Ekesote 27:3 - Tosi Tapu

³ E ke fai loa ki le aletale ni tanakiaga mugalafu, mo ni supeti, mo ni pesini, mo ni suki, ti mo ni tanakiaga malala ; e ke fai loa a nea gaoi fuli ana ki le sila.

Ekesote 27:3 Iomraidhean Croise

Uluaki tosi o Sau 7:40

Na fai loa e Ilame a nea tanaki mugalafu, mo supeti, ti mo ipu lalasi. Ti na oki loa i ai le gaoi e Ilame o nea fuli ala na fakatotonu ake kiate ia e le sau ke fai ki le fale o le Eteleno :

Uluaki tosi o Sau 7:45

mo nea tanaki mugalafu, mo supeti, ti mo ipu lalasi. Ko gaoiaga fuli ana, ala na fakatotonu e le sau ko Salomone ke fai e Ilame ki le fale o le Eteleno, na fai fuli ki le sila na saka.

Uluaki tosi o Sau 7:50

Mo pesini, mo sele, mo ipu, mo ipu kavei, ti mo tanakiaga malala, mo saniele o le matapa o le potu taputapu ti mo le matapa o le potu tapu ; na lotou aulo mea fuli.

Lua tosi o Sau 25:14

Na lotou too loa a nea tanaki mugalafu, mo supeti, mo sele, mo ipu liliki, mo nea gaoi sila fuli ala na fai ki ai le gaoi.

Lua tosi o Sau 25:15

Na toe too foki e le pule o le solia a nea tanaki malala mo ipu, mo nea aulo mo nea siliva.

Uluaki tosi o Koloniko 28:17

Na soli foki e ia kia Salomone mo le paaki o suki, mo pesini, mo kalise aulo ; le paaki o ipu aulo, mo le aulo leia e aoga ki ipu taki tasi, ti mo ipu paaga mo lona paaga ;

Lua tosi o Koloniko 4:11

Na fai loa e Ulame a tanakiaga mugalafu, mo supeti, ti mo ipu. Ti na fakaoki loa e Ulame le gaoi leia na fakatotonu e Salomone kiate ia ke fai ki le fale o le Eteleno :

Lua tosi o Koloniko 4:16

mo tanakiaga mugalafu, mo supeti, ti mo suki. Na fakatotonu e le sau ko Salomone ke fai e Ulame-Api a nea gaoi fuli ana ki le sila na saka ki le fale tapu o le Eteleno.

Ekesote 24:6

Na too loa e Moisese le vaelua o le toto o manu o tuku ki ni pesini, kae na liligi loa e ia leia ake vaelua ki aluga o le aletale.

Ekesote 27:19

Ko nea gaoi fuli o le tapenakulo, mo ona pou lalo, mo pou lalo o le malae, e fai loa ki le sila.

Ekesote 27:2

E ke fai loa, i tifi e fa o le aletale, ni tala ala e ulu ake mei le aletale ; ti e ke aofi loa a ia ki le sila.

Ekesote 27:4

E ke fai loa ki le aletale se ukamea pupu sila, ti e ke fakapiki loa ni kavei sila e fa ki tifi e fa o le ukamea pupu.

Ekesote 38:3

Na fai loa e ia a nea gaoi fuli o le aletale, mo tanakiaga mugalafu, mo supeti, mo pesini, mo suki ti mo tanakiaga malala, na fai loa e ia a nea fuli ki le sila.

Levitiko 16:12

E too loa e ia se tanakiaga malala leia kua apele i le malala kaka o le aletale leia e tuu i mua o le Eteleno, mo ni lukuga kaloni fakamanogi e lua na ali ki lona alofilima ; ti e ave loa e ia a nea ana ki loto o le lito tapono, ki le potu taputapu.

Numelo 4:14

E lotou tanaki loa i aluga ona nea gaoi fuli, a ipu tukuaga afi, mo suki lalasi, mo supeti, mo kalise, ti e lotou folasi loa i aluga se tasi a kie kilii kakaututuu ; ti e lotou fakapipiki loa a laakau amo o le aletale.