Ekesote 24:6 - Tosi Tapu

⁶ Na too loa e Moisese le vaelua o le toto o manu o tuku ki ni pesini, kae na liligi loa e ia leia ake vaelua ki aluga o le aletale.

Ekesote 24:6 Iomraidhean Croise

Lua tosi o Sau 17:15

Na lotou tiaki loa ana lao, mo le sai leia na fai e ia mo olatou tamana, ti mo valoki ala na fai e ia kia latou. Na lotou ano loa i muli o ni nea noa ti na lotou liliu loa ko ni nea noa, ti mo muli o atu puleaga ala na nonofo i olatou tafatafa, ala na tapui e le Eteleno kia latou ke fakatatau ki ai.

Pesalemo 99:6

Ko Moisese mo Alone i ana tagata faisakilifisio, Ti mo Samuele ia latou ala na fetapa ki lona suafa, Na faikole loa ki le Eteleno, ti na tali loa e ia latou.

Ekesote 12:22

E kotou too loa se taulu isopa, e kotou fakasusu loa a ia ki le toto leia e tuku loa i le pesini, ti e kotou takai loa le kau matapa mo fa pou e lua o le matapa, ki le toto leia e tuku loa i le pesini. E leaise toe mavae loa se tasi o koutou mei lona fale o kaku ki le usu.

Ekesote 12:7

E too loa le toto o le manu, o takai ai a pou e lua mo le kau matapa o le matapa o fale ala e kai ai loa le manu.

Ekesote 24:8

Na too loa e Moisese le toto o afusi ki le kakai, o pati : Ko le toto leinei o le sai leia kua fai e le Eteleno mo koutou o mulimuli ki ana folafola fuli.

Ekesote 29:16

E ke tamate loa le ovi tagata ; e ke too loa lona toto, ti e ke liligi loa a ia i aluga o le aletale i lona tafatafa katoa.

Ekesote 29:20

E ke tamate loa le ovi tagata ; ti e ke too loa se toto i lona toto, ti e ke takai loa ki ai le potu aluga o le taliga atamai o Alone mo taliga o ona vosa, ti e ke takai loa ki le toto a maikao matua o olatou lima atamai mo le maikao matua o olatou vae atamai, ti e ke liligi loa le toe o le toto ki aluga o le aletale i le tafatafa katoa.

Selemia 31:32

E leaise faipe le sai leia na kau fai mo olatou tamana, I le aso leia na kau too ai latou i le lima o fakamavae latou i le fenua o Esipito, Sai leia na lotou maumaui, Logo ko au ko lolatou pule, e pati le Eteleno.

Levitiko 1:11

E tamate loa e ia le manu i le fetuu noleto o le aletale, i mua o le Eteleno ; ti e liligi loa e tagata faisakilifisio, vosa o Alone, le toto o le manu i le takatakai katoa o le aletale.

Levitiko 1:5

E tamate loa e ia le pipi tagata muli i mua o le Eteleno ; ti e momoli loa e tagata faisakilifisio, vosa o Alone, le toto, o liligi loa a ia i le takatakai katoa o le aletale leia e tuu i le uluaga o le falela tapu.

Levitiko 3:2

E teki loa e ia lona lima ki le fa ulu o le manu, ti e tamate loa e ia le manu i le uluaga o le falela tapu. E liligi loa e le kau faisakilifisio, vosa o Alone, le toto i le takatakai katoa o le aletale.

Levitiko 3:8

E teki loa e ia lona lima ki le fa ulu o le manu, ti e tamate loa e ia le manu i mua o le falela tapu ; ti e liligi loa e vosa o Alone le toto o le manu ki le takatakai katoa o le aletale.

Levitiko 4:6

E tooi loa e ia lona maikao ki le toto, ti e afusi loa e ia a ia o tua fitu ki le fetuu o le lito tapu leia e sa mai ki tafa, i mua o le Eteleno.

Uluaki tosi ki le kau Kolinto 11:25

Ti na fenaaki foki, i le oki o le kai, na too loa e ia le ipu, o pati : Ko le ipu leinei o le sai foou i loku toto ; kotou fai le nea leinei ko se fakamanatu kiate au, i temi fuli ala e kotou inu ai loa a ia.

Kolose 1:20

ti na loto a ia ke fakatokatoka iate ia a nea fuli mo ia totonu, tatau a nea ala i le malama nei ti mo nea ala i le lagi, o fai le tokamalie iate ia i le toto o lona koluse.

Epelo 12:24

kia Sesu leia ko le tagata fakasoko pati o le sai foou, ki le toto o le afusi leia e masau malie ake i le toto o Apele.

Epelo 8:9

O leaise faipe le sai leia na kau fai loa mo olatou tamana, Ile aso leia na kau too ai latou i le lima Ke fakamavae latou i le fenua o Esipito ; Talie na leaise lotou kataki fualoa i laku sai, Ti ko au foki na leaise kau tokaga kia latou, e pati le Aliki.

Epelo 9:18

Koia na leaise fakamaoki ai le uluaki sai i mua o le liligi o le toto.

Epelo 9:19

Ko Moisese, i le oki o lana fakasa i mua o le kakai katoa a fakatotonu fuli o le lao, na too ia loa le toto o uviki pipi mo koti, mo se vai, mo se kie kula, mo se taulu isopa, ti na fai loa e ia le afusi ki le tosi lao totonu ti mo le kakai katoa, o pati :

Epelo 9:21

Na toe fai foki e ia le afusi o le toto ki le tapenakulo ti mo nea fuli o le atolasio.

Uluaki tosi a Petelo 1:19

kae ki le toto mauiga o Kilisito, ofaipe se akeno sala ila mo lee mele ;

Uluaki tosi a Petelo 1:2

ti kua filifili o mulimuli ki le muaki iloa o le Atua ko le Tamana, ki le fakamaokioki a le Laumalie, o tupu ke lotou fakalogo, ti ke lotou kau ki le afusi o le toto o Sesu-Kilisito ; ke tuku fakalasi atu kia koutou le kalasia mo le tokamalie !