Ekesote 21:2 - Tosi Tapu

² Kapau e ke totogi se tagata popula Epeleo, e fakasausau loa a ia kiate koe i fetuu e ono ; kae i le fitu o fetuu, e mavae loa a ia i le lauatea, e leaise totogi loa e ia se nea.

Ekesote 21:2 Iomraidhean Croise

Senesi 27:28

Ke tuku e le Atua kiate koe le sasau o le lagi, Mo le gako o le kele, Mo le fulumeto, ti mo le vino o lasi ai !

Senesi 27:36

Na pati loa Esau : E tonu ai lona igoa leia ko Sakopo, talie ko le tua lua leinei o lana fakalaka iate au. Na uluaki too mua e ia loku tuulaga o le vosa uluaki, ti ko leinei i le aso nei kua toe too e ia loku tapuaki. Ti na toe pati loa a ia : Pe leaise ke nofo mo se tasi ake tapuaki kiate au ?

Lua tosi o Sau 4:1

Na tagi loa se fafine i avaga o vosa o le kau polofeta kia Eliseo, o pati : Kua mate loa lau tagata fakasausau, loku avaga, ti e ke iloa na i lau tagata fakasausau ki le Eteleno ; kae kua au le tagata tae maua ke too aku fanau e toka lua ti ke la popula kiate ia.

Neemia 5:8

ti na kau pati loa kia latou : Na tou totogi o mulimuli ki le nea leia na tou mafai otou fetaina, le kau Sutea, ala na popula ki atu puleaga, ti e kotou toe fakatau loa, e koutou totonu, okoutou fetaina, ti e kotou fakatau latou kia tatou ! Na lotou fakalologo loa, talie na leaise lotou maua loa se tali.

Ekesote 12:44

E ke silikosisio loa a tagata fakasausau fuli na totogi siliva ; ti o mafai loa ke lotou kai le Pasikate.

Ekesote 21:3

Kapau na natu toka tasi a ia, ti e mavae toka tasi loa a ia ; ti kapau na i ai sana avaga, ti e mavae loa a ia mo lana avaga.

Ekesote 21:7

Kapau e fakatau loa e se tagata lona taine ke liliu o popula, ti e leaise mavae loa le taine ofaipe le mavae a le kau popula masani.

Ekesote 22:3

Kae kapau na soko le nea lena kua sopo le laa, ti e lau loa a ia ko se tukipo. Kapau e leaise maua e le tagata kaia se nea ke totogi ai lana kaia, e fakatau loa a ia totonu ke totogi ai lana kaia.

Levitiko 25:54

Kapau e leaise toe totogi a ia e se nea i nea ana, e mavae loa a ia i le fetuu o le supileo, a ia mo ona fanau.

Mateo 18:25

Na leaise maua e ia se nea leia ke ui ai lona maua, ti na fakatotonu loa e lona pule ke fakatau a ia, mo lona avaga, mo ana fanau, mo nea fuli ala na maua e ia, ke ui ai le maua.

Uluaki tosi ki le kau Kolinto 6:20

Talie kua totogi koutou ki se totogi lasi ai. Koia ke kotou fakakololia le Atua i lokoutou tino mo lokoutou laumalie, ala e maua e le Atua.

Tetelonome 15:1

I fetuu fitu fuli, ke ke tausi loa le lao o le soloi o maua.

Tetelonome 15:18

Ke aua na ke fakasemala loa i le kakau o lau tagata fakasausau ke mavae lauatea mei lou kaiga, talie na gaoi a ia kiate koe i fetuu e ono, ko le tua lua a ia o le totogi o le tagata gaoi totogi ; ti e tapuaki loa kiate koe le Eteleno, lou Atua, i nea fuli ala e ke fai loa.

Tetelonome 31:10

Na tuku loa e Moisese le fakatotonu leinei kia latou : Ka oki loa ni fetuu e fitu, i le fetuu leia o le fakamolemole o maua, i le aso leia o Tapenakulo,