Ekesote 22:17 - Tosi Tapu

¹⁷ Kapau e leaise loto le tamana o le taine ke tuku ake lona taine kiate ia, ti e totogi paaga loa e le tagata lena le koloa leia e soli ki le taine taupoou mo ka avaga.

Ekesote 22:17 Iomraidhean Croise

Senesi 23:16

Na matala loa Apalaamo kia Efelone ; ti na fua loa e Apalaamo kia Efelone le lasi o le paaga leia na fakasa e ia i mua o vosa o Eti, ko fa paaga siliva e kau lelau fa, i le paaga leia na fakaaoga e le kau.

Senesi 30:20

Na pati loa a Lea : Kua soli mai e le Atua kiate au se koloa fulumalie, i le faiaga leinei, e nofo loa loku avaga mo au, talie kua kau fanaui kiate ia ni vosa e toka ono. Ti na fakaigoa loa e ia ko Sapulone.

Senesi 34:12

Kotou fakasa mai kiate au se totogi lasi, mo ni nea alofa lasi, ti e kau soli atu loa kia koutou le nea leia e kotou pati mai loa ki ai. Kae kese fua ke kotou soli mai le taine ke avaga mo au.

Levitiko 20:6

Kapau e masau se tagata ki le kau mate mo laumalie veli, o faiaga mo latou, e kau tagaki loa oku mata ki le tagata lena, ti e kau tuuti loa a ia mei lona kakai.

Tetelonome 18:10

Ke aua na maua iate koe se tasi leia e fakalaka ia lona vosa pe ko lona taine i le afi, se tasi leia e fai kikite, se tasi leia e fai nea fakaofolele loi, se tasi leia e fai nea fakatemonio,

Tetelonome 22:29

e soli loa e le tagata leia na momoe mo le taine ki le tamana o le taine ni fa sikele paaga e kau lima ; talie na maumaui e ia le matagafua o le taine, e avaga loa a ia mo le taine, ti e leaise feala loa ke kakau e ia le fafine ki lona kaiga i lona mauli katoa.

Uluaki tosi a Samuele 18:25

Na pati loa Saulo : Kotou masau feneeki loa kia Tavite : E leaise kole e le sau kiate koe se koloa, kae e loto a ia ki ni mui kilikili e kau lelau o le kau Filisitini, ke totogi ai lona ita ki ona fili. Na afa e Saulo se puleaki leia ke vilo Tavite ki lima o le kau Filisitini.

Uluaki tosi a Samuele 28:3

Kae kua mate loa Samuele ; ti na tagi Iselaele katoa kiate ia, ti na lotou tanu a ia i Lama, i lona kolo. Ti kua oki foki lona too e Saulo mei le fenua latou ala e felogoi mo le kau mate, mo latou ala e fai kikite.