Ekesote 23:14 - Tosi Tapu

¹⁴ E ke fai loa o tua tolu i le fetuu ni aso lalasi kiate au.

Ekesote 23:14 Iomraidhean Croise

Uluaki tosi o Sau 9:25

Na momoli loa e Salomone o tua tolu i le fetuu ni failaulau mo ni sakilifisio fakafetai i le aletale leia na fakatuu e ia ki le Eteleno, ti na susunu loa e ia mo ni kaloni i le aletale leia na tuu i mua o le Eteleno. Ti na fakaoki loa e Salomone le fale.

Lua tosi o Koloniko 8:13

Na momoli e ia le nea leia na fakatotonu e Moisese ki le aso taki tasi, mo sapato, mo masina foou, ti mo aso lalasi, o tua tolu i le fetuu, mo le aso lasi o pane sala fakatupu, mo le aso lasi o vasaa, ti mo le aso lasi o falela.

Ekesote 23:17

E ano tua tolu loa i le fetuu a tagata fuli ki mua o le Aliki, le Eteleno.

Ekesote 34:17

E leaise ke fai loa kiate koe se atua ki se ukamea kua saka.

Ekesote 34:18

E ke tausi loa le aso o pane sala fakatupu, i ni aso e fitu, i le temi leia kua fakatuutuu ki ai i le masina ko Apipi : e ke kai loa ni pane sala fakatupu, o fai ki le nea leia na kau fakatotonu atu kiate koe, talie na ke mavae i le masina lena mei Esipito.

Esekiele 46:9

Kae i le aso leia e tuu ai loa le kakai o le fenua i mua o le Eteleno, i aso lalasi, ko le tagata leia e ulu loa i le matapa noleto, ke atolasio ki le Eteleno, e ulu loa ki fafo i le matapa saute, ti ko le tagata leia e ulu loa ki loto i le matapa saute e ulu loa ki fafo i le matapa noleto ; e leaise tonu loa ke toe liliu i le matapa leia na ulu ai ki loto, kae ke ulu loa ki fafo i le matapa leia e tautonu mo ia.

Levitiko 23:16

Ko le temi lena ko aso e kau lima, e kaku loa ki le apogipogi o le fitu o sapato, i le aso a ia e kotou toe fai loa ki le Eteleno se moliga foou :

Levitiko 23:34

Masau ki fanau a Iselaele, o pati kia latou : ko le aso kau agafulu o le masina fitu leinei, ko le aso lasi loa a ia o fale pola ki le Eteleno, i aso e fitu.

Levitiko 23:4

Ko nei a aso lalasi o le Eteleno, ko fakatasi tapu, ala e kotou fakasa loa i lolatou temi.

Levitiko 23:5

I le uluaki masina, i le aso kau agafulu tupu fa o le masina, i le afiafi, ko le Pasikate loa a ia o le Eteleno.

Tetelonome 16:1

Ke ke tausi le masina o Apipi, o ke fai loa le Pasikate ki le Eteleno, lou Atua : Talie i le masina o Apipi, na fakamavae a koe e le Eteleno, lou Atua, mei Esipito i le pouli.

Tetelonome 16:16

E tua tolu loa i le fetuu, e ano loa a tagata fuli o lou kakai ki mua o le Eteleno, lou Atua, i le ganea leia e filifili loa e ia : i le aso o pane sala fakatupu, i le aso o le Penikosite, mo le aso o tapenakulo. Ke aua na ano loa ki mua o le Eteleno mo lima ata.

Uluaki tosi a Samuele 1:3

I fetuu fuli, na pale Elekana mei lona kolo ki Silo, o atolasio ki le Eteleno o kau tau ti mo momoli kiate ia ni sakilifisio. I ai na nonofo ai a vosa e toka lua o Eli, ko Ofeni mo Finesi, ko tagata faisakilifisio a le Eteleno.