petesaleele mo Ooliape, ti mo tagata poto tufuga fuli ala kua tuku ki ai e le Eteleno le atamai, mo latou fuli ala kua loto malie ke tokaga ki le gaoi leia e tonu ke fai.

Taagapati 2:6

Talie e soli e le Eteleno le poto ; E au mei lona gutu le iloa mo le atamai ;

Esaia 11:2

E nofo loa le Laumalie o le Eteleno iate ia : Laumalie o le poto mo le atamai, Laumalie o le tokoi mo le makeke, Laumalie o le iloa mo le i ki le Eteleno.

Efeso 1:17

o tupu ke soli atu e le Atua o lotatou Aliki ko Sesu-Kilisito, le Tamana o le kololia, se laumalie o le poto mo le levelasio i lona iloa ;

Tetelonome 34:9

Na apele loa Sosue, vosa o Nune, i le Laumalie o le poto, talie na teki e Moisese ona lima kiate ia. Na fakalogo loa fanau a Iselaele kiate ia, ti na lotou mulimuli loa ki fakatotonu ala na tuku e le Eteleno kia Moisese.

Sakopo 1:17

Ko kalasia malilie fuli ti mo nea alofa malilie tukupau fuli, e lotou ifo mei aluga, mei le Tamana o malama, leia e leaise toe fetogi pe moumou lakaga.