Ekesote 23:24 - Tosi Tapu

²⁴ Aua na ke punou loa i mua o olatou atua, ti aua na ke tausi loa kia latou ; aua na ke fakatatau loa a aga o kakai ana, kae e ke maumaui loa latou ti e ke fatifatii loa olatou fakatata.

Ekesote 23:24 Iomraidhean Croise

Lua tosi o Sau 17:11

Na lotou tutu loa i ganea ana ni nea fakamanogi, o tatau mo puleaga ala na kapu e le Eteleno i olatou mua, ti na lotou fai loa ni nea veveli, ke lotou fakatupu ai le ita o le Eteleno.

Lua tosi o Sau 17:8

Na lotou muli loa i agai fenua a puleaga ala na kapu e le Eteleno i mua o fanau a Iselaele, ti mo agai fenua ala na fakatupu e sau o Iselaele.

Lua tosi o Sau 18:4

Na fakapuli loa e ia a ganea taualuga, ti na maumaui loa e ia a fakatata, ti na sele loa e ia ki lalo a pou tapu, ti na momoi loa e ia le gata sila leia na fai e Moisese, o tupu na tutu e fanau o Iselaele ni nea fakamanogi i ona mua o kaku mai ki le aso lena.

Lua tosi o Sau 3:2

Na fai loa e ia le nea leia e veli ki mata o le Eteleno, kae na leaise tatau loa pe le nea leia na fai e lona tamana mo lona tinana. Na maumaui loa e ia a fakatata o Paale ala na fai e lona tamana ;

Lua tosi o Koloniko 14:2

Na fakapuli loa e ia a aletale pagani mo ganea taualuga, ti na maumaui loa e ia a fakatata, ti na sele loa e ia a vao tapu.

Lua tosi o Koloniko 25:14

I le toe liliu mai loa a Amatesia i le oki o le lava o le kau Etome, na aumai loa e ia ni fakatata mei vosa o Seili, ti na fakaliliu loa e ia latou ko ona atua ; na punou loa a ia i olatou mua o tutu kia latou ni nea fakamanogi.

Lua tosi o Koloniko 33:2

Na fai loa e ia le nea leia e veli ki mata o le Eteleno, o mulimuli ki aga fakalialia a puleaga ala na kapu e le Eteleno i mua o fanau a Iselaele.

Lua tosi o Koloniko 33:9

Kae o tupu ko Manase, na sese loa Suta mo le kakai o Selusalemi, o fai le nea leia e veli o lasi ake foki i puleaga ala na maumaui e le Eteleno i mua o fanau a Iselaele.

Pesalemo 101:3

E leaise kau tuku loa se nea veli i oku mua ; E kau vesia ki le mauli o le kau agasala ; E leaise pipiki mai loa a ia kiate au.

Ekesote 20:3

Aua na ke maua loa ni atua kese i oku mua.

Ekesote 20:5

Aua na ke punou loa i mua o nea ana, pe ke tausi loa kia latou, talie ko au ko le Eteleno, lou Atua, ko au ko se Atua finenonofo, leia e tautea ia le agaveli o tamana ki fanau, o kaku ki le tolu mo le fa o tautupu o latou ala e agatuu kiate au,

Ekesote 23:13

E kotou taupau loa a nea fuli ala kua kau fakasa kia koutou, ti aua na kotou puaki ia loa se igoa o se atua kese : ke aua na sa i lou gutu lona igoa.

Ekesote 23:32

Aua na ke fai loa se sai mo latou, pe mo olatou atua.

Ekesote 23:33

E leaise lotou nofo loa i lou fenua, talie ke aua na lotou fakasalai loa a koe o ke agasala ai loa kiate au ; talie kapau e ke tausi loa ki olatou atua, ti e liliu loa le nea lena ko se masele kiate koe.

Ekesote 32:20

Ti na too loa e Moisese le uviki pipi leia na lotou fai, o ti a ia ki le afi ; ti na fakaliliu loa e ia a ia ke mugalafu ; ti na laku loa e ia le mugalafu lena ki le vai, ti na fakainu loa e ia le vai lena ki fanau a Iselaele.

Esekiele 16:47

Na leaise gato fua i lau saele i olatou ala, ti mo lau fai alatou nea fakalialia, na leaise feauga a nea ana kiate koe ; kae na ke toe veli oki ake ia laua i ou ala fuli.

Oseo 10:2

Kua vaelua olatou loto : e lotou amo loa lona veli. E soloi loa e le Eteleno olatou aletale, ti e maumaui loa e ia olatou fakatata.

Levitiko 18:3

Ke aua na kotou fai loa le nea leia e fai i le fenua o Esipito, leia na kotou nofo ai, ti ke aua na kotou fai loa le nea leia e fai i le fenua o Kanaane leia e kau ave koutou ki ai : Ke aua na kotou mulimuli loa ki alatou aga fakafenua.

Levitiko 26:1

Aua na kotou fai loa ni taulaatua loi, aua na kotou fakatuu loa kia koutou ni fakatata togi, ti aua na kotou fakatuu loa i lokoutou fenua se fakatata fatu, ke kotou punou loa i ona mua ; talie ko au ko le Eteleno, ko lokoutou Atua.

Numelo 25:2

Na fakaafe loa e taineliki le kakai ki sakilifisio ki atua o Moape ; ti na kai loa le kakai, ti na punou loa a ia i mua olatou atua.

Numelo 33:52

Ke kotou kapu loa i okoutou mua a kakai fuli o le fenua, ke kotou maumaui loa a fakatata fatu fuli mo fakatata ukamea fuli o olatou atua, ti ke kotou maumaui loa olatou ganea tapu fuli.

Tetelonome 12:3

Ke kotou soloi loa olatou aletale, ti ke kotou fatifatii loa olatou pou tapu, ti ke kotou tutu loa olatou vao tapu, ti ke kotou maumaui loa a fakatata o olatou atua, ti ke kotou fakapuli loa i ganea ana a nea fuli ala e fakamanatu ai olatou atua.

Tetelonome 7:5

Kae ko leinei le nea leia e kotou fai loa kia latou : Ke kotou maumaui loa olatou aletale, ti ke kotou fatifatii loa olatou fakatata fatu, ti ke kotou tutuuti loa olatou pou tapu, ti ke kotou tutu loa i le afi olatou taulaatua.