Ekesote 23:20 - Tosi Tapu

²⁰ Ko leinei, e kau kakau se aselo i ou mua, ke puipui ia a koe i le ala, ti mo fakakaku ia a koe ki le ganea leia kua kau teuteui.

Ekesote 23:20 Iomraidhean Croise

Senesi 15:18

I le aso lena, na fakapapau loa le Eteleno kia Apalamo, o pati : E kau soli le fenua leinei ki lou sakoga, mei le vaitafe o Esipito o kaku ki le vaitafe lasi, ko le Eufalate :

Senesi 24:40

Ti na tali mai loa a ia kiate au : Ko le Eteleno, leia na kau saele i ona mua, e kakau ia loa lona aselo i ou mua, ti e fakamanuia loa e ia lou fanoga, ti e ke filifili loa se avaga ki loku vosa i le famili mo le fale o loku tamana.

Senesi 24:7

Ko le Eteleno, le Atua o le lagi, leia na fakamavae ia au mei le fale o loku tamana mo loku fenua, leia na masau mai kiate au o fakapapau feneeki mai : E kau soli loa le fenua leinei ki lou sakoga. E kakau loa e ia totonu lana aselo i ou mua ; ti e ke aumai loa mei le ganea lena se avaga ki loku vosa.

Senesi 48:16

ki le aselo leia na saofaki ia au mei tutamaki fuli, e kau kole kiate ia ke tapuaki ki fanau anei ! Ke la fakamauli loku igoa ofaipe le igoa o loku tamana ko Apalaamo mo Isaake, ti ke la liuliuga o lasi i le fenua katoa !

Pesalemo 91:11

Talie e fakatotonu loa e ia ki lana kau aselo Ke taupau ia a koe i ou ala fuli.

Ekesote 14:19

Ti na ano loa le Aselo o le Atua, leia na saele i mua o le kau tau o Iselaele, o tuu i olatou muli ; ti na siki loa le pou ao leia na ano i olatou mua, o ano o tuu i olatou muli.

Ekesote 15:16

Kua mautoka latou e le lulu mo le i ; I le makeke o lou lima, E lotou liliu loa o gutu mate ofaipe ni fatu, O kaku ki le fakalaka o lou kakai, Eteleno ! O kaku ki le fakalaka O le kakai, leia na ke totogi.

Ekesote 15:17

E ke aumai loa latou ti e ke fakanofo loa latou i le mauga o lou tofiga, I le ganea leia na ke teuteui ko lou nofolaga, oi Eteleno ! I le sagatualio, Aliki ! leia na fakatuu e ou lima.

Ekesote 23:23

E saele loa loku aselo i ou mua, ti e taki loa e ia a koe ki le kau Amole, mo le kau Eti, mo le kau Felesi, mo le kau Kanaane, mo le kau Evi mo le kau Sepusi, ti e kau tamate loa latou.

Ekesote 32:34

Ano, taki le kakai ki le ganea leia na kau pati atu ki ai. Ko leinei, e saele loa loku aselo i ou mua, kae i le aso o laku lagavaka, e kau tautea loa latou i lalatou agasala.

Ekesote 33:14

Na tali loa le Eteleno : E kau ano loa mo koe, ti e kau soli loa kiate koe se maloloaga.

Ekesote 33:2

E kau kakau loa i ou mua se aselo, ti e kau kapu loa le kau Kanaane, mo le kau Amole, mo le kau Eti, mo le kau Felesi, mo le kau Evi, mo le kau Sepusi.

Esaia 63:9

I olatou mamae fuli na leaise lotou sala tokoi, Ti ko le aselo leia e nofo i mua o le Eteleno na fakamauli ia latou ; Ko ia totonu leia na totogi ia latou, i lona alofa mo lona manava alofa, Ti na fakamakeke e ia latou ti na amo e ia latou i temi fuli, i aso afea.

Sakalia 12:8

I le aso lena, e puipui loa e le Eteleno le kakai o Selusalemi, Ti ko leia e gaegae ia latou e fai loa pe Tavite i le aso lena ; E fai loa le fale o Tavite pe le Atua, Pe le aselo o le Eteleno i olatou mua.

Malakia 3:1

Ko leinei, e kau kakau loa laku tagata avelogo ; E teuteu loa e ia le ala i oku mua. Ti fokifa e ulu loa ki lona fale tapu le Aliki leia e kotou afa ; Ti ko le tagata avelogo o le sai leia e kotou oli ki ai, ko leinei, e au a ia, E pati le Eteleno o kau tau.

Numelo 20:16

Na motou tagi loa ki le Eteleno, ti na logo loa a ia ki lomatou leo. Na kakau mai loa e ia se aselo, o fakamavae matou mei Esipito. Ti ko leinei, e motou nonofo i Katesi, kolo leia e tuu i le taupotu o lou fenua.

Numelo 22:22

Na malaga loa le sausau o le Atua, o tupu ko le ano a Palaame. Ti na tuu loa le aselo o le Eteleno i le ala, o tali tau kiate ia. Na eke Palaame i lana asino, ti na ano ana tagata fakasausau e toka lua mo ia.

Mateo 25:34

Ti e pati loa le sau kia latou ala e tutuu loa i lona fetuu atamai : Kotou au, koutou ala na tapuaki e loku Tamana ; kotou maua le puleaga leia na teuteui atu kia koutou talu mei le kamataaga o le malama nei.

Soane 14:3

Ti ka kau ano loa, ti ka kau teuteui loa se nofoaga kia koutou, e kau toe liliu mai loa, ti e kau too loa koutou mo au, o tupu ko le ganea leia e kau nofo ai e kotou nonofo ai foki.

Tetelonome 33:2

Na pati a ia : Na au le Eteleno mei le mauga o Sinai. Na malaga ake a ia ki aluga o latou mei Seili, Na gigila a ia mei le mauga o Palani, Ti na au a ia mo le kau miliate maokioki, Ti na too e ia i lona lima atamai le afi o le lao.

Sosue 23:5

E kapu loa latou e le Eteleno, lokoutou Atua, i okoutou mua ; ti e kotou maua loa lolatou fenua, ofaipe le pati a le Eteleno, lokoutou Atua.

Sosue 5:13

I le tuu a Sosue o feofi ki Seliko, na siki ake loa ona mata ki aluga ti na tio a ia ki se tagata leia na tuu i ona mua mo lana seleta kua kukumi i lona lima. Na fakafeofi ake loa Sosue kiate ia, o pati : Pe ke kau mo matou pe ke kau mo omatou fili ?

Sosue 5:14

Na tali loa le tagata : Leai, kae ko au ko le pule o kau tau a le Eteleno, e kau kaku mai nei. Na punou loa Sosue o fakatau ona mata ki le kele, o su, mo pati : Kolea le nea leia e fakasa e loku aliki ki lana tagata fakasausau ?

Sosue 6:2

Na pati loa le Eteleno kia Sosue : Tio, e kau tuku ki ou lima a Seliko, mo lona sau, ti mo ona tagata tau loto toa.