Ekesote 21:6 - Tosi Tapu

⁶ ti e taki loa a ia e lona pule ki mua o le Atua, ti e fakafeofi loa e ia a ia ki le matapa pe ko se pou o le matapa, ti e puui loa e lona pule lona taliga ki se tui, ti e gaoi loa a ia ki lona pule o tuumau.

Ekesote 21:6 Iomraidhean Croise

Uluaki tosi o Sau 12:7

Ti ko leinei le nea leia na lotou fakasa loa : Kapau i le aso nei e ke fia tausi ki le kakai lena, kapau e ke fakalogo kia latou, ti kapau e ke fai kia latou ni tali malilie, e lotou liliu loa ko au tagata fakasausau o tuumau.

Pesalemo 82:1

Pesalemo a Asafe. E agai le Atua i le fakatasiga a le Atua ; E fakamaau a ia i loto malie o atua.

Ekesote 12:12

I le po lena, e kau fakalaka loa i le fenua o Esipito, ti e kau tamate loa a fanau uluaki fuli o le fenua o Esipito, mei le tagata o kaku ki le manu, ti e kau fakasoko loa aku tautea ki atua fuli o Esipito. Ko au ko le Eteleno.

Ekesote 21:22

Kapau e fefele ni tagata, ti e lavea ai se fafine tinae, o vilo ai lona toe, ti na gato ai lona veli : e fakatuaa loa a tagata ana ki se tua leia e fakatotonu loa e le avaga o le fafine, ti e la totogi loa a ia i mua o ni tui fakamaau.

Ekesote 21:5

Kapau e pati le tagata popula : E kau alofa ki loku pule, mo laku avaga, ti mo aku fanau, e leaise kau loto kau mavae lauatea,

Ekesote 21:7

Kapau e fakatau loa e se tagata lona taine ke liliu o popula, ti e leaise mavae loa le taine ofaipe le mavae a le kau popula masani.

Ekesote 22:28

Aua na ke lauveli loa ki le Atua, ti e leaise ke lauveli loa ki le pule o lou kakai.

Esaia 1:26

E kau toe fakanofo loa ou tui fakamaau ofaipe le temi mua, Ti mo ou kau fono ofaipe le kamataaga. I le oki o le nea aia, e fakaigoa loa a koe ko le kolo o le faitotonu, Kolo agatonu.

Levitiko 25:23

Aua na ke fakatau loa se kele o tukupau : talie ko le fenua a aku, talie e kotou nonofo i loku kaiga ofaipe ni matapule, mo ni iki ala e nonofo fakatemi.

Levitiko 25:40

E nofo loa a ia i lou fale ofaipe se tagata gaoi totogi, ofaipe se tagata gaoi fakatemi ; e gaoi loa a ia kiate koe o kaku ki le fetuu o le supileo.

Sofoni 3:3

Ko ona pule i loto malie o ona e fai pe ni laione kaikai ; Ko ona tui fakamaau ko ni lupo o le afiafi ala e leaise fakatoe ia se nea ki le usu.

Tetelonome 1:16

Na kau tuku loa, i le temi lena, le fakatotonu leinei ki okoutou tui fakamaau : ke kotou fakalogo ki okoutou fetaina, ti ke kotou fakamaaui i le faitotonu a visi a le tagata mo lona taina pe ko se tagata matapule.

Tetelonome 15:16

Kae kapau e pati atu loa kiate koe lau tagata fakasausau : e leaise kau fia mavae i lou fale, - talie e alofa a ia kiate koe mo lou famili, ti e mauli fimalie a ia i lou fale, -

Tetelonome 15:17

ti e ke too loa se tui, ti ke puui loa lona taliga ki le matapa, ti e liliu loa a ia ko lau tagata fakasausau o lee gato. E ke toe fai fenaaki loa ki lau fafine fakasausau.

Tetelonome 16:18

I kolo fuli ala e soli atu loa kiate koe e le Eteleno, lou Atua, e ke fakanofo loa ni tui fakamaau mo ni ofisa ke fakamaau ia le kakai i le faitotonu.

Uluaki tosi a Samuele 1:22

Kae na leaise pale loa a Ana, ti na pati loa a ia ki lona avaga : Ka puaki loa le toe, e kau ave loa a ia, talie ke momoli a ia ki le Eteleno, ti ke nofo a ia i ai o talu ai.

Uluaki tosi a Samuele 27:12

Na fanaki a Akise kia Tavite, ti na pati a ia : Kua fakalialia oki Tavite ki Iselaele, lona kakai, ti e nofo oki loa a ia o fakasausau kiate au.

Uluaki tosi a Samuele 28:2

Na tali loa Tavite kia Akise : Io, e ke tio totonu loa ki le nea leia e fai loa e lau tagata fakasausau. Ti na pati loa Akise kia Tavite : Ti e kau fakanofo loa a koe ke tausi tuumau kiate au.