Ekesote 25:16 - Tosi Tapu

¹⁶ E ke tuku loa ki loto o le aleka le fakamaoki leia e kau soli atu loa kiate koe.

Ekesote 25:16 Iomraidhean Croise

Uluaki tosi o Sau 8:9

Na gato fai ki fatu e lua na tuku loa i loto o le aleka, fatu ala na tuku ki ai e Moisese i Olepe, i le temi leia na fai ai e le Eteleno lana sai mo fanau a Iselaele, i lalatou mavae mei le fenua o Esipito.

Lua tosi o Sau 11:12

Ti na aumai loa ki fafo e le tagata faisakilifisio ko Soasi le vosa o le sau, ti na teki loa e ia ki lona fa ulu le pala fakasau, ti na tuku loa e ia kiate ia le tosi o le lao. Na lotou pani loa a ia ki le lolo ke fakanofo a ia ke sau, ti na lotou pasipasi loa, o kalaga : Ke mauli le sau !

Lua tosi o Koloniko 23:11

Na fakasaele mai loa le vosa o le sau, ti na teki loa ki lona fa ulu le pala fakasau ti na fakatoo loa kiate ia le tosi o le sai, ti na fakanofo loa a ia ko le sau. Ti na pani loa e Seosata mo ona vosa le sau ki le lolo, o pati : Ke mauli le sau !

Ekesote 16:34

Ti na tuku loa e Alone le ipu mane ki mua o le fakamaoki, o mulimuli ki le fakatotonu leia na fai e le Eteleno kia Moisese.

Ekesote 25:21

E ke teki loa le nofoaga o le manava alofa ki le aleka, ti e ke tuku loa ki loto o le aleka le fakamaoki, leia e kau soli atu loa kiate koe.

Ekesote 26:33

E ke tau loa le lito ki fao, ti e i loto o le lito lena e ke fakaulu loa ki ai le aleka o le fakamaoki ; e vaei loa e le lito le potu tapu mo le potu taputapu.

Ekesote 27:21

E teuteui loa le lolo e Alone mo ona vosa i le falela o le fakapapau, i le potu tapu i mua o le lito, leia e tapono ia le aleka o le fakapapau ; e ula loa malama i mua o le Eteleno mei le afiafi o kaku ki le usu. Ko se lao lena ke tuku sosolo ki olatou sakoga ti ke taupau e fanau a Iselaele.

Ekesote 30:36

E ke tuki loa a ia ke fai pe se pauta, ti e ke tuku loa a ia ki mua o le aleka o le fakamaoki, i loto o le falela tapu leia e kau felavei ai loa mo koe. Ko se nea maokioki loa lena kia koutou.

Ekesote 30:6

E ke fakatuu loa le aletale i le tua lito, leia e tau i mua o le aleka o le fakamaoki, i mua o le nofoaga o le manava alofa leia e teki i aluga o le aleka o le fakamaoki, le ganea leia e kau felavei ai loa mo koe.

Ekesote 31:18

I le oki o le masau a le Eteleno kia Moisese i le mauga o Sinai, na soli loa e ia kia Moisese a fatu e lua o le fakamaoki, ala na tosi e le lima o le Atua.

Ekesote 32:15

Na toe liliu loa Moisese, o ifo loa mei le mauga, mo fatu e lua o le fakamaoki ala na too e ia i lona lima ; na tosi a fatu i ola fetuu e lua, io, na tosi laua i leia fetuu mo leia fetuu.

Ekesote 34:29

Na ifo loa Moisese mei le mauga o Sinai, ti na too loa e ia i ona lima a fatu e lua o le sai ; na leaise iloa loa e ia kua gigila ona mata, talie na masau a ia mo le Eteleno.

Ekesote 38:21

Ko leinei le lasi o nea ala na fakaaoga ki le tapenakulo, ki le tapenakulo tapu, o mulimuli ki le fakatotonu a Moisese, mo lona tanaki e le kau levita, i le takitaki a Itamale, vosa o le tagata faisakilifisio ko Alone.

Ekesote 40:20

Na too loa e ia le fakamaoki, o tuku ki loto o le aleka ; na tui loa e ia a amo ki kavei o le aleka, ti na teki loa e ia le nofoaga o le manava alofa ki aluga o le aleka.

Numelo 17:4

E ke tuku loa a tokotoko ana ki le falela tapu, i mua o le aleka o le fakamaoki, leia e kau felavei ai mo koutou.

Gaoi 7:44

Na nofo otatou tamana i le toafa mo le falela o le fakamaoki, o mulimuli ki le fakatotonu a leia na pati kia Moisese ke fau a ia o mulimuli ki le paaki leia kua tio a ia ki ai.

Loma 3:2

E lasi ai le malie i nea fuli ; uluaki na tuku le folafola a le Atua ki le kau Sutea.

Tetelonome 31:26

Ke kotou too le tosi leinei o le lao, ti ke kotou tuku a ia ki tafa o le aleka o le sai o le Eteleno, lokoutou Atua ; e tuku loa a ia i ai ofaipe se fakamaoki kiate koe.

Epelo 9:4

Na tuu i ai le aletale aulo ki kaloni, ti mo le aleka o le sai leia na kofu katoa ki le aulo. Na tuku i loto o le aleka se ipu aulo leia na tuku ai le mane, mo le tokotoko o Alone, leia na se, ti mo laui fatu o le sai.

Sosue 4:16

Fakatotonu ki le kau tagata faisakilifisio ala e amo ia le aleka o le fakamaoki ke lotou mavae mei le Solotane.