Ekesote 22:25 - Tosi Tapu

²⁵ Kapau e ke tuku loa se maua paaga ki le tagata mativa leia e nofo mo koe, leia e kau ki loku kakai, e leaise tonu ke ke faipe se tagata matapule, e leaise tonu ke ke tuku kiate ia se tupu o le paaga.

Ekesote 22:25 Iomraidhean Croise

Lua tosi o Sau 4:1

Na tagi loa se fafine i avaga o vosa o le kau polofeta kia Eliseo, o pati : Kua mate loa lau tagata fakasausau, loku avaga, ti e ke iloa na i lau tagata fakasausau ki le Eteleno ; kae kua au le tagata tae maua ke too aku fanau e toka lua ti ke la popula kiate ia.

Lua tosi o Sau 4:7

Na ano loa le fafine o fakamatala ki le tagata a le Atua, ti na pati loa Eliseo : Ano, o fakatau le lolo, ti ke ui lou maua ; ti e ke mauli loa, a koe mo au fanau, i le nea leia e toe loa.

Neemia 5:7

Na kau fakapapau loa ke kau fai ni valoki ki le kau lalasi mo le kau pule, ti na kau pati loa kia latou : Kolea e kotou tuku ai ni maua mamafa ki okoutou fetaina ! Ti na kau fakatasii loa le kakai toka api kia latou,

Pesalemo 15:5

E leaise afa e ia se tupu o lana paaga, Ti e leaise tali e ia se nea alofa ki leia e mea. Ko leia e fai fenaaki, e leaise toe siga a ia i se aso.

Taagapati 28:8

Ko leia e fakalasi ia ona koloa ki lana paaga na soli ke toe totogi ake mo se tupu, mo se tupu mamafa, E tanaki ia latou ki leia e alofa ki le kau mativa.

Selemia 15:10

Malaia kiate au, ei loku tinana, i lau fakatupu ia au, Ko se tagata fakatupu visi ti mo fakatupu fefele ki le fenua katoa ! E leaise kau too maua, ti e leaise kau soli maua, Kae e lotou fakamalaia fuli mai kiate au.

Esekiele 18:13

Ti kapau e soli e ia lana paaga talie ke toe liufaki ake kiate ia mo se tupu, pe mauli loa le vosa lena ? Leai, e leaise mauli loa a ia ; kua fai e ia a nea fakalialia fuli ana ; e mate maoki loa a ia ! ti e vilo loa lona toto kiate ia !

Esekiele 18:17

Ti kapau e fakamamao loa lona lima i le agaveli, ti kapau e leaise afa e ia se tupu o lana paaga pe ko se totogi, ti kapau e tausi e ia aku fakatotonu mo aku lao, e leaise mate loa le tagata lena o tupu ko le agasala o lona tamana ; kae e mauli loa a ia.

Esekiele 18:7

Leia e leaise fakamakeke ia se tasi, leia e liufaki ia ki le tagata tuu maua lana nea fakamaoki, leia e leaise kaia ia se tasi, leia e soli ia lana pane ki leia e fia kai ti e fakalava ia leia e telefua,

Esekiele 18:8

Leia e leaise soli ke ui ake mo se tupu, ti mo se totogi o le fakaaoga, leia e fakamamao lona lima i le agaveli ti e fakamaui i le faitotonu se tagata mo se tasi tagata,

Esekiele 22:12

Kua tali i lou fale ni nea alofa ke liligi ai le toto ; ti kua ke fakamaua fakavale se tupu o lau paaga, mo se tupu o lau nea gaoi, ti kua ke kaia fakamakeke lou oloi, kae ko au, kua ke galoi au, e pati le Aliki, le Eteleno.

Amosi 2:8

E lotou momoe i tafa o aletale i ni kofu na tuku ake e le kau mativa kia latou, Ti e lotou inu i le fale o olatou atua le vino a latou ala e lotou fakatua.

Mateo 25:27

koia na tonu ai ke ke tuku laku paaga ki le kau tagata faipaaga, o tupu ke kau too loa, i laku toe liliu mai, laku nea mo sona tupu.

Luka 19:23

Kolea na leaise ke tuku ai laku fa mine ki se fale paaga, o tupu ke kau toe liliu mai, o too a ia mo sona tupu ?

Tetelonome 15:7

Kapau e maua loa se mativa i ou fetaina, i se kolo o le fenua leia e soli loa e le Eteleno, lou Atua kiate koe, ke aua na ke tapono loa lou loto, o fakafiti kiate ia se maua leia e kole atu e ia kiate koe.

Tetelonome 24:13

ke ke fakaliliu a ia kiate ia i le vilo o le laa, o tupu ke moe a ia i lona taupulupulu ti ke tapuaki a ia kiate koe : e liliu loa le nea lena kiate koe ko se gaoi malie i mua o le Eteleno, lou Atua.