Ekesote 21:14 - Tosi Tapu

¹⁴ Kae kapau, i lona loto veli ki lona oloi, e fai loa e se tasi se puleaki kaka ke tamate ai a ia, e ke tatai loa a ia, tatau aifai pe mei loku aletale, o tamate a ia.

Ekesote 21:14 Iomraidhean Croise

Lua tosi a Samuele 3:27

I le kaku mai a Apenele ki Epelone, na ave loa a ia e Soape ki se ganea kese i loto o le matapa o le kolo, ke masau fakafufu a ia kiate ia, ti na sukii loa e ia a Apenele ki se seleta i lona manava o mate ai, ke totogi ai le mate o Asaele, lona taina.

Lua tosi o Sau 11:15

Ti na tuku loa e le tagata faisakilifisio ko Seosata le fakatotonu leinei ki pule o tino lelau, ala na taki ia le solia : Kotou ave a ia ki fafo, ti kotou tamate ki le seleta leia e muli loa iate ia. Talie na pati le tagata faisakilifisio : Ke aua na tamate a ia i loto o le fale o le Eteleno !

Pesalemo 19:13

Ko ai e iloa ia ona sese ? Fakamolemole mai kiate au ala e leaise kau iloa.

Ekesote 21:15

Ko leia e taai ia loa lona tamana pe ko lona tinana, e tautea loa a ia ki le mate.

Taagapati 28:17

Ko se tagata leia e nofo mo se tukipo i lona loto E sola o kaku ki le popoko : ke aua na taofi a ia !

Numelo 35:16

Kapau e taai loa e se tasi lona oloi ki se nea ukamea o tupu ai lona mate, ko se tukipo a ia : ti e fakatuaa loa le tagata tukipo ki le mate.

Tetelonome 1:43

Na kau masau kia koutou, kae na leaise kotou fakalogo. Na kotou fakafefeka loa ki fakatotonu a le Eteleno, ti na kotou fia nealasi loa, o pale ki le mauga.

Tetelonome 18:22

Kapau e leaise fai loa ti e leaise soko loa le nea leia e masau loa ki ai le polofeta i le suafa o le Eteleno, ko se masau loa a ia na leaise fakasa loa e le Eteleno. Ko le matasoka lena na masau ai loa le polofeta : ke aua na ke i kiate ia.

Tetelonome 27:24

Ke malaia le tagata leia e taai fakafufu ia loa lona oloi ! Ti e pati loa le kakai katoa : Amene !

Epelo 10:26

Talie kapau e tou agasala i lotatou loto faifaitalisa kae kua tou maua le iloa o le maoki, e leaise koi toe loa se tasi ake failaulau ki le agasala,

Lua tosi a Petelo 2:10

tafito latou ala e makape i muli o le kanofi i se oli fakakelekele, ti e nukinuki ki le pule a le Atua. E lotou agamakeke mo loto fefeka, e leaise lotou i fuai i le lauveli ki le kau pule fakakololia o le lagi,