Ekesote 22:1 - Tosi Tapu

¹ Kapau e kaia e se tagata se pipi pe ko se akeno, ti e tamate e ia a ia pe fakatau e ia a ia, e liufaki loa e ia ni pipi e lima ke totogi ai le pipi mo ni akeno e fa ke totogi ai le akeno.

Ekesote 22:1 Iomraidhean Croise

Lua tosi a Samuele 12:6

Ti e liufaki loa e ia ni ovi e fa, o tupu ko lana fai le nea lena, o tupu na leaise maua e ia se manava alofa.

Ekesote 21:36

Kae kapau na iloa i mua e itaita le pipi, ti na leaise leoleo a ia e lona pule, e totogi loa e le pule lena le pipi ki se tasi ake a pipi, ti e nofo loa a ia mo le pipi mate.

Taagapati 14:4

Kapau e leaise maua ni pipi gaoi kele, e lavaki le fata tanaki fulumeto ; Talie ko le makeke leia o pipi e fakatupu ia ni koloa o lasi.

Taagapati 6:31

Kapau e maua a ia, e fakaliliu loa e ia o liuga fitu, E soli loa e ia a nea fuli e maua e ia i lona fale.

Selemia 2:34

E maua foki i le tapatapa o lou kofu Le toto o le kau agatonu, Ala na leaise ke maua e fakamakeke ia lou matapa.

Esekiele 33:15

Kapau e liufaki loa e ia le nea fakamaoki, ti e fakaliliu loa e ia le nea leia na kaia e ia, ti kapau e mulimuli loa a ia ki pelesepeto ala e soli ia le mauli, kae e leaise toe fai loa e ia le agaveli, e mauli loa a ia, kae e leaise mate loa a ia.

Numelo 5:7

E kofesio loa e ia lana agasala, ti e liufaki loa e ia le nea leia na kaia e ia, o fakalasi a ia ki le vaega lima, ti e tuku loa e ia a ia ki le tagata leia na agasala a ia ki ai.

Luka 19:8

Kae na tuu ake loa Sakeo i mua o le Aliki, o pati kiate ia : Aliki, ko leinei, e kau soli ki le kau mativa le vaelua o oku koloa, ti kapau na kau kaia se paaga a se tasi, e kau toe fakaliliu loa kiate ia le nea lena o liuga fa.