Ekesote 23:21 - Tosi Tapu

²¹ Tokaga kiate ia, o fakalogo ki lona leo ; aua na ke agatuu loa kiate ia, talie e leaise fakamolemole loa e ia au agasala, talie e nofo loku suafa iate ia.

Ekesote 23:21 Iomraidhean Croise

Pesalemo 2:12

Ke kotou sogi ki le Alo, talie na ita a ia, Kae kotou mamate loa i lokoutou ala, Talie e ula vave lona ita. Manuia latou fuli ala e fanaki kiate ia !

Pesalemo 72:19

Ke fakafetai ki lona suafa fakakololia o lee gato ! Ke apele le malama nei katoa i lona kololia ! Amene ! Amene !

Pesalemo 78:40

Na tua fia lalatou agatuu kiate ia i le toafa ! Na tua fia lalatou fakatupu ia lona sausau i le potu lavaki !

Pesalemo 78:56

Kae na lotou asiasii loa le Atua taualuga, ti na lotou agatuu loa kiate ia, Na leaise lotou tausi loa ana fakatotonu.

Pesalemo 83:18

Ke lotou luma ti ke lotou i tuumau, Ke lotou laulaunoa ti ke lotou mamate !

Ekesote 3:14

Na pati loa le Atua kia Moisese : Ko au ko leia e agai. Ti na toe soko atu a ia : E feneeki loa lau tali ki fanau a Iselaele : Ko leia e igoa " Ko au " na kakau ia mai au kia koutou.

Ekesote 32:34

Ano, taki le kakai ki le ganea leia na kau pati atu ki ai. Ko leinei, e saele loa loku aselo i ou mua, kae i le aso o laku lagavaka, e kau tautea loa latou i lalatou agasala.

Ekesote 6:3

Na kau fakasa au kia Apalaamo, mo Isaake mo Sakopo, i loku igoa leia ko le Atua Mafimafi ; kae na leaise lotou iloa au i loku igoa leia ko le Eteleno.

Esaia 42:8

Ko au ko le Eteleno, ko loku igoa a ia ; Ti e leaise kau soli loa loku kololia ki se tasi, Pe ko loku mauiga ki taulaatua.

Esaia 45:6

E tupu ke iloa mei le sopoaga o le laa o kaku ki le galoaga o le laa, E leaise tasi ake Atua iate au : Ko au ko le Eteleno, ti e leaise tasi ake.

Esaia 57:15

Talie e folafola le Taualuga, Leia e lee gato lona nofoaga ti e maokioki lona suafa : E kau nofo i potu taualuga ti mo le maokioki ; Kae e kau nofo foki mo le tagata fakasemala mo agamalu, O tupu ke toe fakamauli a loto fakasemala, O tupu ke toe fakaofo a loto agamalu.

Esaia 7:14

Koia e tuku atu loa e le Aliki totonu kia koutou se fakamailoga ; Ko leinei, e tinae loa le taupoou, ti e fanaui loa e ia se tama, Ti e soli loa e ia kiate ia le igoa ko Emanuele.

Esaia 9:5

Talie kua tupu kia matou se toe, kua soli mai kia matou se vosa, Ti e teki loa le pule i lona tuauma ; E fakaigoa loa a ia ko Fulumalie, Tokoi, Atua mafimafi, Tamana lee gato, Aliki o le tokamalie.

Esaia 9:6

E fakamafola loa e ia lana pule ki atu puleaga, E tuku loa e ia le tokamalie lee gato ki le ekeekeaga fakasau o Tavite, mo lona puleaga, Ti e fakamakeke loa e ia a ia ti mo poupou a ia ki le lao mo le faitotonu, I le temi nei o lee gato : Ko lena le nea e fai loa e le Eteleno o kau tau i lona alofa lasi.

Selemia 23:6

I lona temi, e fakamauli loa a Suta, E maua loa e Iselaele le fimalie i lona nofoaga ; Ti ko leinei le igoa leia e fakaigoa loa a ia ki ai : Le Eteleno lomatou faitotonu.

Selemia 5:7

Kolea e kau fakamolemole ai loa kiate koe ? Na tiaki au e au fanau, Ti e lotou fakapapau i ni atua ala e leaise ko ni atua. Na kau fagai latou ke makokona, kae na lotou faiaga, E lotou tanaki fuli i le fale o le fafine faiaga.

Malakia 3:1

Ko leinei, e kau kakau loa laku tagata avelogo ; E teuteu loa e ia le ala i oku mua. Ti fokifa e ulu loa ki lona fale tapu le Aliki leia e kotou afa ; Ti ko le tagata avelogo o le sai leia e kotou oli ki ai, ko leinei, e au a ia, E pati le Eteleno o kau tau.

Numelo 14:11

Ti na pati loa le Eteleno kia Moisese : E kaku loa kiafea le fakamamae o loku loto e le kakai leinei ? E oki loa afea lana tuigataa kiate au, logo ai a fakamailoga fuli o loku mafimafi ala kua kau fakatio a ia ki ai ?

