Ekesote 24:4 - Tosi Tapu

⁴ Na tosi loa e Moisese a folafola fuli a le Eteleno. Ti na alaala usu loa a ia o fakatuu se aletale i lalo o le mauga, ti na eti loa e ia ni fatu e kau agafulu tupu lua o fakatatau ki famili e tino agafulu tupu lua o Iselaele.

Ekesote 24:4 Iomraidhean Croise

Senesi 12:7

Na sa loa le Eteleno kia Apalamo, o pati : E kau soli loa le fenua leinei ki lou sakoga. Ti na fakatuu loa e Apalamo i le ganea lena se aletale ki le Eteleno, leia na sa kiate ia.

Senesi 28:18

Ti na tuu ake loa Sakopo i le usu, o too le fatu leia na uluga ki ai, ti na fakatuu loa e ia a ia ke liliu ko se fatu fakamaoki, ti na liligi loa e ia se lolo ki lona tumutumu.

Senesi 28:22

Ko le fatu leinei kua kau fakatuu ti kua kau fakatapui, e liliu loa ko le fale o le Atua ; ti e kau soli loa kiate ia le vaega kau agafulu o nea fuli ala e soli mai loa e ia kiate au.

Senesi 31:45

Na too loa e Sakopo se fatu, ti na fakatuu loa e ia le fatu lena ko se fakamanatu.

Uluaki tosi o Sau 11:30

Na fa loa Akisa ki le taupulupulu foou leia na tui e ia, ti na saesaei loa e ia a ia ki potui kie e kau agafulu tupu lua,

Uluaki tosi o Sau 18:31

Na too loa e ia a fatu e kau agafulu tupu lua, o mulimuli ki le api o faasiga o vosa o Sakopo, ala na pati loa ki ai le Eteleno : Ko lou igoa ko Iselaele ;

Esetalasi 6:17

Na lotou momoli loa i le fakatapu o le fale lena o le Atua ni pipi tagata e kau lelau, mo ni ovi tagata e kau lelau lua, mo ni akeno e kau lelau fa, ki le fakamolemole o agasala a Iselaele katoa, ti na lotou momoli loa ni koti e kau agafulu tupu lua, o mulimuli ki famili o Iselaele.

Neemia 10:1

Ko nei latou ala na fakamaoki ia le tosi : Ko Neemia, le kovana, vosa o Akalia.

Ekesote 17:14

Na pati loa le Eteleno kia Moisese : Tosi le nea lena i se tosi, o tupu ke tausi lona fakamanatu, ti ke fakasa kia Sosue e kau soloi loa le igoa o Amaleke i le lalo lagi.

Ekesote 17:15

Ti na fakatuu loa e Moisese se aletale, o soli loa ki ai le igoa : ko Seova-Nisi (ko le Eteleno ko loku manumanu).

Ekesote 21:1

Ko nei a lao ala e ke tuku loa kia latou.

Ekesote 24:7

Na too loa e ia le tosi o le sai o lau i mua o le kakai ; ti na lotou pati loa : E motou fai loa a nea fuli ala kua pati ki ai le Eteleno, ti e motou fakalogo loa ki ana folafola.

Ekesote 28:21

Ko fatu loa e kau agafulu tupu lua o mulimuli ki igoa o vosa o Iselaele. E togi loa a fatu ana ko ni fakamailoga, ko le fa fatu fai mo lona igoa i igoa o famili e kau agafulu tupu lua o Iselaele.

Ekesote 34:27

Na pati loa le Eteleno kia Moisese : Tosi a folafola anei ; talie kua kau fai le sai mo koe mo Iselaele, o mulimuli ki folafola anei.

Esaia 19:19

I le temi lena, e i ai loa se aletale ki le Eteleno I loto malie o le fenua o Esipito, Ti mo se nea fakamanatu ki le Eteleno i lona koiga.

Levitiko 24:5

E ke too loa se falina mea, ti ke fai loa ki ai ni fa pane lalapa e kau agafulu tupu lua, o kilo ono le fa pane.

Numelo 17:2

Masau ki fanau a Iselaele, ti e ke maua loa meia latou se tokotoko o mulimuli ki famili o olatou tamana, ko ni tokotoko e kau agafulu tupu lua mei olatou pule fuli o mulimuli ki fale o olatou tamana.

Luka 22:30

E kotou kai loa mo inu loa i loku laupapa i loku puleaga, ti e kotou ekeeke loa i ni ekeekeaga fakasau, o fakamaaui a faasiga e kau agafulu tupu lua o Iselaele.

Kalate 2:9

Ti i lalatou iloa le kalasia leia kua tuku mai kiate au, ko Sakopo, mo Kefasi, ti mo Soane, ala e pati ko pou tafito, na soli ia mai loa kiate au mo Palenapa le lima atamai, o tupu ke ma ano ki le kau lee silikosisio, kae ko latou ki le kau silikosisio.

Tetelonome 31:9

Na tosi loa e Moisese le lao lena, o tuku ki le kau tagata faisakilifisio, vosa o Levi, ala na amo ia le aleka o le sai a le Eteleno, mo le kau fakamatuatua o Iselaele.

Sosue 4:20

Na fakatuu loa e Sosue i Kilikale a fatu e kau agafulu tupu lua ala na lotou too mei loto malie o le Solotane.

Sosue 4:5

Na pati loa a ia kia latou : Ke kotou ano i mua o le aleka o le Eteleno, lokoutou Atua, ki loto malie o le Solotane, ti ke tasi amo e le tagata o koutou se fa fatu ki lona tuauma, o mulimuli ki le lasi o faasiga o Iselaele,

Apokalipisi 21:14

Ti ko le kaua o le kolo na fakatuu ki ni fatu fakatafito e kau agafulu tupu lua, ti na tosi i ai a igoa e kau agafulu tupu lua o apositolo e tino agafulu tupu lua a le Akeno.