Ekesote 24:1 - Tosi Tapu

¹ Na pati loa le Atua kia Moisese : Pale ki le Eteleno, a koe mo Alone, mo Natape, mo Apiu, mo se tino fitu i le kau matua o Iselaele ; ti e kotou punou loa mei mamao.

Ekesote 24:1 Iomraidhean Croise

Uluaki tosi o Koloniko 6:3

Ko vosa o Amilame : ko Alone, mo Moisese, mo Malia lola tuagaane. Ko vosa o Alone : ko Natape, mo Apiu, mo Eleasale, mo Itamale.

Ekesote 1:5

Ko latou fuli ala na ifo meia Sakopo ko le tino fitu. Na nofo Sosefo i le temi lena i Esipito.

Ekesote 19:20

Na ifo loa le Eteleno ki le mauga o Sinai, ki le tumutumu o le mauga. Na kalaga loa le Eteleno kia Moisese ke pale ki le tumutumu o le mauga. Ti na pale loa Moisese.

Ekesote 19:24

Na pati loa le Eteleno kiate ia : Ano, ifo ; ti ke toe pale mai loa mo Alone. Kae ke aua na pale mai loa kiate au le kau tagata faisakilifisio mo le kakai, talie ke aua na kau tautea loa latou ki le mate.

Ekesote 19:9

Ti na pati loa le Eteleno kia Moisese : Ko leinei, e kau au loa kiate koe i se ao matotolu, o tupu ke logo malie le kakai i le temi leia e kau masau ai loa kiate koe, ti ke tui tuumau loa a ia kiate koe. Na toe fakasa loa e Moisese ki le Eteleno a masau a le kakai.

Ekesote 20:21

Na tuu loa le kakai mei mamao ; kae na fakafeofi loa Moisese ki le ao matotolu leia na nofo ai le Atua.

Ekesote 24:15

Na pale loa Moisese ki le mauga, ti na uufi loa e le ao le mauga.

Ekesote 24:2

E fakafeofi loa Moisese toka tasi ki le Eteleno ; e leaise fakafeofi mai loa a la ake, ti e leaise pale loa le kakai ki le mauga.

Ekesote 24:9

Na pale loa Moisese, mo Alone, mo Natape, mo Apiu, ti mo se tino fitu i le kau matua o Iselaele.

Ekesote 28:1

Fakafeofi mai kiate koe lou taokete ko Alone, mo ona vosa, ti ke vaei kese latou mei fanau a Iselaele, o ke fakanofo latou ke gaoi kiate au i le gaoi fakapelepitelo : Ko Alone mo ona vosa ko Natape, mo Apiu, mo Eleasale, mo Itamale.

Ekesote 3:5

Na pati loa le Atua : Aua na ke fakafeofi mai ki leinei, too ou taka mei ou vae, talie ko le ganea leinei e ke tuu ai ko se kele taputapu a ia.

Ekesote 34:2

Teuteu ki le usu apogipogi, ti ke pale loa i le usu ki le mauga o Sinai ; e ke tuu loa i oku mua, i le tumutumu o le mauga.

Ekesote 6:23

Na avaga loa Alone mo Elisepa, taine o Aminatape, tuagaane o Nakesone ; ti na fanaui loa e Elisepa kia Alone a Natape, mo Apiu, mo Eleasale, mo Itamale.

Esekiele 8:11

Ti na tutuu i mua o taulaatua ana se kau tagata e tino fitu o le kau fakamatuatua o le fale o Iselaele, o kau i ai a Sasania, vosa o Safani, ti na lotou tasi mo ia se tulipulo i lona lima, ti na malaga ake i le ganea lena se afu matotolu o le iseso.

Numelo 11:16

Na pati loa le Eteleno kia Moisese : Fakatasii mai kiate au se tino fitu o le kau matuatua o Iselaele, latou ala e ke iloa ko fakamatuatua mo takitaki o le kakai. Aumai latou ki mua o le falela tapu, ti ke lotou tutuu i ai mo koe.

Luka 10:1

I le sili o le nea a ia, na filifili loa e le Aliki ni iki ake tisipulo e tino fitu, ti na kakau loa e ia latou taki toka lua i ona mua ki kolo fuli ti mo ganea fuli ala kua tonu ke ano a ia totonu ki ai.

Luka 10:17

Na toe liliu loa le tino fitu i se fiafia, o pati : Aliki, kua fakalogo mai foki a temonio kia matou i lou suafa.

Tetelonome 1:15

Ti na kau too loa latou ala na pule ki okoutou faasiga, ko ni tagata poto, mo iloa, ti na kau fakanofo loa latou ke pule kia koutou, ko iki ki tino afe, ko iki ki tino lelau, ko iki ki tino lima, ti ko iki ki tino agafulu, ti na kau tuku loa ki iki ke leoleo ki okoutou faasiga.