Ekesote 24:11 - Tosi Tapu

¹¹ Na leaise siki loa e le Eteleno lona lima ki fakafofoga o fanau a Iselaele. Na lotou tio loa ki le Atua, ti na lotou kai loa mo inu.

Ekesote 24:11 Iomraidhean Croise

Senesi 16:13

Na pati loa Akale : Pe na kau tio maoki i leinei ki leia e tio mai kiate au ? Ti na tuku loa e ia le igoa ko Ata-Ele-Loi ki le Eteleno leia na masau kiate ia : Ko Koe ko Ele Loi, ko le Atua leia e tio kiate au.

Senesi 18:18

E liliu maoki loa Apalaamo ko se puleaga lasi mo makeke, ti e tapuakina loa a puleaga fuli o le kele iate ia.

Senesi 31:54

Ti na momoli loa e Sakopo se sakilifisio i le mauga, ti na fakaafe loa e ia ona fetaina ki se kaitasi. Na lotou kai loa, ti na lotou momoe loa i le mauga i le po lena.

Uluaki tosi o Sau 21:8

Ti na fai loa e ia ni tosi i le igoa o Akapo ala na fakamaoki loa e ia ki le pooi o le sau, ti na fakamomoli loa e ia ki le kau matua mo le kau pule ala na nonofo mo Napote i lona kolo.

Lua tosi o Koloniko 23:20

Na too loa e ia a pule o tino lelau, mo tagata mauiga, mo tagata takitaki o le kakai, ti mo le kakai katoa o le fenua, ti na lotou taki loa le sau mei le fale tapu o le Eteleno ki le fale o le sau, i le matapa lasi. Ti na lotou fakaeke loa le sau ki le ekeekeaga fakasau.

Neemia 2:16

Na leaise iloa e kovana pe na kau ano kifea, pe kolea le nea leia na kau fai ia. O kaku mai ki le lakaga lena, na leaise kau masaui fua se nea ki le kau Sutea, pe ki le kau tagata faisakilifisio, pe ki le kau lalasi, pe ki kovana, pe ki se tasi fua ia latou ala na tokaga ki nea o le puleaga.

Pesalemo 139:5

E ke takatakai au i muli mo mua, Ti e ke teki lou lima kiate au.

Ekesote 18:12

Ti na momoli loa e Setelo, tamana o le avaga o Moisese, se failaulau mo ni sakilifisio fakafetai ki le Atua. Na au loa Alone mo le kau matua fuli o Iselaele o kau i le kaitasi mo le tamana o le avaga o Moisese, i mua o le Atua.

Ekesote 19:21

Na pati loa le Eteleno kia Moisese : Ifo o toe fakamanatu ki le kakai e tapu mamafa le oso ke tio ki le Eteleno, talie na mate loa se toka api o latou.

Ekesote 24:1

Na pati loa le Atua kia Moisese : Pale ki le Eteleno, a koe mo Alone, mo Natape, mo Apiu, mo se tino fitu i le kau matua o Iselaele ; ti e kotou punou loa mei mamao.

Ekelesiasi 9:7

Koia, ano a koe i lou ala, kai lau pane i le fiafia, ti inu lau vino i le fimalie ; talie talu mei fualoa kua fakamaoki e le Atua au gaoi.

Selemia 14:3

E kakau e le kau lalasi latou ala e liliki, ke ano o asu vai, Ti e ano le kau liliki ki fa tane, kae e leaise lotou maua se vai, Ti e lotou toe liliu mo alatou fagu mamasa ; E lotou uufi olatou ulu i lolatou luma.

Taniela 10:17

E feaki loa le mafai o le masau a le tagata fakasausau a loku aliki ki loku Aliki ? Ko leinei kua puli loku makeke, ti e leaise koi mafai laku tukumanava.

Numelo 12:8

E kau masau kiate ia i le gutu ki le gutu, e kau sa kiate ia, ti e tio a ia ki se ata totonu o le Eteleno i ona mua. Kolea na leaise kolua i ai i le masau veli ki laku tagata fakasausau ko Moisese ?

Numelo 21:18

Sosoni, na kenu koutou e ni kau aliki ! Na kenu koutou e ni kau lalasi o le kakai, Ki le tokotoko pule, ki alatou laakau pule !

Tetelonome 12:7

Ko lena loa le ganea leia e tonu ke kotou kai ai loa i mua o le Eteleno, lokoutou Atua, ti ke kotou fakafiafia ai loa, koutou mo okoutou famili, o tupu ko nea fuli ala ka fai loa e okoutou lima ti ka tapuakii loa e le Eteleno, lokoutou Atua.

Tetelonome 4:33

Pe ku i ai se puleaga leia kua logo ki le leo o le Atua leia e masau mei se afi, ofaipe lau logo ki ai, ti na ke mauli ?

Tuifakamaau 13:22

ti na pati loa a Manoa ki lona avaga : E ta mamate loa, talie kua ta tio ki le Atua.

Tuifakamaau 5:13

Koia na malo ai loa se toega o le kakai i le kau makeke, Na soli mai loa e le Eteleno kiate au le malo i le kau toa.