Ekesote 23:33 - Tosi Tapu

³³ E leaise lotou nofo loa i lou fenua, talie ke aua na lotou fakasalai loa a koe o ke agasala ai loa kiate au ; talie kapau e ke tausi loa ki olatou atua, ti e liliu loa le nea lena ko se masele kiate koe.

Ekesote 23:33 Iomraidhean Croise

Uluaki tosi o Sau 14:16

E tiaki loa e ia Iselaele o tupu ko agasala ala na fai e Selopoamo ti na fakaagasala ai e ia Iselaele.

Lua tosi o Koloniko 33:9

Kae o tupu ko Manase, na sese loa Suta mo le kakai o Selusalemi, o fai le nea leia e veli o lasi ake foki i puleaga ala na maumaui e le Eteleno i mua o fanau a Iselaele.

Pesalemo 106:36

Na lotou tausi loa ki olatou taulaatua, Ala na liliu loa ko se masele kia latou ;

Ekesote 10:7

Na pati loa tagata fakasausau a Falaone kiate ia : E kaku loa kiafea le nofo o le tagata leinei ko se malaia kia tatou ? Tuku le kakai lena ke ano, ti ke lotou tausi le Eteleno, lolatou Atua. Pe leikiaise ke tio ki le mate o Esipito ?

Ekesote 23:24

Aua na ke punou loa i mua o olatou atua, ti aua na ke tausi loa kia latou ; aua na ke fakatatau loa a aga o kakai ana, kae e ke maumaui loa latou ti e ke fatifatii loa olatou fakatata.

Ekesote 34:12

Tokaga kiate koe, ke aua na ke fai ia se sai mo kakai o le fenua leia e tonu ke ke ulu ki ai, talie e lotou liliu loa ko se masele kiate koe.

Tetelonome 12:30

ke ke tokaga ai na ke vilo loa ki le masele o faifaitaki kia latou, i le oki o lau maumaui latou. Ke ke tokaga ai na ke fia ilo loa ki olatou atua, o ke pati loa : E feaki le atolasio o puleaga anei ki olatou atua ? Ko au foki, e kau fia fakatatau kia latou.

Tetelonome 20:18

o tupu ke aua na lotou ako ia loa kia koutou ke fakatautau o nea fakalialia fuli ala e lotou fai ki olatou atua, ti ke aua na kotou agasala ai loa ki le Eteleno, lokotou Atua.

Tetelonome 7:1

Ka fakaulu loa a koe e le Eteleno, lou Atua, ki le fenua leia ka ke maua tofiga loa, ti ka kapu loa e ia i ou mua ni puleaga api : le kau Iti, mo le kau Kilikasi, mo le kau Amole, mo le kau Kanaane, mo le kau Pelesi, mo le kau Evi, mo le kau Sepusi, ko puleaga e fitu ala e lalasi ake mo makeke ake iate koe,

Tetelonome 7:16

Ke ke tamate loa a kakai fuli ala e tuku atu loa kiate koe e le Eteleno, lou Atua. Ke aua na maua loa e lou mata se alofa kia latou, ti ke aua na ke tausi loa ki olatou atua, talie ko se masele loa a ia kiate koe.

Lua tosi kia Timoteo 2:26

ti ke lotou toe liliu loa ki lalatou fakakaukau malie, o lotou mavae loa mei masele a le Tiapolo, leia kua tapo ia latou o fakapopula ki lona finegalo.

Sosue 10:40

Na taai loa e Sosue ki le mata o le seleta a sau o le fenua katoa : le fenua o mauga, le fenua o le toafa, le fenua taulalo ti mo le fenua o mauga liliki. Na leaise toe fakamauli loa e ia se fa toka tasi, kae na tamate loa e ia a nea fuli na mauli, o mulimuli ki le fakatotonu a le Eteleno, Atua o Iselaele.

Sosue 23:13

ke kotou iloa fakapapau e leaise toe kapu loa e le Eteleno, lokoutou Atua, a puleaga ana i okoutou mua ; kae e liliu loa a puleaga ana kia koutou ko ni kupega mo ni masele, ko ni fue i okoutou vakavaka, ko ni laakau talatala i okoutou mata, o kaku ki lokoutou pupuli loa i le fenua malie leia na soli atu kia koutou e le Eteleno, lokoutou Atua.

Tuifakamaau 2:2

ti ko koutou, ke aua na kotou fai loa se sai mo le kakai o le fenua leinei, kae ke kotou maumaui loa olatou aletale. Kae na leaise kotou fakalogo ki loku leo. Kolea na kotou fai ai le nea lena ?

Tuifakamaau 2:3

Na kau pati loa : E leaise kau kapu ia loa latou i okoutou mua ; kae e lotou nonofo loa i okoutou tafa, ti e liliu loa olatou atua ko ni masele kia koutou.

Uluaki tosi a Samuele 18:21

Na pati Saulo i lona loto : E kau soli loa a Mikale kia Tavite, o tupu ke liliu a ia ko se masele kiate ia, ti ke vilo a ia ki lima o le kau Filisitini. Ti na pati loa Saulo kia Tavite, ko lona tua lua lena : E ke liliu loa i le aso nei ko loku fugao.