Ekesote 24:8 - Tosi Tapu

⁸ Na too loa e Moisese le toto o afusi ki le kakai, o pati : Ko le toto leinei o le sai leia kua fai e le Eteleno mo koutou o mulimuli ki ana folafola fuli.

Ekesote 24:8 Iomraidhean Croise

Uluaki tosi o Sau 8:21

Kua kau teuteui i ai se ganea ke tuku ai le aleka o le sai a le Eteleno, le sai leia na fai e ia mo otatou tamana, i le temi leia na fakamavae ai latou mei le fenua o Esipito.

Uluaki tosi o Sau 8:9

Na gato fai ki fatu e lua na tuku loa i loto o le aleka, fatu ala na tuku ki ai e Moisese i Olepe, i le temi leia na fai ai e le Eteleno lana sai mo fanau a Iselaele, i lalatou mavae mei le fenua o Esipito.

Pesalemo 78:36

Kae na lotou kakaai a ia i olatou gutu, Ti na lotou loiloisi a ia i olatou alelo ;

Ekesote 24:6

Na too loa e Moisese le vaelua o le toto o manu o tuku ki ni pesini, kae na liligi loa e ia leia ake vaelua ki aluga o le aletale.

Esaia 52:15

Koia e liliu loa a ia ki le toka api ko se tupuaga o le fiafia ; I ona mua e tapono loa e ni sau olatou gutu ; Talie e lotou tio loa ki le nea leia na leaise fakamatala kia latou, E lotou logo loa ki le nea leia na leaise lotou logo ki ai.

Selemia 31:32

E leaise faipe le sai leia na kau fai mo olatou tamana, I le aso leia na kau too ai latou i le lima o fakamavae latou i le fenua o Esipito, Sai leia na lotou maumaui, Logo ko au ko lolatou pule, e pati le Eteleno.

Esekiele 16:8

Na kau toe fakalaka i ou tafa, ti na kau tio kiate koe, ti ko leinei, kua soko lou temi ki le alofa. Na kau folasi loa kiate koe le tapatapa o loku kofu, ti na kau uufi loa lou telefua, ti na kau fakapapau loa ke kau agatonu kiate koe, ti na kau fai loa mo koe se sai, e pati le Aliki, le Eteleno, ti na kau maua loa a koe ma aku.

Esekiele 36:25

E kau liligi loa kia koutou se vai mea, ti e kotou mea loa ; e kau fakamea loa koutou i akoutou aga fakalialia fuli mo okoutou taulaatua fuli.

Levitiko 8:30

Ti na too loa e Moisese le lolo o le fakatapu mo le toto leia na teki i aluga o le aletale, ti na fai loa e ia ki ai le afusi o Alone mo ona kofu tapu, ti mo vosa o Alone mo olatou kofu tapu.

Akeseo 2:5

E kau agatonu ki le sai leia na kau fai mo koutou I le aso leia na kotou mavae ai i Esipito, Ti e nofo loku Laumalie i loto malie o koutou ; Aua na kotou i !

Sakalia 9:11

Kae kiate koe, o tupu ko lau sai na fakamaoki ki le toto, E kau fakamavae loa lau kau popula i le popoko leia e leaise maua ai se vai.

Mateo 26:28

talie ko le nea leinei ko loku toto, ko le toto o le sai foou, leia na liligi ki le toka api, ke fakamolemole ai a agasala.

Maleko 14:24

Ti na pati loa Sesu kia latou : Ko le nea leinei ko loku toto, ko le toto o le sai foou, leia e liligi o tupu ko le toka api.

Luka 22:20

I le oki o le kai, na toe too foki e ia le ipu, o soli a ia kia latou, o pati : Ko le ipu leinei o le sai foou i loku toto, leia e liligi o tupu ko koutou.

Uluaki tosi ki le kau Kolinto 11:25

Ti na fenaaki foki, i le oki o le kai, na too loa e ia le ipu, o pati : Ko le ipu leinei o le sai foou i loku toto ; kotou fai le nea leinei ko se fakamanatu kiate au, i temi fuli ala e kotou inu ai loa a ia.

Efeso 1:7

Iate ia kua tou maua le totogi i lona toto, le fakamolemole o agasala, o mulimuli ki le lasi kese o lona kalasia,

Tetelonome 5:2

Na fai e le Eteleno, lotatou Atua, se fakapapau mo tatou i Olepe.

Epelo 10:29

Ti e kotou manatu e feaki ake loa le tautea fakaveli o leia e takatakafi ia loa ki ona vae le Alo o le Atua, ti mo fakanoai ia loa le toto o le sai leia na fakamea ia a ia, ti mo lauveli loa ki le Laumalie o le kalasia ?

Epelo 13:20

Ko le Atua o le tokamalie, leia na toe aumai ia mei le kau mate le tagata tausi ovi lasi o ovi, ki le toto o se sai lee gato, lotatou Aliki ko Sesu,

Sosue 24:25

Na fai loa e Sosue i le aso lena se sai mo le kakai, o tuku loa kiate ia ni lao mo ni lekula, i Siseme.

Uluaki tosi a Petelo 1:2

ti kua filifili o mulimuli ki le muaki iloa o le Atua ko le Tamana, ki le fakamaokioki a le Laumalie, o tupu ke lotou fakalogo, ti ke lotou kau ki le afusi o le toto o Sesu-Kilisito ; ke tuku fakalasi atu kia koutou le kalasia mo le tokamalie !