Ekesote 23:18 - Tosi Tapu

¹⁸ Aua na ke momoli fakatasi loa se pane fakatupu mo le toto o le manu leia kua momoli kiate au ; ti aua na tuku loa le gako o laku failaulau ke kaku ki le pogipogi usu.

Ekesote 23:18 Iomraidhean Croise

Ekesote 12:10

E leaise kotou tuku loa se nea ke kaku ki le usu ; ti kapau e toe loa se nea ki le usu, ti e kotou tutu loa a ia i le afi.

Ekesote 12:15

I aso e fitu, e kotou kai loa ni pane sala fakatupu. E kamata loa mei le uluaki aso, e leaise toe maua loa se fakatupu i okoutou fale ; talie ko tagata fuli ala e kai loa ki se pane fakatupu, mei le uluaki aso o kaku ki le fitu o aso, e tuuti loa a ia mei Iselaele.

Ekesote 12:8

I le po lena, e kai loa le kanofi o le manu, leia kua tunu i le afi, mo ni pane sala fakatupu ti mo ni lau laakau kona.

Ekesote 16:19

Na pati loa Moisese kia latou : Ke aua na tuku loa e se tagata se nea ke kaku ki le usu.

Ekesote 29:34

Kapau e toe loa se kanoi manu mo se pane ki le usu, ti e ke tutu loa a ia i le afi ; e leaise kai loa a ia, talie ko le nea tapu a ia.

Ekesote 34:25

Aua na ke momoli fakatasi loa mo se pane fakatupu le toto o le vikitima leia kua momoli mai kiate au ; ti aua na ke tuku loa le sakilifisio o le Pasikate mei le pouli ke kaku ki le usu.

Levitiko 2:11

Aua na kotou fai loa ki le Eteleno se moliga mo se fakatupu ; aua na kotou tutu loa i se aso se nea leia e maua ai se fakatupu pe ko se meli i moliga ala kua tutu e le afi i mua o le Eteleno.

Levitiko 7:12

Kapau e momoli e se tagata se sakilifisio fakafetai mo se katiko fakafetai, e ave fakatasi loa e ia mo le sakilifisio fakafetai, ni keke sala fakatupu ala na lusi mo le lolo, mo ni pane maninifi ala na pani ki le lolo, ti mo ni keke ala na fai ki le falina tea ti na lusi ki le lolo.

Levitiko 7:15

E kai loa le kanofi o le sakilifisio fakafetai i le aso leia na momoli ai a ia, e leaise tuku loa se nea ke kaku ki le usu.

Tetelonome 16:4

I aso e fitu, ke aua na maua loa iate koe se fakatupu, i lou fenua katoa ; ti ke aua na taupau loa se nea e tasi o vikitima ala e ke tamate loa i le afiafi o le uluaki aso ke kaku ki le pogipogi usu.