Ekesote 28:1 - Tosi Tapu

¹ Fakafeofi mai kiate koe lou taokete ko Alone, mo ona vosa, ti ke vaei kese latou mei fanau a Iselaele, o ke fakanofo latou ke gaoi kiate au i le gaoi fakapelepitelo : Ko Alone mo ona vosa ko Natape, mo Apiu, mo Eleasale, mo Itamale.

Ekesote 28:1 Iomraidhean Croise

Uluaki tosi o Koloniko 23:13

Ko vosa o Amilame : ko Alone, mo Moisese. Na vaei loa Alone, o tupu ke fakatapui a ia ke maokioki lasi, a ia mo ona vosa, i tautupu fuli, ke lotou momoli a nea fakamanogi i mua o le Eteleno, ke lotou fai le tausi kiate ia, ti ke lotou tapuaki ki le kakai i le suafa o le Eteleno.

Uluaki tosi o Koloniko 6:10

Na tupu loa meia Sokanane a Asalia, leia na fai ia loa le gaoi fakapelepitelo i le fale tapu leia na fakatuu e Salomone i Selusalemi ;

Uluaki tosi o Koloniko 6:34

vosa o Elekana, vosa o Selosame, vosa o Eliele, vosa o Toaki,

Lua tosi o Koloniko 11:14

Talie na tiaki loa e le kau Levi olatou kolo mo olatou kele kae lotou au loa ki Suta mo Selusalemi, talie na tapui kia latou e Selopoamo mo ona vosa le fai o lalatou gaoi fakapelepitelo.

Pesalemo 115:10

Fale o Alone, fanaki ki le Eteleno ! Ko ia ko lolatou tokoi mo lolatou paletau.

Pesalemo 99:6

Ko Moisese mo Alone i ana tagata faisakilifisio, Ti mo Samuele ia latou ala na fetapa ki lona suafa, Na faikole loa ki le Eteleno, ti na tali loa e ia latou.

Ekesote 24:1

Na pati loa le Atua kia Moisese : Pale ki le Eteleno, a koe mo Alone, mo Natape, mo Apiu, mo se tino fitu i le kau matua o Iselaele ; ti e kotou punou loa mei mamao.

Ekesote 24:9

Na pale loa Moisese, mo Alone, mo Natape, mo Apiu, ti mo se tino fitu i le kau matua o Iselaele.

Ekesote 28:41

E ke tui loa a teu ana ki lou taokete ko Alone, ti mo ona vosa. E ke liligi loa le lolo tapu ki olatou ulu, ti e ke fakatapui loa latou, ti e ke vaei kese loa latou, ti e lotou nofo loa o gaoi kiate au i le gaoi fakapelepitelo.

Ekesote 29:1

Ko leinei le nea leia e ke fai loa ke fakatapui ai latou, o tupu ke lotou gaoi kiate au i le gaoi fakapelepitelo. Too se pipi tagata muli mo ni ovi tagata e lua lee mele.

Ekesote 29:44

E kau fakatapui loa le falela mo le aletale ; ti e kau fakatapui loa Alone mo ona vosa, o tupu ke lotou gaoi kiate au i le gaoi fakapelepitelo.

Ekesote 29:9

E ke toi loa se kilii pipi kia Alone mo ona vosa, ti e ke fakapiki loa a puloga tea ki ulu o vosa o Alone. E lotou maua loa le gaoi fakapelepitelo, ti ko se lao lena ke tuu mau ki tautupu mo tautupu. Ti e ke fakanofo loa Alone mo ona vosa ke tagata faisakilifisio.

Ekesote 30:30

E ke pani lolo loa Alone mo ona vosa, ti e ke fakatapui loa latou, o tupu ke lotou gaoi kiate au i le gaoi fakapelepitelo.

Ekesote 31:10

mo kofu gaoi, mo kofu tapu o le tagata faisakilifisio ko Alone, mo kofu o ona vosa ki le gaoi fakapelepitelo ;

Ekesote 35:19

mo kofu tapu ki le tagata faisakilifisio ko Alone, ti mo kofu o ona vosa ki le gaoi fakapelepitelo.

Ekesote 6:23

Na avaga loa Alone mo Elisepa, taine o Aminatape, tuagaane o Nakesone ; ti na fanaui loa e Elisepa kia Alone a Natape, mo Apiu, mo Eleasale, mo Itamale.

Levitiko 10:1

Ko vosa o Alone, ko Natape mo Apiu, na too ia loa ala ipu tanaki malala, o la tuku loa ki ai ni malala kaka, ti na la liligi loa i aluga se kaloni fakamanogi. Ti na la ave loa ki le Eteleno se afi kese, kae na leaise fakatotonu le nea lena kia laua e le Eteleno.

Levitiko 10:12

Na pati loa Moisese kia Alone, mo ona vosa ko Eleasale mo Itamale, ala koi mauuli : kotou too loa le nea leia na toe i le moliga falina mo ka kua oki i le vaei kese le nea leia e tonu ke tutu e le afi i mua o le Eteleno, ti kotou fai loa ki ai ni pane sala fakatupu, ti kotou kai loa latou o ofi i le aletale ; talie ko se nea kai maokioki lasi a ia.

Levitiko 7:35

Ko le vaega lena o le fakanofo o Alone, mo le fakanofo o ona vosa, i failaulau tutu ki le Eteleno.

Levitiko 8:1

Na masau loa le Eteleno kia Moisese, o pati :

Levitiko 8:2

Ave Alone mo ona vosa ki le uluaga o le falela tapu ; ti toe ave foki ki ai a kofu tapu, mo le lolo tapu, mo le pipi tagata ki le agasala, mo ovi tagata e lua, ti mo le kete leia e tanaki ai a pane sala fakatupu ;

Numelo 18:7

Ko koe, Alone, mo ou sakoga, e kotou fai loa lakoutou gaoi fakapelepitelo i le aletale mo le ganea taputapu i loto o le kie tapono : Ko au leia e soli fakaalofa atu ia kia koutou le gaoi fakapelepitelo. Kapau e fakafeofi mai loa se tasi kese kiate au, e tautea loa a ia ki le mate.

Numelo 2:4

mo lona kau tau ko tagata e tino fitu tupu fa afe tino lelau ono (74 600).

Numelo 26:61

Na mate loa Natape mo Apiu, i le aso leia na la momoli ai ki le Eteleno se afi kese.

Luka 1:8

Kae i le lolotoga o lana fai ona maua i mua o le Atua, o mulimuli ki le lakaga o lona kalasi, na vilo loa le filifili kiate ia,

Tetelonome 10:6

Na mavae loa fanau a Iselaele i Peeloti-Pene-Saakani ki Mosela. Ko le ganea lena na mate ai loa Alone, ti na tanu ai loa a ia. Na fetogi loa a ia e lona vosa ko Eleasale i le gaoi fakapelepitelo.

Tetelonome 18:5

talie ko ia leia na filifili e le Eteleno, lou Atua, i faasiga fuli o Iselaele, ke fai ia le tausi i le suafa o le Eteleno, a ia mo ona vosa, o tuumau.

Uluaki tosi a Samuele 2:28

Na kau filifili a ia i faasiga fuli o Iselaele, ke tausi kiate au i le tuulaga fakapelepitelo, ke pale ki loku aletale, ke tutu ia le kaloni, ke tui ia le efote i oku mua ; ti na kau soli ki le fale o lou tamana a sakilifisio fuli kua tutu e le afi ti kua momoli e fanau a Iselaele.