Ekesote 23:29 - Tosi Tapu

²⁹ E leaise kau kapu loa latou i se fetuu e tasi ke mamao meiate koe, o tupu na liliu loa le fenua ko se toafa, ti na tupu loa o lasi kiate koe a manu o le vao.

Ekesote 23:29 Iomraidhean Croise

Ekesote 23:30

E kau kapu fakalikiliki loa latou ke mamao mei ou mua, o kaku ki le aso leia e ke liliu ai loa o api ti e ke mafai ai loa le pulei o le fenua.

Ekesote 34:24

Talie e kau kapu loa a puleaga i ou mua, ti e kau fakalasi loa lou fenua ; ti e leaise manumanu loa se tasi ki lou fenua, i le temi leia e ke pale ai loa ki mua o le Eteleno, lou Atua, o tua tolu i le fetuu.

Tetelonome 7:22

E kapu mamalie loa e le Eteleno, lou Atua, a puleaga ana o mamao mei ou mata. E leaise feala loa ke ke tamate latou i se temi e tasi, ke aua na tupu loa o lasi a manu o le vao kiate koe.

Sosue 15:63

Na leaise mafai loa e vosa o Suta le kapu o le kau Sepusi ala na nonofo loa i Selusalemi, ti na nonofo loa le kau Sepusi mo vosa o Suta i Selusalemi o kaku mai ki le aso nei.

Sosue 16:10

Na leaise mafai loa e vosa o Efalaimi le kapu o le kau Kanaane leia na nofo i Kesele, ti na nofo loa le kau Kanaane i loto malie o Efalaimi o kaku mai ki le aso nei, kae na lotou fakasausau loa mo tukusau loa ki fanau a Efalaimi.