Ekesote 23:11 - Tosi Tapu

¹¹ Kae i le fitu o fetuu, e leaise ke toe to loa a ia ; e ke tuku loa ke malolo le kele. E kai loa ona fua e le kau mativa o lou kakai, ti e tuku loa le toe ki manu o le vao. E ke toe fai fenaaki loa ki le vite mo le olive.

Ekesote 23:11 Iomraidhean Croise

Neemia 10:31

ke aua na motou totogi se nea i le aso o le sapato mo aso lalasi mei le kakai o le fenua leia e aumai ia loa ke fakatau i le aso o le sapato, ni koloa mo ni nea kai ; ti ke fakamaamaa le fitu o fetuu, ke aua na fakamakeke se tasi ke ui lona maua.

Neemia 10:32

Na motou fai foki ni fakatuutuu ke fakamaua matou i le fetuu fuli ke soli se fa piesi paaga ki le tausi o le fale o lomatou Atua,

Ekesote 23:10

Lolotoga fetuu e ono, e ke to loa le kele, ti e ke tanaki loa ona fua.

Ekesote 23:12

E ke fai loa lau gaoi i aso e ono. Kae i le fitu o aso, e ke malolo loa, o tupu ke malolo foki lau pipi mo lau asino, ti ke manavanava ai foki le vosa o lau tagata fakasausau ti mo le matapule.

Levitiko 25:20

Kapau e kotou pati : Kolea le nea leia e motou kai loa i le fitu o fetuu, talie ko leinei e leaise motou to loa amatou faisaga, ti e leaise motou tuuti loa le taukai o amatou faisaga ?

Levitiko 25:22

E kotou to loa akoutou faisaga i le valu o fetuu, ti e kotou kai loa le taukai afea o kaku ki le iva o fetuu ; talie e kotou maua loa ni tokonaki feauga o kaku ki le taukai o le iva o fetuu.

Numelo 16:14

Ti e leaise ko se fenua leia e tafe ai le sua manu mo le sua meli na ke taki matou ki ai, ti e leaise ko ni faisaga magiti mo ni faisaga vite ala na ke soli mai kia matou. Pe ke masalo e kivi a mata o le kakai leinei ? E leaise ma pale atu loa !

Tetelonome 15:11

E maua tuumau loa ni mativa i lou fenua ; koia leia e kau tuku atu ai kiate koe le lao leinei : e ke fakamavaa lasi loa lou lima ki lou taina, mo le fakaaloalofa, mo le mativa i lou fenua.