Ekesote 24:10 - Tosi Tapu

¹⁰ Na lotou tio loa ki le Atua o Iselaele ; i lalo o ona vae, na faipe se laui tiloata leia na faliki ki le safile, ti na usi ofaipe le lagi peka mea saosaoa.

Ekesote 24:10 Iomraidhean Croise

Senesi 32:30

Na soli loa e Sakopo le igoa ko Peniele ki le ganea lena ; talie na pati a ia : Kua kau tio mata ki le Atua, ti na fakamauli loa e ia loku mauli.

Senesi 32:31

Na sopo loa le laa, i le temi leia na fakalaka ai loa Sakopo i Peniele. Na kito Sakopo o tupu ko lona kauaga.

Uluaki tosi o Sau 22:19

Ti na pati loa Mikea : Fakalogo mai la ki le folafola a le Eteleno ! Na kau tio ki le Eteleno kua ekeeke i lona ekeekeaga fakasau, ti kua tutuu le kau tau katoa o le lagi i ona tafa, i lona fetuu atamai mo lona fetuu sema.

Lua tosi o Koloniko 6:17

Koia, Eteleno, Atua o Iselaele, fakasoko lau fakapapau leia kua ke fai ki lau tagata fakasausau ko Tavite !

Ekesote 24:11

Na leaise siki loa e le Eteleno lona lima ki fakafofoga o fanau a Iselaele. Na lotou tio loa ki le Atua, ti na lotou kai loa mo inu.

Ekesote 3:6

Ti na toe soko atu loa a ia : Ko le Atua au o lou tamana, ko le Atua o Apalaamo, ko le Atua o Isaake, ti ko le Atua o Sakopo. Ti na uufi loa e Moisese ona mata, talie na i loa a ia i le tio ki le Atua.

Ekesote 33:20

Na pati loa le Eteleno : E leaise feala ke ke tio ki oku mata, talie e leaise feala ke tio le tagata kiate au ti mauli.

Ekesote 33:23

Ti ka kau too loa loku lima, e ke tio mai loa kiate au mei muli ; kae e leaise feala loa ke ke tio ki oku mata.

Katiko o Katiko 5:14

Ko ona lima ko ni mama aulo, Na teuteu ki kilisolite ; Ko lona tino ko se lei momole, Na kofu ki ni safile ;

Katiko o Katiko 6:10

Ko ai leia e sa ofaipe le mafoata, Fulumalie ofaipe le masina, mea ofaipe le laa, Kae fakaii ofaipe ni kau tau mo alatou manumanu ?

Tagi laulau a Selemia 4:7

Na gigila ake ona tama aliki i le nive, Na lotou kili tea ake i le sua u ; Na kulakula ake olatou tino i le lupi ; Na fai olatou mata pe le safile.

Esekiele 1:1

I le kau tolu fetuu, i le aso lima o le masina fa, i laku nofo mo le kakai popula i le vaitafe o Kepale, na mavaa loa le lagi ti na kau tio loa ki ni nea fakaatua.

Esekiele 10:1

Na kau tio loa, ti ko leinei, i aluga o le lagi leia na tuu i aluga o ulu o selupino, na i ai se nea ofaipe le fatu ko le safile ; na sa i olatou aluga se nea ofaipe se ekeekeaga fakasau.

Taniela 10:17

E feaki loa le mafai o le masau a le tagata fakasausau a loku aliki ki loku Aliki ? Ko leinei kua puli loku makeke, ti e leaise koi mafai laku tukumanava.

Numelo 12:8

E kau masau kiate ia i le gutu ki le gutu, e kau sa kiate ia, ti e tio a ia ki se ata totonu o le Eteleno i ona mua. Kolea na leaise kolua i ai i le masau veli ki laku tagata fakasausau ko Moisese ?

Mateo 17:2

Na fetogi loa a ia i olatou mua ; na gigila loa ona mata ofaipe le laa, ti na tetea loa ona kofu ofaipe le malama.

Soane 1:18

Na leikiaise tio se tasi i se aso ki le Atua ; ko le Atua le Alo fuatasi, leia e nofo i le fatafata o le Tamana, ko ia leia na fakasa ia a ia.

Soane 14:9

Na pati loa Sesu kiate ia : Kua fualoa ai laku nofo mo koutou, kae leaise ke iloa aifai a au, Filipo ! Ko leia kua tio kiate au kua tio a ia ki le Tamana ; e feaki e ke pati ai : Fakasa mai kia matou le Tamana ?

Soane 6:46

Ti e leai se tasi leia kua tio ki le Tamana, gato tasi ki leia e au mei le Atua ; ko ia lena na tio ki le Tamana.

Uluaki tosi kia Timoteo 6:16

leia toka tasi e maua ia le mauli lee gato, leia e nofo i se malama gigila leia e leaise mafai ke kaku ki ai, leia e leaise feala ke tio ki ai se tasi, leia e tuku ki ai le fakamauiga mo le mafimafi lee gato. Amene !

Uluaki tosi a Soane 4:12

Na leikiaise tio se tasi ki le Atua i se aso ; kapau e tou fealofaaki ia tatou, e nofo le Atua ia tatou, ti kua malie tukupau lona alofa ia tatou.

Apokalipisi 1:16

Na too e ia i lona lima atamai ni fetuu e fitu. Na ulu mei lona gutu se seleta lau ikiiki, mata lua ; ti ko ona mata na faipe le laa mo ka ula i lona makeke katoa.

Apokalipisi 21:11

Ti na tatau lona gigila mo leia o se fa fatu mauiga lasi, o se fa fatu ko le sasepe leia e malama ofaipe le kilisitale.

Apokalipisi 4:3

Ko leia na ekeeke i ai, na maua e ia le agaaga fulumalie o fatu mauiga ko le sasepe mo le saletuane, ti na takatakai le ekeekeaga fakasau e se nuanua na tatau mo le emelote.