Ekesote 24:16 - Tosi Tapu

¹⁶ Na ifo loa le kololia o le Eteleno ki le mauga o Sinai, ti na uufi loa e le ao a ia i aso e ono. I le fitu o aso, na kalaga loa le Eteleno kia Moisese mei le ao.

Ekesote 24:16 Iomraidhean Croise

Pesalemo 99:7

Na masau loa a ia kia latou i le pou ao ; Na lotou tausi loa ana folafola, Ti mo le lao leia na soli loa e ia kia latou.

Ekesote 16:10

Na koi lolotoga masau Alone ki le fakatasi katoa o fanau a Iselaele, kae na lotou tagaki loa ki le fetuu o le toafa, ti ko leinei, na sa loa le kololia o le Eteleno i le ao.

Ekesote 19:11

Ke lotou nofo teuteu ki le tolu o aso, talie i le tolu o aso e ifo ai loa le Eteleno ki le mauga o Sinai, ti e tio mata loa le kakai katoa kiate ia.

Ekesote 19:9

Ti na pati loa le Eteleno kia Moisese : Ko leinei, e kau au loa kiate koe i se ao matotolu, o tupu ke logo malie le kakai i le temi leia e kau masau ai loa kiate koe, ti ke tui tuumau loa a ia kiate koe. Na toe fakasa loa e Moisese ki le Eteleno a masau a le kakai.

Ekesote 20:10

Kae ko le fitu o aso ko le aso malolo a ia o le Eteleno, lou Atua : e leaise ke toe fai loa se gaoi, tatau fai a koe, mo lou vosa, mo lou taine, mo lau tagata fakasausau, mo lau fafine fakasausau, mo lau manu, ti mo le matapule leia e nofo i lou lotoa.

Ekesote 24:17

Na sa loa le kololia o le Eteleno ki mata o fanau a Iselaele ofaipe se afi kaka i le tumutumu o le mauga.

Esaia 4:5

E fakanofo loa e le Eteleno, i le kele katoa o le mauga o Sione Ti mo ona ganea fakatasi fuli, se ao afu i le ao, Ti mo se afi ulaula gigila i le pouli ; Talie e ufiufi loa e le kololia o le Eteleno a nea fuli.

Esekiele 1:28

Na tatau le malama gigila lena na takatakai ia a ia mo le malama o le nuanua i se aso ua. Ko se paaki a ia o le kololia o le Eteleno. I laku tio ki le nea lena, na kau fakamapee loa, o fakatuu oku mata ki le kele, ti na kau logo loa ki le leo o se tasi leia na masau.

Levitiko 9:23

Ti na ulu loa Moisese mo Alone ki le falela tapu. I lala mavae loa mei ai, na la tapuaki loa ki le kakai. Ti na sa loa le kololia o le Eteleno ki le kakai katoa.

Levitiko 9:6

Na pati loa Moisese : ko leinei le nea leia na fakatotonu e le Eteleno ke kotou fai ; ti e sa loa le kololia o le Eteleno kia koutou.

Numelo 14:10

Na masau loa le kakai katoa ke tuki fatui laua ke mate, kae fokifa kua sa le kololia o le Eteleno i aluga o le falela tapu, i mua o fanau fuli o Iselaele.

Numelo 16:42

Na lolotoga tanaki ake loa le fakatasi katoa kia Moisese mo Alone, ti na lotou maliu loa o agaaga ki le fetuu o le falela tapu, ti na lotou tio loa kua kofu katoa a ia e le ao, ti na sa loa le kololia o le Eteleno.

Lua tosi ki le kau Kolinto 4:6

Talie ko le Atua leia na pati, ke mu le malama i le fakapouli ! ti kua fakamu le malama lena i otatou loto ke fakagigila ai le iloa o le kololia o le Atua i mata o Kilisito.

Apokalipisi 1:10

Na kau too loa e le Laumalie i le aso o le Aliki, ti na kau logo loa i oku muli ki se leo makeke, ofaipe se leo o se fakatagi pupusi,