Ekesote 26:33 - Tosi Tapu

³³ E ke tau loa le lito ki fao, ti e i loto o le lito lena e ke fakaulu loa ki ai le aleka o le fakamaoki ; e vaei loa e le lito le potu tapu mo le potu taputapu.

Ekesote 26:33 Iomraidhean Croise

Uluaki tosi o Sau 6:16

Na kofu loa e ia ki papa sete a meta e kau agafulu o le paa i muli o le fale, mei lalo o kaku ki aluga, ti na tuku loa e ia le ganea lena ki le sagatualio, le potu taputapu.

Uluaki tosi o Sau 8:10

I le temi leia na ulu ai loa a tagata faisakilifisio ki fafo mei le potu tapu, na fakaapele loa e le ao le fale o le Eteleno.

Uluaki tosi o Sau 8:6

Na ave loa e le kau tagata faisakilifisio le aleka o le sai a le Eteleno ki lona nofoaga, i le sagatualio, i lalo o kapakau o selupino.

Lua tosi o Koloniko 3:8

Na fai loa e ia mo le kogafale o le potu taputapu, leia na kau agafulu meta lona loa, o tatau mo le laulasi o le fale, ti na meta kau agafulu lona laulasi. Na kofu loa e ia a ia ki le aulo, ko lona lasi ko tane aulo mea e kau lua.

Ekesote 25:16

E ke tuku loa ki loto o le aleka le fakamaoki leia e kau soli atu loa kiate koe.

Ekesote 26:32

E ke tau loa a ia ki ni fa pou akasia e fa ala kua aofi ki le aulo ; e fakapikipiki loa ni fao aulo ki tumutumu o pou ana ke tau ki ai le lito, ti e fakatuu loa a pou ana ki ni tuuaga siliva e fa.

Ekesote 27:10

ti mo ona pou e kau lua ala e fakatuu loa ki ni tuuaga sila e kau lua ; e fai loa ki le siliva a tautauaga o pou mo tautauaga o puipui.

Ekesote 27:21

E teuteui loa le lolo e Alone mo ona vosa i le falela o le fakapapau, i le potu tapu i mua o le lito, leia e tapono ia le aleka o le fakapapau ; e ula loa malama i mua o le Eteleno mei le afiafi o kaku ki le usu. Ko se lao lena ke tuku sosolo ki olatou sakoga ti ke taupau e fanau a Iselaele.

Ekesote 36:36

Na fai loa ki le lito ni fa pou akasia e fa, o aofi ki le aulo ; na fai foki ona tautauaga aulo, mo ona tuuaga e fa ki le siliva kua saka.

Ekesote 40:21

Na ave loa e ia le aleka ki loto o le tapenakulo ; na tau loa e ia le lito leia e vaelua ia le potu tapu mei le potu taputapu, ti na tapono loa e ia le aleka o le fakapapau, o mulimuli ki le nea leia na fakatotonu e le Eteleno kia Moisese.

Ekesote 40:3

E ke tuku loa ki loto le aleka o le fakapapau, ti e ke tapono loa le aleka ki le lito.

Esekiele 41:4

Na fua loa e ia le kogafale totonu, ti na maua loa e ia ni meta e kau agafulu i lona loa, mo meta e kau agafulu i lona laulasi ; ti na pati mai loa a ia kiate au : Ko leinei le potu taputapu.

Levitiko 16:2

Na pati loa le Eteleno kia Moisese : Masau ki lou taina ko Alone, ke aua na ulu fakalaluvale ki le sagatualio, ki leia atu fetuu o le lito tapono, leia e tuku ai le aleka mo lona tapono tapu ; talie e kau sa loa i ai i le ao, i aluga o le tapono tapu o le aleka, ti e feala loa ke mate ai a ia.