Numelo 14:35

Ko au, ko le Eteleno, kua kau masau ! Ti e kau fai maoki loa le nea lena ki le kakai agaveli leinei, leia kua fakatasi o fakafesagai mai kiate au. E lotou mamate fuli loa i le toafa.

Mateo 1:23

Ko leinei, e tinae loa le taupoou, e fanaui loa e ia se vosa, ti e soli loa kiate ia le igoa ko Emanuele, ko lona uiga ko le Atua mo tatou.

Mateo 17:5

I le lolotoga o lana masau, na uufi loa latou e se ao gigila. Ti ko leinei, na fakasa loa e se leo mei le ao a folafola anei : Ko ia leinei ko loku Alo alofaina, leia kua kau tuku ki ai loku alofa : Kotou fakalogo kiate ia !

Soane 10:30

Ko au mo le Tamana e ma toka tasi.

Soane 10:38

Kae kapau e kau fai latou, tatau foki pe leaise kotou tui mai kiate au, kotou tui fua ki gaoi ana, o tupu ke kotou iloa ti ke kotou fakamaoki e nofo iate au le Tamana, ti mo au e nofo i le Tamana.

Soane 5:23

o tupu ke fakaapaapa fuli ki le Alo ofaipe lalatou fakaapaapa ki le Tamana. Ko leia e leaise fakaapaapa ki le Alo, e leaise fakaapaapa a ia ki le Tamana leia na kakau ia mai le Alo.

Efeso 4:30

Aua na kotou fakamamae le Laumalie Maokioki o le Atua leia na fakamailoga ia koutou ki le aso o le letamisio.

Tetelonome 18:19

Kapau e leaise fakalogo loa se tasi ki folafola ala e fakasa loa e ia i loku suafa, e kau tautea loa a ia, e au totonu.

Tetelonome 9:7

Ke ke manatui, ti ke aua na galo iate koe le aso leia na ke fakatupu ai le sausau o le Eteleno, lou Atua, i le toafa. Na ke fakafesagai ki le Eteleno mei le aso leia na ke mavae ai i le fenua o Esipito o kaku ki le aso leia na ke kaku mai ai ki le ganea leinei.

Kolose 2:9

Talie e nofo fakatino iate ia le apeleaga katoa o le Atua.

Epelo 12:25

Kotou tokaga ke aua na kotou fakafiti ki leia e masau atu kia koutou ; talie kapau na leaise sao latou ala na fakafiti loa ke logo ki leia na fakasa ia ni folafola i le malama nei, e feaki ake loa ke tou sao mo kapau e tou titua ki leia e masau mei le lagi,

Epelo 3:16

Talie, ko ai ma latou ala na agatuu i le sili o lalatou logo ki lona leo ? Pe leaise ko latou fuli ala na mavae mei Esipito i le taki a Moisese ?

Sosue 24:19

Na pati loa Sosue ki le kakai : E leaise kotou maua ia loa le makeke ke tausi ki le Eteleno, talie ko se Atua maokioki a ia, ko se Atua fuaa ; e leaise fakamolemole loa e ia akoutou patigataa mo akoutou agasala.

Uluaki tosi a Soane 5:16

Kapau e tio se tasi ki le fai e lona taina se agasala leia e leaise ave ia ki le mate, ke faikole a ia, ti e soli loa e le Atua le mauli ki le taina lena ; e soli loa e ia le mauli kia latou ala e fai ia se agasala leia e leaise ave ia ki le mate. Kae e i ai se agasala leia e ave ia ki le mate, ti e leaise kau pati atu ke faikole ki le agasala lena.

Apokalipisi 1:8

E pati le Aliki Atua, ko au ko le alefa mo le omeka, leia e agai, leia na agai, leia e au, le Mafimafi.

Apokalipisi 2:23

E kau tautea loa ki le mate ana fanau ; ti e iloa loa e Ekelesia fuli ko au leia e ului ia a ifiifi mo mafu, ti e kau totogi loa ki le tagata taki toka tasi o mulimuli ki ana gaoi.

Apokalipisi 2:8

Tosi ki le aselo o le Ekelesia o Similene : Ko leinei le nea leia e pati ki ai le uluaki ti mo le fakamulimuli, leia na mate, kae kua toe liliu mai ki le mauli :

Apokalipisi 3:7

Tosi ki le aselo o le Ekelesia o Filatelefia : Ko leinei le nea leia e pati ki ai le Maokioki, le Maoki, leia e nofo mo le kalavi o Tavite, leia e fakamavaa, ti e leaise tapono e se tasi, leia e tapono, ti e leaise fakamavaa e se tasi :

Tuifakamaau 13:18

Na tali loa le aselo o le Eteleno kiate ia : Kolea e ke vesili mai ai loku igoa ? Ko se misitelio a ia.