Ekesote 23:15 - Tosi Tapu

¹⁵ E ke taupau loa le aso o pane sala fakatupu ; i aso e fitu, i le temi leia kua oki i le fakatuutuu i le masina o fulumeto, e ke kai loa ni pane sala fakatupu, o mulimuli ki le nea leia na kau fakatotonu atu kiate koe, talie na ke mavae mei Esipito i le masina lena ; ti ke aua na au loa se tasi ki mua o le Eteleno mo lima ata.

Ekesote 23:15 Iomraidhean Croise

Ekesote 12:2

E liliu loa le masina leinei kia koutou ko le uluaki masina o masina ; e liliu loa a ia kia koutou ko le uluaki masina o le fetuu.

Ekesote 13:3

Na pati loa Moisese ki le kakai : Kotou manatui le aso leinei, le aso leia na kotou mavae ai i Esipito, i le fale o le popula ; talie ko le lima makeke o le Eteleno leia na fakamavae ia koutou. E leaise kai loa se pane fakatupu.

Ekesote 13:4

E kotou mavae i le aso nei, i le masina o le tuuti o le fulumeto.

Ekesote 22:29

Aua na ke toe fakatoloi ia loa le momoli mai o uluaki fua o lau fulumeto pe ko lau vite. E ke soli mai loa kiate au le uluaki o ou vosa.

Ekesote 34:18

E ke tausi loa le aso o pane sala fakatupu, i ni aso e fitu, i le temi leia kua fakatuutuu ki ai i le masina ko Apipi : e ke kai loa ni pane sala fakatupu, o fai ki le nea leia na kau fakatotonu atu kiate koe, talie na ke mavae i le masina lena mei Esipito.

Ekesote 34:20

E ke totogi loa ki se akeno le uluaki o le asino ; ti kapau e leaise ke totogi a ia, e ke fatii loa lona ua. E ke totogi loa a uluaki fuli o ou vosa ; ti e leaise au loa ki oku mua mo lima ata.

Levitiko 23:10

Masau ki fanau a Iselaele, o pati kia latou : Ka kotou ulu loa ki le fenua leia e kau soli atu loa kia koutou, ti kotou fai loa le tuuti o le fulumeto, kotou ave loa ki le tagata faisakilifisio le uluaki fuiga fulumeto leia e kotou tuuti loa.

Mikea 6:6

Kolea le nea ke ano mo au ki mua o le Eteleno, Ke kau fakataulalo ai i mua o le Atua Taualuga ? Pe kau ano loa ki ona mua mo ni failaulau, Mo ni uviki pipi fetuu taki tasi ?

Maleko 14:12

I le uluaki aso o pane sala fakatupu, leia na tamate ai le akeno o le Pasikate, na pati loa a tisipulo a Sesu kiate ia : Ko le ganea fea leia e ke loto ke motou ano o teuteui ai le Pasikate kiate koe ?

Luka 2:41

Na pale a matua o Sesu i fetuu fuli ki Selusalemi i le aso lasi o le Pasikate.

Luka 22:7

Kua ofi le aso o pane sala fakatupu, leia e tonu ke tamate ai le akeno o le Pasikate.

Gaoi 12:3

I lana tio na ano malie le nea a ia ki le kau Sutea, na fakatotonu loa e ia ke toe too foki mo Petelo. Ko aso ana o pane sala fakatupu.

Tetelonome 16:16

E tua tolu loa i le fetuu, e ano loa a tagata fuli o lou kakai ki mua o le Eteleno, lou Atua, i le ganea leia e filifili loa e ia : i le aso o pane sala fakatupu, i le aso o le Penikosite, mo le aso o tapenakulo. Ke aua na ano loa ki mua o le Eteleno mo lima ata.

Uluaki tosi a Samuele 6:3

Na lotou tali loa : Kapau e kotou toe fakaliliu le aleka o le Atua o Iselaele, aua na kotou toe fakaliliu ata loa a ia, kae ke kotou fai ki le Atua se sakilifisio o tupu ko le agasala ; ti e kotou mauli loa i okoutou masaki, ti e kotou iloa ai loa pe kolea na leaise sau ai lona lima ia koutou.