Ekesote 23:1 - Tosi Tapu

¹ Aua na ke fakamafola ia loa ni loi. Aua na ke kau loa mo le tagata agaveli o fai se fakamaoki loi ke saofaki ai a ia.

Ekesote 23:1 Iomraidhean Croise

Senesi 39:17

Ti na pati loa a ia ki lona avaga : Ko le tagata fakasausau Epeleo leia na ke aumai kia tatou, na au kiate au ke momoe mo au ;

Lua tosi a Samuele 16:3

Na pati loa le sau : Kofea le vosa o lou pule ? Ti na tali loa Tesipa ki le sau : Ko leinei, na nofo a ia i Selusalemi talie e pati a ia : I le aso nei e liufaki loa kiate au e le fale o Iselaele le puleaga o loku tamana.

Lua tosi a Samuele 19:27

Ti na loi a ia o uiga mo lau tagata fakasausau ki loku aliki le sau. Kae e fai loku aliki le sau pe se aselo a le Atua. Fai le nea leia e ke malie ia.

Pesalemo 101:5

Ko leia e lauveli fakafufu ki lona oloi, E kau tapono ia loa lona gutu. Ko leia e maua ia ni mata matasoka mo se loto fia nealasi, e leaise kau kataki loa kiate ia.

Pesalemo 120:3

Kolea e soli atu kiate koe e se alelo kaka, Kolea e ke maua ia i se alelo kaka ?

Pesalemo 15:3

E leaise lau e ia ni veli ki lona oloi, E leaise fai e ia se nea veli ki lona oloi, Ti e leaise fai e ia se nea fakalumaluma ki lona oloi.

Pesalemo 27:12

Aua na ke tuku au ke faifaitalisa ki ai oku fili, Talie e tutuu mai kiate au ni kau fakamaoki loi Ti mo ni kakai e tukumanava ata ki le agamakeke.

Pesalemo 35:11

Kua tuu ki aluga ni kau fakamaoki loi : E lotou vesili kiate au le nea leia e leaise kau iloa.

Ekesote 20:16

Aua na ke fakamaoki loi ki lou oloi.

Ekesote 23:7

Aua na ke tuku ia loa lou taliga ki ni loi, ti aua na ke fakatuaa loa ki le mate le tagata leia na leaise sala mo le tagata faitotonu ; talie ko au ko le Eteleno, e leaise kau fakamolemole loa ki le tagata leia e sala.

Taagapati 10:18

Ko leia e fufu ia le vesia e maua ia ni laugutu loi, Ti ko leia e fakamafola ia ni fatufatu ko se tagata valea.

Taagapati 12:17

Ko leia e fakasa ia le maoki e fakasa ia le faitotonu, Kae ko le tagata fakamaoki loi e fakasa ia le kaka.

Taagapati 14:5

E leaise loi se tagata fakamaoki agatonu, Kae e loi ata le tagata fakamaoki loi.

Taagapati 17:4

E tokaga le tagata agaveli ki laugutu loi, Ti e tokaga le taliga o le tagata gutu loiloi ki le alelo fatufatu.

Taagapati 19:28

E gologolo se tagata fakamaoki agaveli ki faitotonu ; Ti e kai e le gutu o tagata agaveli le veli.

Taagapati 19:5

E leaise sala tautea loa le tagata fakamaoki loi, Ti e leaise sao loa leia e fai ia ni loi.

Taagapati 19:9

E leaise sala tautea loa le tagata fakamaoki loi ; Ti e mate loa leia e gutu loiloi.

Taagapati 21:28

E mate loa le tagata fakamaoki loi, Kae ko le tagata leia e fakalogologo e masau tuumau loa.

Taagapati 24:28

Aua na ke fakamaoki ki lou oloi i se nea leia na leaise ke tio mata ki ai ; Pe ke loto ke ke loi i ou laugutu ?

Taagapati 25:18

Ofaipe se amale mamafa, pe ko se seleta, pe ko se gasau matakakai, E fenaaki le tagata leia e fai ia se fakamaoki loi ki lona oloi.

Taagapati 25:23

E fanaui e le matagi o le potu noleto le ua, Ti e fanaui e le alelo fakaveli ni mata itaita.

Taagapati 6:19

Mo le tagata fakamaoki loi leia e fakasa ia ni loi, Ti mo leia e fakatupu ia ni fefele i fetaina.

Selemia 20:10

Talie e kau logo ki masau veli a le toka api kiate au : Kua taka le fakaii i potu fuli. Kotou tukugavelii a ia, ti e motou tukugavelii loa a ia ! Kua lamalama au e latou fuli ala na tokamalie mo au pe kau siga, o pati : E siga loa a ia i se temi ti tou tapo loa a ia, Ti e tou pule loa kiate ia, E tou totogi loa kiate ia !

Levitiko 19:11

Aua na kotou kaia loa, ti aua na kotou fai fakakaka loa, pe feloiaki loa leia ki leia.

Levitiko 19:16

Aua na ke fakamafola loa ni fatufatu loi ki se tasi o lou kakai. Aua na ke fai loa ni fakamaoki loi ke tamate ai lou oloi. Ko au ko le Eteleno.

Mateo 19:18

Ti na tali loa Sesu : Aua na ke tukipo ; aua na ke tono ; aua na ke kaia ; aua na ke fakamaoki loi ; fakaapaapa ki lou tamana mo lou tinana ;

Luka 19:8

Kae na tuu ake loa Sakeo i mua o le Aliki, o pati kiate ia : Aliki, ko leinei, e kau soli ki le kau mativa le vaelua o oku koloa, ti kapau na kau kaia se paaga a se tasi, e kau toe fakaliliu loa kiate ia le nea lena o liuga fa.

Luka 3:14

Ti na vesili foki ni tagata solia kiate ia : Ti ko matou, kolea e tonu ke motou fai ? Na tali loa Soane kia latou : Ke aua na kotou kaia se paaga i le fakamakeke pe ko le kaka ki se tasi, kae ke kotou fiafia i lokoutou totogi.

Soane 7:51

Pe fakatua ki le mate e latatou lao se tagata kae e leikiaise logo kiate ia ti mo iloa le nea leia na fai e ia ?

Loma 3:8

Ti kolea e leaise tou fai ai loa le veli o tupu ke soko ai se malie, ofaipe le pati a ni iki ala e lauveli mai kia matou ? E tonu le tautea o kakai ana.

Efeso 4:25

Koia ke kotou tiaki le loi, kae kotou tasi masau i le maoki ki lona oloi ; talie ko koga tino koutou o le tino e tasi.

Tetelonome 5:20

Ke aua na ke fakamaoki loi loa ki lou oloi.

Lua tosi kia Timoteo 3:3

mo loto sala manavaalofa ki kaiga, mo lee taupau a fakapapau, mo fakatupu loi, mo oli veli, mo agamakeke, mo nukinuki ki le kakai malie,

Uluaki tosi a Petelo 3:16

ti ke kotou maua se loto lauatea, o tupu, i le nea leia e lotou lau veli ai kia koutou ofaipe ni tagata agaveli koutou, ke lotou luma, latou ala e fai loi ki lokoutou mauli malie ia Kilisito.

Apokalipisi 12:10

Ti na kau logo loa i le lagi ki se leo makeke na pati : I le temi nei kua soko mai loa le saofaki, mo le mafimafi, mo le pule fakasau o lotatou Atua, ti mo le pule o lona Kilisito ; talie kua ti ki fafo leia na lauveli ki otatou fetaina, leia na tukugavelii ia latou i mua o lotatou Atua i le ao mo le po.