Ekesote 24:18 - Tosi Tapu

¹⁸ Na ulu loa Moisese ki loto malie o le ao, o pale ki le mauga. Ti na nofo loa Moisese i le mauga i aso e kau fa mo po e kau fa.

Ekesote 24:18 Iomraidhean Croise

Uluaki tosi o Sau 19:11

Na pati loa le Eteleno : Ulu ki fafo, ti ke tuu i le mauga i mua o le Eteleno ! Ti ko leinei na saele mai loa le Eteleno. Ti na i ai loa i mua o le Eteleno se matagi makeke leia na fakamafaafaa ia a mauga ti mo fakamomoliki ia a utu : na leaise nofo le Eteleno i le matagi. Ti na oki loa le matagi, na to loa se mafuike : na leaise nofo le Eteleno i le mafuike.

Uluaki tosi o Sau 19:8

Na tuu ake loa Elia ki aluga, o kai ti mo inu ; ti na maua loa e ia le makeke i le nea kai lena, ke saele a ia i aso e kau fa mo po e kau fa, o kaku ki le mauga o le Atua i Olepe.

Ekesote 19:20

Na ifo loa le Eteleno ki le mauga o Sinai, ki le tumutumu o le mauga. Na kalaga loa le Eteleno kia Moisese ke pale ki le tumutumu o le mauga. Ti na pale loa Moisese.

Ekesote 24:17

Na sa loa le kololia o le Eteleno ki mata o fanau a Iselaele ofaipe se afi kaka i le tumutumu o le mauga.

Ekesote 25:1

Na masau loa le Eteleno kia Moisese, o pati :

Ekesote 32:1

I le tio a le kakai kua tuvai le ifo mai a Moisese mei le mauga, na lotou fakatasi loa kia Alone, o pati kiate ia : Tuu ki aluga o fai se atua ke saele i omatou mua, talie ko Moisese, le tagata leia na fakamavae ia matou mei le fenua o Esipito, e leaise motou iloa lona anoaga.

Ekesote 34:28

Na nofo loa Moisese mo le Eteleno i le ganea lena i aso e kau fa mo po e kau fa. Na leaise kai loa e ia se pane, pe na inu loa e ia se vai. Ti na tosi loa e le Eteleno i fatu a folafola o le sai, a folafola e kau agafulu.

Ekesote 9:29

Na pati loa Moisese kiate ia : Ka kau mavae loa i le kolo, e kau siki loa oku lima ki le Eteleno, ti e tuku loa a mana, ti e leaise toe to loa se ua fatu, o tupu ke ke iloa e fakalogo le malama nei ki le Eteleno.

Ekesote 9:33

Na mavae loa Moisese mei le fale o Falaone, o ulu mei le kolo ; ti na siki loa e ia ona lima ki le Eteleno, ti na gato loa le mana mo le ua fatu ; ti na leaise toe to loa le ua ki le kele.

Taagapati 28:1

E sola le tagata agaveli kae e leaise tuli a ia e se tasi, Kae e loto toa le tagata agatonu ofaipe se laione muli.

Mateo 4:2

Na sesunio loa a ia i aso e kau fa mo po e kau fa, ti na fia kai loa a ia.

Maleko 1:13

ti na nofo loa a ia i ai i ni aso e kau fa, o fakasalai e Satana. Na nofo a ia mo manu kaikivao, ti na tausi a ia e le kau aselo.

Luka 4:2

Ti na fakasalai loa a ia e le Tiapolo i aso e kau fa. Na leaise kai loa e ia se nea i aso ana ; ti na sili loa a aso ana, na fia kai loa a ia.

Tetelonome 10:10

Na kau nofo i le mauga ofaipe mua, i aso e kau fa mo po e kau fa. I le faiaga foki lena, na logo le Eteleno ki laku kole ti na fakafiti loa a ia ke maumaui koutou.

Tetelonome 5:31

Kae ko koe, nofo i leinei mo au, ti e kau fakasa loa kiate koe a folafola fuli, mo lao, mo lekula, ala ke ke ako loa kia latou ke lotou fai latou i le fenua leia e kau soli kia latou mo tofiga.

Tetelonome 9:18

Na kau punou loa o fakatau oku mata ki le kele i mua o le Eteleno, ti na kau nofo loa i ai, ofaipe mua, i aso e kau fa mo po e kau fa, e leaise kai ti e leaise inu, o tupu ko agasala fuli ala na kotou fai, o fai le nea leia e veli ki mata o le Eteleno ke tupu ai lona sausau.

Tetelonome 9:25

Na kau punou loa o fakatuu oku mata ki le kele i mua o le Eteleno, ti na kau nofo loa o punou i le kele i aso e kau fa mo po e kau fa, o tupu na pati le Eteleno kua loto a ia ke maumaui e ia koutou.

Tetelonome 9:9

I le aso lena na kau pale ai loa ki le mauga, o tali a laui fatu o le sai leia na fai e le Eteleno mo koutou. Na kau nofo loa i le mauga i aso e kau fa mo po e kau fa, ti na leaise kau kai fua se pane ti mo inu fua se vai ;