Ekesote 23:26 - Tosi Tapu

²⁶ E leaise maua loa i lou fenua se fafine leia e fakavilo ia lona tinae, pe ko se fafine leia e paa. E kau fakatologa loa okoutou mauli.

Ekesote 23:26 Iomraidhean Croise

Senesi 25:8

Na tuku loa e Apalaamo lona laumalie, ti na mate loa a ia i le oki o se temi matua manuia, na lasi ai ona fetuu, ti na tapuakina ona aso. Ti na fakatasi loa a ia ki lona kakai.

Senesi 35:29

Na tuku loa e Isaake lona laumalie, ti na mate loa a ia, ti na fakatasi loa a ia ki lona kakai, kua matua ai ti kua makona i aso. Na tanu loa a ia e ona vosa ko Esau mo Sakopo.

Uluaki tosi o Koloniko 23:1

Na soko loa kua matua ai Tavite, ti na fakanofo loa e ia Salomone, lona vosa ke sau i Iselaele.

Sopo 21:10

E makeke alatou pipi tagata, ti e lotou fakatupu ia ni uviki makeke. E fanaunau alatou pipi fafine, ti e leaise lotou faiuviki mamate.

Sopo 42:17

Ti na mate matua loa a Sopo, kua makona i fetuu.

Sopo 5:26

E ke ulu loa ki le tanuma i le matua malie, ofaipe le ave o le fuiga fulumeto i lona temi totonu.

Pesalemo 107:38

E tapuaki a ia kia latou, ti e lotou liliu o toka api ai, Ti e leaise toe tamate loa e ia alatou kau manu.

Pesalemo 144:13

E apelepele omatou fale tanaki magiti i magiti kesekese ; E liuliuga amatou kau manu, o lau i afe, mo kau agafulu afe, I omatou aloalo fenua.

Pesalemo 55:23

Ke ke toe tuku lou mauli ki le Eteleno, ti e poupou loa e ia a koe, E leaise tuku loa e ia ke siga le tagata agatonu i se aso.

Pesalemo 90:10

E kaku a aso o omatou fetuu ki fetuu e kau fitu, Ti e kaku latou ala e makeke ake ki fetuu e kau valu ; Ti ko le fia nealasi leia e motou maua i ai ko le pakia mo le mativa ; Talie puli vave le mauli, ti e tou lele ki le mate.

Esaia 65:20

E leaise toe maua loa i ai se toe pe ko se matua Ala e leaise kaku ki le katoa o latou aso ; Talie ko leia e mate loa i lona fetuu kau lelau e tupulaga loa, Ti ko le tagata agasala leia e fetuu kau lelau e malaia loa.

Oseo 9:14

Eteleno, soli kia latou !… Kolea e ke soli loa kia latou ?… Soli kia latou se manava leia e leaise faitoe ti mo ni u malo !

Tetelonome 28:4

E tapuakina loa le fua o lou manava, mo le fua o lou kele, mo le fua o lau kau manu, ti e lasi loa lau kau pipi, mo lau kau ovi, mo lau kau koti.

Tetelonome 4:40

Ti ke ke tausi ana lao mo ana folafola ala e kau tuku atu kiate koe i le aso nei, o tupu ke ke manuia, a koe mo au fanau i ou muli, ti ke ke fakatologa loa ou aso i le fenua leia e soli loa kiate koe e le Eteleno, lou Atua o lee gato.

Tetelonome 7:14

E tapuaki loa a ia kiate koe o lasi ake i kakai fuli ; e leaise maua loa iate koe se tagata pe ko se fafine paa, pe ko se manu paa i au kau manu.