Ekesote 24:14 - Tosi Tapu

¹⁴ Na pati loa a ia ki le kau matua : Kotou talitali kia maua i leinei, o kaku ki lama toe liliu mai loa kia koutou. Ko leinei, e nofo loa Alone mo Ulu, mo koutou ; kapau e i ai se nea a se tagata ke fai, ke ano a ia o fakasa kia laua.

Ekesote 24:14 Iomraidhean Croise

Senesi 22:5

Ti na pati loa Apalaamo ki ana tagata fakasausau : Kolua nonofo i leinei mo le asino ; ko au mo le tupulaga, e ma ano loa o kaku ki aluga o atolasio, ti o ma toe liliu mai loa kia koulua.

Ekesote 17:10

Na ano loa Sosue o taui Amaleke o mulimuli ki le nea leia na pati ki ai Moisese. Kae na pale loa Moisese, mo Alone, mo Ulu ki le tumutumu o le mauga.

Ekesote 17:12

Kae i le mamafa o lima o Moisese, na too loa e Alone mo Ulu se fatu, o fakaekeeke Moisese ki ai. Kae na la poupou loa a lima o Moisese, ko le tasi i le fetuu atamai, ti ko le tasi i le fetuu sema ; ti na tuu fefeka loa a lima o Moisese o kaku ki le to o le laa.

Ekesote 18:16

Ka e i ai ni alatou visi, ti e lotou au kiate au : e kau fakatokatoka loa le visi lena, o kau fakasa kia latou a fakatotonu mo lao a le Eteleno.

Ekesote 32:1

I le tio a le kakai kua tuvai le ifo mai a Moisese mei le mauga, na lotou fakatasi loa kia Alone, o pati kiate ia : Tuu ki aluga o fai se atua ke saele i omatou mua, talie ko Moisese, le tagata leia na fakamavae ia matou mei le fenua o Esipito, e leaise motou iloa lona anoaga.

Uluaki tosi a Samuele 10:8

Ti e ke muamua loa iate au ki Kilikale ; ti ko leinei, e kau ifo mai loa kiate koe, o momoli ni failaulau mo ni sakilifisio fakafetai. E ke talitali loa i aso e fitu, o kaku ki laku tau atu kiate koe, o fakasa kiate koe le nea leia e tonu ke ke fai.