Ekesote 22:22 - Tosi Tapu

²² Aua na ke fai fakaveliveli loa le fafine leia kua mate lona avaga, pe ko le toe leia kua sala matua.

Ekesote 22:22 Iomraidhean Croise

Sopo 31:16

Kapau na leaise kau soli ki le kau mativa le nea leia na lotou kole mai ki ai, Ti kapau na kau fakamamae a mata o le fafine lokonui,

Sopo 34:28

Na lotou fakamakeke le mativa ke tagi ki le Atua, Ti na lotou fai ke tokaga le Atua ki le tagi a le fakaaloalofa.

Pesalemo 10:14

Kae e ke tio maoki, talie e ke tio ki le pakia mo le mamae, Ti e ke tokaga ki olatou mauli. Ko koe leia e fanaki ki ai le tagata mativa ! Ko koe leia e tokoi ki le toe sala matua !

Pesalemo 34:7

Ka tagi se tagata e mamae, e logo le Eteleno, Ti e fakamauli e ia a ia i ona mamae fuli.

Taagapati 22:23

Talie e puipui loa laua e le Eteleno, Ti e maumaui loa e ia le mauli o latou fuli ala e kaia ia laua.

Taagapati 23:10

Aua na ke siki le koiga mago, Ti aua na ke ulu ki le faisaga o ni fanau sala matua ;

Taagapati 23:11

Talie e mafimafi lolatou fakamauli : E fakafesagai loa a ia kiate koe.

Esaia 1:17

Kotou ako le fai o le nea e malie, kotou afa le faitotonu, Kotou puipui leia e fakavelivelii ; Kotou fai le nea e totonu ki le toe sala matua, Kotou puipui le fafine lokonui,

Esaia 1:23

Kua agatuu ou pule ti kua lotou kau mo le kau kaia : Kua lotou manako fuli ki nea alofa ti kua lotou makape i muli o fakapale ; E leaise lotou fai le nea e totonu ki le toe sala matua, Ti e lotou fakatulituli ki le tagi a le fafine lokonui.

Esaia 10:2

Ke aua na fakamaau i le faitotonu le kau mativa, Ti ke fakafiti a tagi a le kau gaegae o loku kakai, Ti ke fakaliliu a fafine lokonui ko alatou nea kai, Ti mo toe sala matua ko olatou koloa !

Selemia 7:6

Kapau e leaise kotou fakamamae le matapule, mo le toe sala matua, mo le fafine lokonui, Kapau e leaise kotou liligi le toto mea i le ganea leinei, Ti kapau e leaise kotou ano ki ni iki ake atua ke kotou malaia ai,

Selemia 7:7

Ti e kau tuku loa koutou ke nonofo i le ganea leinei, I le fenua leia na kau tuku ki okoutou tamana, I tautupu ki tautupu.

Esekiele 22:7

Kua tiaki iate koe le tamana mo le tinana, ti kua fai fakamakeke ki leia e matapule iate koe, ti kua fakapopulai le toe sala matua mo le fafine lokonui.

Sakalia 7:10

Aua na kotou fakamakeke le fafine lokonui mo le fanau sala matua, mo le matapule, ti mo le mativa, Ti aua na kotou fakakaukau i okoutou loto se nea veli ia koutou.

Malakia 3:5

E kau fakafeofi loa kia koutou ki le fakamaau, Ti e kau fakatavili loa o fakamaoki ki le kau faikikite loi mo le kau tono fafine, Kia latou ala e fakapapau loi, Kia latou ala e taofi ia le totogi o le tagata gaoi, Latou ala e fakamamae ia le fafine sala avaga mo le toe sala matua, Mo latou ala e agaveli ki le matapule, ti mo latou ala e leaise i kiate au, E pati le Eteleno o kau tau.

Mateo 23:14

Malaia kia koutou, kau sekelipa mo kau faliseo malualoi ! Talie e kotou foloako a fale o fafine lokonui, ti e kotou fai i tafa ni kole loloa ; koia e fakamaui loa koutou o toe mamafa ake.

Tetelonome 10:18

E fakamaaui e ia i le faitotonu le fanau sala matua mo le fafine sala avaga. E alofa a ia ki le matapule leia e nofo i lou fenua, o soli kiate ia le nea kai mo le nea lava.

Tetelonome 15:9

Ke ke tokaga ai na ke maua loa i lou loto ni manatu fakalialia, o ke pati loa : kua ofi le fitu o fetuu, le fetuu o le soloi o maua ! Ke ke tokaga na ke maua loa se tio fakaveli ki lou taina leia e mativa, o leaise ke soli loa kiate ia se nea. E kalaga loa a ia ki le Eteleno o uiga mo koe, ti e ke amo loa i ai se agasala.

Tetelonome 24:17

Ke aua na ke fakasalai ia loa se fakamaau ke veli ki le matapule mo le fanau leia kua mate lona tamana, ti ke aua na ke too ia loa a kofu o se fafine leia kua mate lona avaga ke fakamaoki ai le totogi o se maua.

Tetelonome 24:18

Ke ke manatui loa na ke nofo popula i Esipito, ti na saofaki a koe e le Eteleno, lou Atua ; koia e kau tuku atu ai kiate koe a fakatotonu ana ke ke fai.

Tetelonome 27:19

Ke malaia le tagata leia e fakasalai ia loa le fakamaau o se matapule, pe ko se fanau leia e sala tamana, pe ko se fafine leia e sala avaga ! Ti e pati loa le kakai katoa : Amene !

Sakopo 1:27

Ko le lotu leia e mea mo lee mele i mua o le Atua ko le Tamana, ko le fakatele ki fanau sala matua mo lokonui i olatou mamae, ti mo le fakamamao mei nea kelekele fuli o le malama nei.